12/19/2014
Today from Hiiraan Online:  _
Wararka Maanta- Khamiis, Mar 7 , 2013
Shirkad soo Bandhigtay Tayada Dawooyin ay dibadda ka keento iyo Xiriirka ay la leedahay Shirkad Turki ah (SAWIRRO)



Khamiis, Maarso 07, 2013 (HOL) — Shirkadda Mubaarak Farsamasi ee dawooyinka soo dejiya ayaa sheegtay in dawooyinkeedda ay ka soo iibiyaan mid ka mid ah shirkadaha sameeya dawooyinka ee dalka Turkiga, kuwaas oo soo saara dawoooyin tayo leh.

Munaasibad lagu soo bandhigayey xidhiidhka ganacsi ee ka dhexeeye shirkadda Mubaarak (MUBCO) iyo shirkadda Turkiga laga leeyahay ee dawooyinka samaysa ee BILIM ayaa lagu qabtay Hoteel maansor ee magaaladda Hargeysa.

Xafladan waxa ka soo qaybgalay madax ka socota shirkadda Turkiga ee dawooyinka BILIM oo magaciisa la yidhaa Aunur Ozkan, guddoomiyaha Shirkadda Mubaarak Company Yuusuf Ducaale Bare,  masuuliyiin ka socotay wasaaradda Caafimaadka, Hay’ada Ilaalinta Tayadda Alaabooyinka iyo dhakhaatiir  madaxa banaan.

Maamulaha guud ee shirkadda Mubaarak Dr: Yuusuf Ducaale Barre, ayaa sheegay inay munaasibaddani fursad u tahay in ay iskugu keenaan Sarkaal sare ee ka socda Shirkadd BILIM  Mr: Onur Ozkan iyo dhakhaatiirta iyo ganacsatada xagga dawooyinka ee Somaliland.

“Waxaanu maanta aad iyo aad ugu faraxsanahay inaanay xafladdani balaadhan isugu kiinKeenay Ganacsatada Dawooyinka iyo Dhakhaatiirtii Somaliland iyo Mr Onur Ozkan oo ah sarkaal sare oo ka socda shirkadda BILIM ee dalkaasi Turkiga”ayuu yidhi maamulaha guud ee shirkadda wadaniga ah ee Mubaarak Company Dr Yuusuf Ducaale Barre, waxaanu tilmaamay in dalka keenaan dawooyin tayo leh, waxaanay labadda shirkadood Mubaarak iyo Bilim Company ka dhexeeya xidhiidh ganacsi.

Sarkaal sare oo ka socday shirkadda BILIM ee Turkiga ayaa u mahadnaqay shirkadda Mubaarak Pharmaceutical Company oo xidhiidh ganacsi ka dhexeeyo, waxaanu halkaasi ka bixiyey macluumaadka shirkadooda iyo tayadda dawooyinka ay sameeyaan, waxaanu sheegay in shirkadooddaa la sameeyey 1959, taas oo xafiisyo ku leh dalal badan oo ay u joogaan 48 Wakiil.

Guddoomiyaha Ururka dhakhaatiirta Somaliland Dr Obolas, ayaa sheegay inay ka dhakhaatiir ahaan xusuusinayaan inay qaar badan oo kamida Dawooyinka dalka la keeno inaanay faa’iido badan lahayn balse waxa uu fariin u diray Shirkadda Bilim iyo Dawladeeda Turkiga inay Somaliland tahay dalka isku tashaday oo Dimoqoraadi ah.

Waxa isaguna halkaasi ka hadlay Farxaan Liibaan oo ah maamulaha Liibaan Aan Iimaan, waxaanu sheegay inay Dawooyinka tayada leh in dalka la keenaa aanay ku xidhnayn ganacsatada, balse ay ku xidhantahay in  dhakhaatiirtu  marka hore dadka bukaanka ah u qoraan Dawooyinka tayada leh.

Agaasimaha Hay’adda Ilaalinta tayadda alaabooyinka Somaliland Mustafe Maxamed ayaa sheegay in daraasad ay sameeyeen ku ogaadeen in khatarta ugu badan ay ka timaado dawooyin aan tayo lahayn oo dadka la siiyo, kuwaas oo dhibaato badan ku haya dadweynaha. Waxaanu shirkadda Mubaarak uga mahad celiyey xafladan ay ku soo bandhigayan dawooyinka ay keenaan.

Shirkadani waa tii ugu horeysay ee soo bandhiga dawooyinka ay dadweynaha ka iibiso tayadoodda iyo halka ay ka keenaan.



Barkhad-Ladiif  M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

3/7/2013 12:26 PM EST
Khamiis, Maarso 07, 2013 (HOL) —Dagaal culus oo ciidamada dowladda iyo kuwa Al-shabaab ku dhexmaray maanta deegaanka Lafaale oo ka tirasn degmada Xudur ee gobolka Bakool kaddib ayaa waxay ciidammo ka tirsan kuwa dowladda waxay madaxa dagaalyahan ka tirsan Al-shababa oo ay soo jareen geeyeen degmada Xudur.

3/7/2013 12:12 PM EST
Khamiis, Maarso 07, 2013 (HOL) — Xukuumadda Somaliland ayaa sheegtay inay walaac ka qabto cunno-qabateynta hubka ee laga qaaday Soomaaliya, iyagoo wasiirka arrimaha dibadda ee maamulkas uu ku tilmaay go’aanka uu golaha ammaanka qaatay mid aan si wanaagsan looga fiirsan.

3/7/2013 11:13 AM EST
Khamiis, Maarso 07, 2013 (HOL) — Ra’iisal wasaaraha Soomaaliya, Cabdi Faarax Shirdoon (Saacid) oo dib ugu soo laabtay Muqdisho ayaa galabta shir Jara’id oo uu ku qabtay xafiiskiisa kaga warbixiyay safarkii uu ku tagay degmooyin ka tirsan gobolka Galguduud ee bartamaha Soomaaliya iyo cunno-qabateyntii hubka ee laga qaaday Soomaaliya.

3/7/2013 10:46 AM EST
Khamiis, Maarso 07, 2013 (HOL) — Ururka HIRDA ayaa maanta ku qabtay Muqdisho munaasabad lagu soo dhaweynayay laguna xusayay maalinta haweenta adduunka ee 8-da Maarso oo sanad walba xiliyadan oo kale laga xuso Soomaaliya iyo caalamka intiisa kale.

3/7/2013 10:20 AM EST
Khamiis, Maarso 07, 2013 (HOL) — Ciidamada dowladda Soomaaliya oo gacan ka helaya kuwa Itoobiya ayaa saakay 9:00 aroonimo la wareegay degmada Ufuroow ee gobolka Bay, halkaasoo ay ka talinaysay Al-shabaab sannadihii lasoo dhaafay.

3/7/2013 8:32 AM EST
Khamiis, Maarso 07, 2013 (HOL) — Ra’iisul wasaaraha Soomaaliya iyo wasiirkiisa maaliyadda lacagta oo laga dalbaday inay horyimaadaan golaha baarlamaanka Soomaaliya si wax looga weydiiyo hoos u dhaca xoogga leh ee ku yimid doollarka, taasoo dhibaateyn ku ah shacabka Soomaaliyeed.

3/7/2013 8:22 AM EST
Khamiis, Maarso 07, 2013 (HOL) — Wasaaradda horumarinta arrimaha bulshada ee dowladda Soomaaliya iyo xafiiska Jinsiga ee AMISOM ayaa maanta si wadajir ah ugu qabtay Muqdisho xuska maalinta haweenka Adduunka ee 8-da Maarso oo sannad walba laga xuso dunida oo dhan, iyadoo la sheegay in lasoo hormariyay maadaama ay berri Jimco tahay oo laga nasanayo shaqooyinka.

3/7/2013 7:19 AM EST
Khamiis, Maarso 07, 2013 (HOL) — Qaar ka mid ah dhibanayaashii dacwadda ku oogay madaxweyne ku xigeenkii hore ee Soomaalya Cali Samatar, ayaa ka hadlay waraaq uu Ra’isal wasaaraha Soomaaliya Saacid u qoray wasaaradda arrimaha dibadda ee Maraykanka oo uu kaga codsanayo in xukunkii lagu xukumay Cali Samatar la buriyo maadama oo uu xaasanad siyaasadeed leeyahay.

3/7/2013 6:31 AM EST
Khamiis, March 07, 2013 (HOL) - Wasiirka gaashaandhiga dalka Kenya Yuusuf Xaaji ayaa noqday senatorka Garissa, kadib markii uu si dirqi ah kaga guulaystay gudoomiye ku xigeenka baarlamaanka Faarax Macallim oo muddo ku dhow labaatan sano ahaa xildhibaanka deegaanka Dhadhaab.

3/7/2013 5:27 AM EST
Xildhibaan Yuusuf Xassan ayaa si aqlabiyad ah markale loogu doortay kursiga degmada Kamakunji oo ah deegaanka ay ka tirsantahay xaafada Islii ee magaalada Nairobi.

3/7/2013 12:45 AM EST
Khamiis, Maarso 07, 2013 (HOL) — Dowladda Soomaaliya iyo ururka Ahlusunna Waljamaca ayaa shalay kala saxiixday heshiis qodobbo badan ah, kuwaasoo ay si wadajir ah u saxiixeen mas’uuliyiinta dowladda iyo kuwa Ahlusunna.

3/7/2013 12:22 AM EST
Khamiis, Maarso 07, 2013 (HOL) — Guddiga doorashooyinka dalka Kenya ayaa sheegay inay dib ugu laabteen tirinta codadka doorashooyinka, kaddib markii ay xumaadeen qalabkii lagu tirin lahaa codadka, iyagoo sheegay inay natiijadu soo bixin doonto berri oo Jimco ah.

3/6/2013 11:57 PM EST
Khamiis, Maarso 07, 2013 (HOL) — Madaxweynaha Soomaaliya, Xasan Sheekh Maxamuud ayaa sida diirran u soo dhaweynaya go’aanka Golaha Ammaanka ee Qaramada Midoobay uu cunno-qabteynta hubka kaga qaaday dowladda Soomaaliya.