2014-07-31
Today from Hiiraan Online:  _
Wararka Maanta- Arbaco, May 1 , 2013
Xiriirka Ururrada Shaqaalaha Soomaaliyeed ee FESTU oo u Dabaal-degay 1-da May oo ah Maalinta Shaqaalaha Adduunka



Arbaco, May 01, 2013 (HOL) — Maanta oo ah maalinta shaqaalaha weynaha adduunka ayaa xiriirka ururada shaqaalaha Soomaaliyeed ee FESTU waxay u dabaal-degeen maalintan qiimaha weyn ku leh shaqaalah dunida oo dhan.

FESTU ayaa waxay 1-da May awgeed hambalyo u dirtay dhammaanka shaqaalaha meel kasta oo ay joogaan; iyadoo u rajeysay inay halaan shaqooyin sharaf leh oo kaafiya noloshooda iyo tan qoysaskooda.

Xiriirku wuxuu sheegay in shaqaalaha Soomaaliyeed lagu hayo dhibaato ku aaddan shaqadooda, sidoo kalena shaqaalaha waxay shaqeeyaan saacado ka badan kuwii sharciga ahaa iyadoo aan lagu siin lacag ku filan, taasoo uu ku sheegay inay qayb ka tahay ku tuhashada xuquuqda shaqaalaha Somalida.

Maanta oo ah maalin lagu xusuusta halganka ay shaqaalaha adduunka u soo mareen inay xaqooda helaan ayaa FESTU waxay sheegtay inay waqti kasta dhibaatada lagu hayo shaqalaha Soomaaliyeed ay sii socoto, iyagoo sheegay inaysan taasi ku keeni doonin wax niyad-jab ah; ayna sii wadayso dadaalka ay ku doonayso in shaqaalaha Soomaaliyeed ay u xauuqdooda helaan.

“Waxaan hambalyo iyo bogaadin u diraynaa shaqaalaha Soomaaliyeed meel kasta oo ay joogaan. Maanta waa maalin ku weyn dhammaan muruqmaalka meel kasta oo ay adduunka ka joogaan. Waa maalin si weyn loogu xusuuto shaqaalaha naftooda u huray soo dhicinta xaqqa shaqaalaha,” ayuu ayuu si kooban u yiri Maxamed Abuukar Zubeyr oo ah gudddoomiya xiriirka ururrada shaqaalaha Soomaaliyeed ee FESTU.

FESTU waxay ugu baaqday dowladda federaalka Soomaaliya inay wax ka qabato dhibaatada lagu hayo shaqaalaha; taasoo xiriirka uu ku sheegay inay ka dhacdo goobaha shaqada iyo bulshada dhexdeeda.

Xiriirka wuxuu sidoo kale hoosta ka xariiqay in dowladda Soomaaliya looga baahan yahay inay si buuxda u damaanad qaaddo dhowrista xuquuqda aas-aasiga ah ee shaqaalaha Soomaaliyeed ay u leeyihiin dhisidda ama inay ku biiraan urur shaqaalaha oo danahooda difaaca; taasoo ah xuquuq aas-aasi ah.

Ururada shaqaalaha ee ku bahoobay FESTU waxay xuseen in shaqa la’aanta ay tahay waxyaabaha ugu wacan degenaansho la’aanta ka jirta dalka, taasoo dhibaato ku ah horumarka bulshada iyo mustaqbalka wanaagsan ee dhallinyarada Soomaaliyeed.


“FESTU waxay diyaar u tahay inay dowladda iyo dadka loo shaqaeeyo kala shaqeyso sidii loo abuuri lahaa shaqooyin tayo leh oo dabooli kara baahida baahsan ee ay qabaan dadka u diyaarka ah inay shaqeeyaan ee ay hayso shaqo la’aanta, gaar ahaan dhallinyarada,” ayuu Zubeyr hadalkiisa ku daray.

Guddoomiyaha FESTU wuxuu ugu baaqay dowladda Soomaaliya inay wax ka qabato musuq-maasuqa iyo maamul-xumida sababa xadgudubyada lagula kaco shaqaalaha iyo ururrada shaqaalaha, si dalka uu uga baxo dhibaatada muddada dheer soo jirtay.

“Marna ma dhici doonto inaan ka aamusno in xaquuqaadka aas-aasiga ah ee shaqaaalaha Soomaaliyeed meel looga dhaco,” ayuu mar kale yiri Maxamed Abuukar Zubeyr oo intaas ku daray.

Isagoo sii hadlaya ayuu yiri: “Waa in dib u eegis lagu sameeyaa shuruucda shaqada oo waqtigan ah mid aan la jaan-qaadi karin horumarka loo baahan yahay inuu dalka gaaro iyo qawaaniinta caalamiga ah ee u degsan shaqada iyo dhowrista xuquuqda shaqaalaha.”

Xiriirka ururada shaqaalaha Soomaaliyeed ee FESTU oo ah ururka kaliya ee caalamku u aqoonsan yahay inuu matalo danaha shaqaalaha Soomaaliyeed ayaa intaa ku daray in loo baahan in la ilaaliyo xuquuqda shaqaalaha Soomaaliyeed.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-05-01 12:19 PM EST
Arbaco, May 01, 2013 (HOL) — Madaxweyne Soomaaliya, Xasan Sheekh Maxamuud ayaa maanta oo ku beegan maalinta shaqaalaha adduunka wuxuu booqday shirkad kaluumeysi oo xarunteedu tahay degmada Wardhiigley ee gobolka Banaadir, isagoo sheegay in kalluumeysigii sharci-darrada ahaa ee xeebaha Soomaaliya uu sii yaraanayo.

2013-05-01 12:05 PM EST
Arbaco, May 01, 2013 (HOL) — Wasiiradda arrimaha dibadda ee Soomaaliya, Fawsiya Yuusuf Xaaji Aadan ayaa maanta u dhooftay magaalada Addis Ababa ee dalka Itoobiya, halkaasoo ay uga qaybgalayso shir looga hadlayo amaanka dalalka Bariga Afirka oo ay soo diyaarisay IGAD.

2013-05-01 12:03 PM EST
Arbaco, May 01, 2013 (HOL) — Xoghayaha guud ee Qaramada Midoobay, Ban Ki-Moon ayaa cambaareeyay dilkii ku xigeenkii garyaqaanka guud ee dowladda Soomaaliya, Axmed Sheekh Nuur Macallin, isagoo sheegay inuu aad uga xun yahay weerarrada ka dhacaya Muqdisho ee lagu beegsanayo sharci-yaqaannada Soomaaliyeed.

2013-05-01 10:17 AM EST
Arbaco, 1 May, 2013(HOL) :- Ciidamada Kenya ee ilaalada ka haya xarunta Jaamacadda Kismaayo oo ah halka ay ku suganyihiin qaar kamid ah ergada ka qeybqaadaneeysa shirka maamul u sameynta Jubbaland ayaa waxaa maanta lagu qabtay haweeney la sheegay in ay sidatay walxaha qarxa.

2013-05-01 8:40 AM EST
Arbaco, May 01, 2013 (HOL) — Maxkamadda Degmadda Gabiley ayaa toddobaadkan magaaladda Wajaale ee xuduudda Somaliland iyo Itoobiya u dhexeeya ku xukuntay rag lagu eedeeyey inay tahriibiyaan dhalinyarta Somaliland, kuwaas oo lagu soo qabqabtay magaaladaasi.

2013-05-01 8:17 AM EST
Arbaco, May, 01, 2013 (HOL) Munaasabad siweyn loo soo agaasimay laguna qabtay xarunta ciidamada Lama-galaay ee magaalada Baladweyne ayaa maanta mudo 22 sano ah kadib waxaa markii ugu horeysay lacago gunno ah loogu qeybiyay ciidamada xoogga dalka ee maamulka gobollka Hiiraan.

2013-05-01 8:15 AM EST
Arbaco, May 01, 2013 (HOL) — Madaxwaynihii hore ee Soomaaliya, Shariif Sheekh Axmed ayaa socdaal ku maraya qaar ka tirsan magaalooyinka waa-weyn ee dalka Mareykanka, isagoo khudbado ka jeediyay magaalada Atlanta ee gobolka Georgia, West Virginia iyo North Carolina, wuxuuna khudbadaha ka jeediyay jaamacado ku yaalla gobollada uu maray, wuxuuna sidoo kale la qaatay kulamo mas’uuliyiin ay ku jiraan qaar xilal hore kasoo qabtay dalka Mareykanka iyo Soomaaliyeed ee ku nool magaalooyinkaasi.

2013-05-01 1:33 AM EST
Arbaco, May 01, 2013 (HOL) — Xarakada Al-shabaab ayaa ku goodisay inay u aargudi doonto 13-kii qof ee shalay lagu dilay duleedka Boosaaso, iyadoo ku tilmaantay falkaas xasuuq loo geystay dad aan waxba galabsan oo la iska soo xirxiray.

2013-05-01 1:08 AM EST
Arbaco, May 01, 2013 (HOL) — Ammaanka magaalada Muqdisho ayaa si aad ah loo adkeeyay, waana maalintii labaad oo jidadka Muqdisho intooda badan ay xiran yihiin, waxaana ma’uuliyiinta maamulka gobolka Banaadir ay shegeen in laga baqdin qabo in Al-shabaab ay falal argagaxiso ka geysato Muqdisho.

2013-05-01 1:04 AM EST
Arbaco, May 01, 2013 (HOL) — Dowladaha Britain iyo Imaaraadka Carabta ayaa ku dhawaaqay inay bixinayaan lacag gaaraysa laba milyan oo doollar si looga hortago kufsiga loo geysto haweenka Soomaaliyeed, iyadoo hadalkan lagu sheegay warbixin kasoo baxay wasaaradda arrimaha dibadda Britain.