2014-08-20
Today from Hiiraan Online:  _
Wararka Maanta- Jimco, May 10, 2013
Ciidamada Dowladda Soomaaliya iyo kuwa AMISOM oo Maanta la wareegay Deegaanka Aw-diinle ee Gobolka Bay


Jimco, May 10, 2013 (HOL) — Ciidamada dowladda Somalia kuwa AMISOM oo wata gaaadiidka gaashaaman ee dagaalka ayaa la wareegay maanta deegaanka Awdiinle oo ka tirsan gobolka Bay, kaasoo Baydhabo u jira 30-km, waxaana deegaankan ku sugnaa xoogagga Al-shabaab.

Ma dhicin wax iskahorimaad ah oo dhexmaray ciidamada isbahaysanaya iyo kuwa Al-shabaab, iyadoo deegaankan lagu sheego inuu yahay goobta keliya ee ay Al-shabaab ka heli jirtay dhaqaalaha, waxaa mari jiray gaadiidka aada  deegaanka Mandheera ee dalka Kenya.

Lama yaqaan xoogaggii Al-shabaab halka ay aadeen, iyadoo deegaanka uu noqonayo kii ugu horreeyay oo ciidamada AMSIOM iyo kuwa dowladda oo is-garabsanaya ay kala wareegaan Al-shabaab kuna dhow degmada Baydhabo.

Deegaankan ayaa waxaa dhowr jeer horay u qabasday ciidamada Itoobiya iyo kuwa dowladda Soomaaliya inkastoo ay dib uga baxayeen, waxaana loo maleynayaa in ciidamada hadda qabsaday ay joogi doonaan.

Waxaa kaloo jirta in ciidamada AMISOM ay la wareegeen goobo badan oo ay ciidamada Itoobiya horay u fadhiyeen sida deegaanka Goof-gaduud oo aad ugu dhow magaalada Baydhabo iyo goobo kale.

Wararka hoose ee la helayo ayaa sheegaya in ciidamada AMISOM lagu wado inay gaaraan degmada Qansax-dheer oo hadda ay ku sugan yihiin ciidamada Itoobiya, waxayna doonayaan inay halkaas ka dhigaan saldhig weyn oo ay ka difaacaan degmada Baydhabo ee xarunta gobolka Bay, iyadoo deegaanka Awdiinle iyo Qansax-dheere ay isku jiraan 60-km.

Hiiraan Online, Baydhabo





Post your comments

2013-05-10 7:17 PM EST
Jimco, May 11, 2013(HOL)—Madaxweynaha Dowladda Federaalka Soomaaliya Xasan Shiikh Maxamuud oo maalmahan booqasho ku joogay dalka Ingiriiska ayaa wuxuu caawa la hadlay Soomaalida ku nool magaalada Birmingham oo isugu yimid in ay dhegeystaan khudbadda madaxweynaha Soomaaliya.

2013-05-10 1:07 PM EST
Dood-wadaagan oo looga hadlayay aaladaha ay ku wada xiriiraan bulshada sida Facebook, Paltalk, Twitter, myspace, MSN iyo wixii lamid ah ayaa waxaa lagu qabtay Magaalada Nairobi ee caasimada dalka Kenya.

2013-05-10 6:24 AM EST
Jimco, May 10, 2013(HOL)— Munaasabadan oo ay soo qabanqaayeen haweenka Soomaliyeed ee UK ayaa si diirran loogu soo dhaweeyey Marwo Sahra Cumar Xasan oo ah Marwada Madaxweynaha Soomaaliya, iyadoo munaasabaddana ay ka soo qeybgaleen qeybaha kala duwan ee Dumarka soomaliyed ee ku nool magaalada London iyo nawaaxigeeda.

2013-05-10 2:35 AM EST
Jimco, May 10, 2013 (HOL) — Qaramada Midoobay ayaa sheegtay in 3,000 oo askari oo ka tirasn ciidamada AMISOM lagu dilay gudaha Soomaaliya tan iyo sannadkii 2007 oo uu howlgalkan billowday, iyadoo sheegtay in askarta ugu badan ee la dilay ay ka socdeen dalalka Uganda iyo Burundi.

2013-05-10 2:32 AM EST
Jimco, May 10, 2013 (HOL) —Ururka horumarinta deegaanka iyo bulshada ee loona soo gaabiyo (SECO) SOMALILAND ENVIRONMENT COMMUNITY DEVELOPMENT ORGANIZATION (SECO ) oo la aasaasay bishii Abriil 2010 kana howlgala gobolllada Awdal iyo Salal ayaa gobolka Awdal ka sameeyay wacyi-gelin ku saabsan khatarta tahriibka.

2013-05-10 2:12 AM EST
Jimco, May 10, 2013 (HOL) — Magaalada Baydhabo ayaa maalmahan waxay ahayd mid ammaankeeda faraha ka baxay; sidaas awgeed rag ganacsato ah ayaa sameystay shirkad qaabilsan ammaanka oo lagu magacaabo Galeyr, (Galeyr Security Service Corp) taasoo loogu talogalay inay ilaalso hay’adaha samafalka ah eek a howgalla Baydhabo.

2013-05-10 2:04 AM EST
Jimco, May 10, 2013 (HOL) — Madaxweynihii hore ee Puntland Gen. Maxamuud Muuse Xirsi (Cadde) oo maanta shir-jaa’id ku qabtay guriga uu ka degen yahay magaalada Qardho ee xarunta gobolka Karkaar, ayaa ka hadlay arimo badan oo la xiriira xaaladda siyaasadeed ee ay xilligan Puntland ku sugan tahay.