12/22/2014
Today from Hiiraan Online:  _
Wararka Maanta- Arbaco, May 1 , 2013
Ammaanka Magaalada Muqdisho oo si aad ah loo Adkeeyay; Iyadoo baqdin laga qabo in Al-shabaab ay Weerarro geysato



Arbaco, May 01, 2013 (HOL) — Ammaanka magaalada Muqdisho ayaa si aad ah loo adkeeyay, waana maalintii labaad oo jidadka Muqdisho intooda badan ay xiran yihiin, waxaana ma’uuliyiinta maamulka gobolka Banaadir ay shegeen in laga baqdin qabo in Al-shabaab ay falal argagaxiso ka geysato Muqdisho.

Guddoomiye ku xigeenka maamulka gobolka Banaadir ahna ku simaha guddomiyaha gobolka, Cali Axmed Guure ayaa sheegay in qorshahooda uu yahay sidii lagu badbaadin lahaa nolosha shacabka Soomaaliyeed, isagoo xusay inay heleen fariimo ku saabsan in Al-shabaab ay qorsheynayso inay qaraxyo geysato.

“Dowladda dhexe iyo maamulka gobolka Banaadir waxay go’aansadeen inay sameeyaan howlgallo lagu adkeynayo ammaanka Muqdisho si looga hortago falalka guracan ee ay qorsheynayaan kooxaha nabadda diiddan, shacabkana waxaan ka codsanaynaa inay gacan ku siiyaan ciidamada sidii ammaanka lagu sugi lahaa,” ayuu yiri Cali Axmed Guure.

addooyinka waaweyn ee Muqdisho sida isgoyska KM-4 iyo jidka Maka Al-Mukarama oo ah kuwa ugu mashquulka iyo ciriiriga badan ayaan maanta shaqeynyn, waxaana ku sugan ciidammo ka tirsan kuwa dowladda oo u diidaya gaadiidku inay maraan.

“Maalintii lahaad ayaan maanta socod ku maraynaa jidadka waaweyn ee Muqdisho, meel walba waxaa taagan ciidammo aad u feejigan, inkastoo ay dadku meel ku dhow marayaan haddana ma ogola in gaadiidku ay jidadka maraan,” ayuu yiri mid ka mid ah ganacsatada dukaamada ku leh waddada Maka Al-mukarama.

Iyadoo maanta ay ku beegan tahay maalinta shaqaalaha adduunka ayaa la joojiyay xaflado badan oo ka dhici lahaa Muqdisho, kuwaasoo lagu xusayay maalinta shaqaalaha, sababo la xiriira xirnaanshaha magaalada, balse waxaa jira in goobo kale oo Muqdisho ka tirsan lagu qabanayo xaflado maalintan lagu xusayo.

“Ciidamadu rasaas ayay ridayaan meelaha qaarkood, kuwaasoo digniin ay uga dhigayaan gaadiidka doonaya inay waddooyinkaas maraan, arrintan waa mid ku cusub Muqdisho oo aanan horay u arag,” ayay tiri haweeney ka mid ah dadkii saakay ku lugeynayay waddooyinka xiran.

Dowladda Soomaaliya ayaa sheegtay inay soconayaan qorshayaasha lagu sugayo ammaanka guud ee caasimadda, iyagoo sheegay in Al-shabaab ay qorsheynayso inay weerarro argagaxiso ka geysato Muqdisho. 

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

5/1/2013 12:19 PM EST
Arbaco, May 01, 2013 (HOL) — Madaxweyne Soomaaliya, Xasan Sheekh Maxamuud ayaa maanta oo ku beegan maalinta shaqaalaha adduunka wuxuu booqday shirkad kaluumeysi oo xarunteedu tahay degmada Wardhiigley ee gobolka Banaadir, isagoo sheegay in kalluumeysigii sharci-darrada ahaa ee xeebaha Soomaaliya uu sii yaraanayo.

5/1/2013 12:05 PM EST
Arbaco, May 01, 2013 (HOL) — Wasiiradda arrimaha dibadda ee Soomaaliya, Fawsiya Yuusuf Xaaji Aadan ayaa maanta u dhooftay magaalada Addis Ababa ee dalka Itoobiya, halkaasoo ay uga qaybgalayso shir looga hadlayo amaanka dalalka Bariga Afirka oo ay soo diyaarisay IGAD.

5/1/2013 12:03 PM EST
Arbaco, May 01, 2013 (HOL) — Xoghayaha guud ee Qaramada Midoobay, Ban Ki-Moon ayaa cambaareeyay dilkii ku xigeenkii garyaqaanka guud ee dowladda Soomaaliya, Axmed Sheekh Nuur Macallin, isagoo sheegay inuu aad uga xun yahay weerarrada ka dhacaya Muqdisho ee lagu beegsanayo sharci-yaqaannada Soomaaliyeed.

5/1/2013 10:17 AM EST
Arbaco, 1 May, 2013(HOL) :- Ciidamada Kenya ee ilaalada ka haya xarunta Jaamacadda Kismaayo oo ah halka ay ku suganyihiin qaar kamid ah ergada ka qeybqaadaneeysa shirka maamul u sameynta Jubbaland ayaa waxaa maanta lagu qabtay haweeney la sheegay in ay sidatay walxaha qarxa.

5/1/2013 8:40 AM EST
Arbaco, May 01, 2013 (HOL) — Maxkamadda Degmadda Gabiley ayaa toddobaadkan magaaladda Wajaale ee xuduudda Somaliland iyo Itoobiya u dhexeeya ku xukuntay rag lagu eedeeyey inay tahriibiyaan dhalinyarta Somaliland, kuwaas oo lagu soo qabqabtay magaaladaasi.

5/1/2013 8:17 AM EST
Arbaco, May, 01, 2013 (HOL) Munaasabad siweyn loo soo agaasimay laguna qabtay xarunta ciidamada Lama-galaay ee magaalada Baladweyne ayaa maanta mudo 22 sano ah kadib waxaa markii ugu horeysay lacago gunno ah loogu qeybiyay ciidamada xoogga dalka ee maamulka gobollka Hiiraan.

5/1/2013 8:15 AM EST
Arbaco, May 01, 2013 (HOL) — Madaxwaynihii hore ee Soomaaliya, Shariif Sheekh Axmed ayaa socdaal ku maraya qaar ka tirsan magaalooyinka waa-weyn ee dalka Mareykanka, isagoo khudbado ka jeediyay magaalada Atlanta ee gobolka Georgia, West Virginia iyo North Carolina, wuxuuna khudbadaha ka jeediyay jaamacado ku yaalla gobollada uu maray, wuxuuna sidoo kale la qaatay kulamo mas’uuliyiin ay ku jiraan qaar xilal hore kasoo qabtay dalka Mareykanka iyo Soomaaliyeed ee ku nool magaalooyinkaasi.

5/1/2013 7:39 AM EST
Arbaco, May 01, 2013 (HOL) — Maanta oo ah maalinta shaqaalaha weynaha adduunka ayaa xiriirka ururada shaqaalaha Soomaaliyeed ee FESTU waxay u dabaal-degeen maalintan qiimaha weyn ku leh shaqaalah dunida oo dhan.

5/1/2013 1:33 AM EST
Arbaco, May 01, 2013 (HOL) — Xarakada Al-shabaab ayaa ku goodisay inay u aargudi doonto 13-kii qof ee shalay lagu dilay duleedka Boosaaso, iyadoo ku tilmaantay falkaas xasuuq loo geystay dad aan waxba galabsan oo la iska soo xirxiray.

5/1/2013 1:04 AM EST
Arbaco, May 01, 2013 (HOL) — Dowladaha Britain iyo Imaaraadka Carabta ayaa ku dhawaaqay inay bixinayaan lacag gaaraysa laba milyan oo doollar si looga hortago kufsiga loo geysto haweenka Soomaaliyeed, iyadoo hadalkan lagu sheegay warbixin kasoo baxay wasaaradda arrimaha dibadda Britain.