2014-11-20
Today from Hiiraan Online:  _
Wararka Maanta- Isniin, Mar 4 , 2013
Soomaalida ku nool Degmada Kamakunji ee Magaalada Nairobi oo si balaaran ugu soo baxday Doorashada (SAWIRRO)


ELECTION5.jpg

Isniin, March 04, 2013(HOL) - Kumannaan Soomaali ah oo ku nool degmada Kamakunji, gaar ahaanna xaafada Islii ayaa galay safafka dhaadheer oo inta badan codbixiyayaasha dalka Kenya oo dhan ay taagnaayeen maanta.

Waxaana dadkan oo isugu jira qaybaha kala duwan ee bulshada lagu dhex arkayay hooyooyin da' ah oo codkooda dhiibanaya, halka hooyooyin kalana ay safafka galeen iyagoo caruurtooda xambaarsan.

Waxaana saaka subaxnimadii hore goob codbixineed oo ku taalla Islii codkiisa ka dhiibtay xildhibaanka deegaanka Kamakunji Yuusuf Xassan oo mar kale isu soo taagay isla xilkaasi.
Yusui.jpg


Xildhibaanka ayaa wali ku socda gaariga dadka lugaha naafada ka ah, maadaama uusan si toos ah uga soo kaban dhaawac soo gaaray mar bam gacmeed lala beegsaday, isagoo kasoo baxay mid kamid ah masaajiyada xaafada Islii.

Ciidamada ammaanka ayaa inta badan magaalada gaafwareegaya, si loo xaqiijiyo ammaanka oo ay dawladu ugu talagashay inay sugaan ciidan gaaraya 99,000 oo askari oo lagu baahiyay guud ahaanba dalka Kenya.

Qaar kamid ah dadweynaha codkooda dhiibtay oo la hadlay Hiiraan Online ayaa ku tilmaamay doorashadan mid taariikhi ah, oo hadii ay nabad ku dhammaato laga filayo in is badal uu ku yimaado siyaasada iyo dhaqaalaha dalka Kenya.

"Dalku dhawaan wuxuu yeeshay dastuur cusub, waxaana dawlada soo socota ay ku shaqayn doontaa dastuurkan oo xuquuqda dadka ilaalinaya" ayuu yiri Maxamuud Faarax oo kamid ah dadkii soo codeeyay.

ELECTION.jpg

Dalka Kenya ayaa markii uu kasoo baxay rabshadihii uu dhiiga badani ku daatay ee 2007-2008-dii hirgaliyay dastuur cusub oo dimuqraadi ah, kaasii ogolaanaya nidaam cusub oo uu dalka yeelanayo, magaalo kastana ay yeelanayso nidaam hoosaad u gaar ah kaasoo loo bixiyay "County governments" oo lagu baahinayo awoodaha dawlada.

Waxaana dastuurka cusub ee Kenya ka hirgalay la filayaa inuu wax ka badalo horumarka siyaasadeed iyo kan dhaqaale ee deegaannadii horay loo xaqiri jiray oo uu kamid yahay gobolka waqooyi bari ee Soomaalida oo kamid ah, gobollada ugu dambeeya dalka marka la fiiriyo dhinaca horumarka dhaqaale.

Doorashadan maanta ka bilaabatay Kenya ayaa lagu dooranayaa Madaxweynaha dalka, baarlamaanka, senate-ka,gudoomiyayaasha dawladaha hoose,kuwa deegaannada iyo dadka matalaya countiyada.

Waxaana codbixiye kasta laga rabaa inuu u codeeyo cida ku matalaysa lix jago oo kala duwan, kuwaasoo intooda badan ay ku cusubtahay Kenyaanka, maadaama lagu abuuray dastuurka cusub ee dalka jagooyin aan horay loo aqoon.

Dad badan ayaa cabasho ka muujinaya oo kala garan waayay qaabka loogu codaynayo masuuliyiinta lixda jago ee kala duwan, waxaase gudiga doorashadu ay arrintan u saareen dad ka caawiya codbixiyayaasha oo lagu arkayo goobaha codbixinta.

ELECTION10.jpg
ELECTION11.jpg
ELECTION2.jpg
ELECTION3.jpg
ELECTION4.jpg
ELECTION6.jpg
ELECTION7.jpg
ELECTION8.jpg
ELECTION9.jpg


Axmed C/samad, Hiiraan Online
asamad@hiiraan.com
Nairobi , Kenya




Post your comments

2013-03-04 3:25 PM EST
Halkaan ka daawo (Video) kulankii madaxweyne Xasan Sheekh iyo Amiirka dalka Qadar Hamad Bin Khalifa uu kula kulamy magaalada Dooxa.

2013-03-04 1:27 PM EST
Isniin, March 04, 2013 (HOL) - Uhuru Kenyatta oo hogaamiya isbahaysiga Jubilee ayaa ku horreeya codadka ilaa iyo haatan la tiriyay.

2013-03-04 12:19 PM EST
Isniin, Maarso 04, 2013 (HOL) —Hotel casri ah ayaa maanta laga hirgaliyay magaalada Boorama ee gobolka Awdal, waxaana furintaankii hoteelkan oo lagu magcaaabo Ramada ka qaybgalay dadweynaha degmada, waxgarad iyo mas’uuliyiin kala duwan.

2013-03-04 11:13 AM EST
Isniin, Maarso 04, 2013 (HOL) — Ra'iisal wasaaraha Soomaaliya, Cabdi Faarax Shirdoon (Saacid) iyo wafdi ballaaran oo uu hoggaaminayo ayna ka mid yihiin guddoomiye ku-xigeenka koowaad ee baarlamaanka, Jeylaani Nuur Iikar, wasiirada arrimaha gudaha, wasiirka gaashaandhiga, wasiir ku xigeenno, xildhibaanno iyo saraakiil ciidan ayaa maanta gaaray degmada Dhuusamareeb ee xarunta gobolka Galgaduud.

2013-03-04 9:44 AM EST
Isniin, Maarso 04, 2013 (HOL) — Waxaa duhurnimadii maanta garoonka magaalada Boosaaso soo caga dhigatay diyaarad siddey sagaal maxbuus oo Soomaali ah, kuwaas oo loo qabtay ku lug lahaanshaha falal burcad-badeednimo.

2013-03-04 9:08 AM EST
Isniin, Maarso 04, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii uu hoggaaminayay ayaa maanta la kulmay Amiirka dalka Qadar Amiir Hamad Bin-Khalifah Al-Thani, kaasoo ay uga hadleen sidii iskaashi guud oo dhan walba ah uu u dhexmari lahaa Soomaaliya iyo Qadar.

2013-03-04 8:48 AM EST
Isniin, Maarso 04, 2013 (HOL) — Ciidamada Booliiska Somaliland, ayaa shalay xabsiga u taxaabay Sheekh Maxamuud Cabdillaahi Geelle, ka dib markiii uu dhaliilo usoo jeediyey wasiirka Arrimaha gudaha Maxamed Nuur Caraale Duur iyo wasiirka Maaliyadda Somaliland Cabdicasiis Samaale.

2013-03-04 7:23 AM EST
Isniin, March 04, 2013 (HOL) - Xaafada Islii oo ah goob ay ku yaallaan ganacsiyada waawayn ee Soomaalidu ay ku leedahay Kenya ayaa si habsami leh ay u socotaa codbixintu.

2013-03-04 7:18 AM EST
Isniin, Maarso, 04, 2013 (HOL) – Wafdi uu horkacayo ra’iisal wasaaraha xukuumada Soomaaliya Cabdi Faarax Shirdoon Saacid ayaa goor dhaw gaaray degmada Dhuusa-mareeb ee gobolka Galguduud

2013-03-04 4:00 AM EST
Isniin, March 04, 2013 (HOL) - 14 milyan oo ah muwaadiniinta u dhashay dalka Kenya ayaa saaka 6-dii subaxnimo loo furay goobaha codbixinta si ay codkooda u dhiibtaan.

2013-03-04 1:58 AM EST
Isniin, Maarso 04, 2013 (HOL) — Kooxo hubeysan oo aan heybtooda la aqoon ayaa xalay fiidkii gudaha magaalada Kismaayo ku dilay laba askari oo katirsanaa ciidamada dowladda Soomaaliya.

2013-03-04 12:35 AM EST
Isniin, Maarso 04, 2013 (HOL) — Kooxo bastoolado ku hubeysan ayaa ku dilay saakay oo Isniin ah xaafadda Nnasteexo ee degmada Wadajir gabar ka howlgalaysay mid ka mid ah isbitaallada gaarka loo leeyahay ee ku yaalla magaalada Muqdisho.

2013-03-04 12:13 AM EST
Isniin, Maarso 04, 2013 (HOL) — Ugu yaraan 11-qof oo shan ka mid ay ahaayeen ciidammo booliis ah ayaa ku dhintay rabshado siyaabo kala duwan xalay uga dhacay degmada Gaarisa ee gobolka Waqooyi-bari ee Kenya iyo magaalada xeebta ku taalla ee Mombassa, iyadoo doorashooyinkii ay si caadi ah saakay uga billowdeen.

2013-03-04 12:12 AM EST
Isniin, Maarso 04, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa xalay gaaray magaalada Dooxa ee dalka Qatar, halkaasoo uu kula kulmi doono mas’uuliyiinta dalka Qatar.

2013-03-04 12:10 AM EST
Isniin, Maarso 04, 2013 (HOL) — Waxgaradka degmada Xuddun ee gobolka Sool ayaa si aad ah uga dayriyay xaaladda nololeed ee dadka ku sugan degmadaas oo marba marka kasii dambaysa sii xoogaysanaysa, kaddib xiisad colaadeed oo dhexmara ciidamada Somaliland iyo kuwa Khaatumo ee isku-horfadhiya deegaankaas.