2014-04-24
Today from Hiiraan Online:  _
Wararka Maanta- Isniin, Mar 4 , 2013
Dalka Kenya oo ay socoto codbixintii bilaabatay 6-dii subaxnimo
Isniin, March 04, 2013 (HOL) - 14 milyan oo ah muwaadiniinta u dhashay dalka Kenya ayaa saaka 6-dii subaxnimo loo furay goobaha codbixinta si ay codkooda u dhiibtaan.
Kenya.jpg
Daniel Arap Moi oo 89 jir ah ayaa codkiisa dhiibtay

Dadka ayaa goobaha qaar safafka sii galay saqdii dhexe ee xalay, iyadoo lagu arkayay magaalada Nairobi dad safaf dhaadheer ku jira.

Gudoomiyaha gudiga doorashada ee dalka Kenya oo goordhow warbaahinta la hadlay ayaa sheegay in goobaha ay u sooroobi wayday inay furmaan  6-dii aroornimo gadaal wakhtiga looga kordhin doono.

Waxaana uu tilmaamay in doorashada ay si nabadgalyo ku jirto uga socoto guud ahaanba dalka oo dhan.

Dadka cododkooda dhiibtay ayaa waxaa kamid Daniel Arab Moi oo ah madaxweynihii hore ee dalka Kenya oo muddo 24 sano ah ka talinayay dalka intii aysan Kenya u gudbin nidaamka dimuqraadiga ah.

Waxaana Moi uu codkiisa ka dhiibtay goob codbixineed oo ku taalla jaamacadda Kabarak.

Kenya3.jpg
Dadweynihii xalay habaynimo safafka sii gala

inkastoo ay dhaceen shaqaaqooyin  ammaanka wax u dhimaya ayaa haddana Magaalooyinka Gaarisa iyo Mombasa oo ay awood ku leeyihiin muslimiintu ay doorashadu si deggan uga socotaa.

Waxaana la filayaa in tirinta codadku ay bilaabato 6-da maqribnimo, iyadoo 48 saacadood gudahoodna lagu dhawaaqi doono natiijada sida ay sheegeen gudiga doorashada ee IEBC.

Doorashadan ayaa waxaa u taagan 8 musharrax, kuwaasoo ay ugu cadcadyihiin Ra’iisul wasaaraha dalka Kenya raila Odinga iyo ku xigeenkiisa Uhuru Kenyatta.


Axmed C/samad, Hiiraan Online
asamad@hiiraan.com
Nairobi , Kenya





Post your comments

2013-03-04 3:25 PM EST
Halkaan ka daawo (Video) kulankii madaxweyne Xasan Sheekh iyo Amiirka dalka Qadar Hamad Bin Khalifa uu kula kulamy magaalada Dooxa.

2013-03-04 1:27 PM EST
Isniin, March 04, 2013 (HOL) - Uhuru Kenyatta oo hogaamiya isbahaysiga Jubilee ayaa ku horreeya codadka ilaa iyo haatan la tiriyay.

2013-03-04 12:19 PM EST
Isniin, Maarso 04, 2013 (HOL) —Hotel casri ah ayaa maanta laga hirgaliyay magaalada Boorama ee gobolka Awdal, waxaana furintaankii hoteelkan oo lagu magcaaabo Ramada ka qaybgalay dadweynaha degmada, waxgarad iyo mas’uuliyiin kala duwan.

2013-03-04 11:13 AM EST
Isniin, Maarso 04, 2013 (HOL) — Ra'iisal wasaaraha Soomaaliya, Cabdi Faarax Shirdoon (Saacid) iyo wafdi ballaaran oo uu hoggaaminayo ayna ka mid yihiin guddoomiye ku-xigeenka koowaad ee baarlamaanka, Jeylaani Nuur Iikar, wasiirada arrimaha gudaha, wasiirka gaashaandhiga, wasiir ku xigeenno, xildhibaanno iyo saraakiil ciidan ayaa maanta gaaray degmada Dhuusamareeb ee xarunta gobolka Galgaduud.

2013-03-04 9:44 AM EST
Isniin, Maarso 04, 2013 (HOL) — Waxaa duhurnimadii maanta garoonka magaalada Boosaaso soo caga dhigatay diyaarad siddey sagaal maxbuus oo Soomaali ah, kuwaas oo loo qabtay ku lug lahaanshaha falal burcad-badeednimo.

2013-03-04 9:21 AM EST
Isniin, March 04, 2013(HOL) - Kumannaan Soomaali ah oo ku nool degmada Kamakunji, gaar ahaanna xaafada Islii ayaa galay safafka dhaadheer oo inta badan codbixiyayaasha dalka Kenya oo dhan ay taagnaayeen maanta.

2013-03-04 9:08 AM EST
Isniin, Maarso 04, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii uu hoggaaminayay ayaa maanta la kulmay Amiirka dalka Qadar Amiir Hamad Bin-Khalifah Al-Thani, kaasoo ay uga hadleen sidii iskaashi guud oo dhan walba ah uu u dhexmari lahaa Soomaaliya iyo Qadar.

2013-03-04 8:48 AM EST
Isniin, Maarso 04, 2013 (HOL) — Ciidamada Booliiska Somaliland, ayaa shalay xabsiga u taxaabay Sheekh Maxamuud Cabdillaahi Geelle, ka dib markiii uu dhaliilo usoo jeediyey wasiirka Arrimaha gudaha Maxamed Nuur Caraale Duur iyo wasiirka Maaliyadda Somaliland Cabdicasiis Samaale.

2013-03-04 7:23 AM EST
Isniin, March 04, 2013 (HOL) - Xaafada Islii oo ah goob ay ku yaallaan ganacsiyada waawayn ee Soomaalidu ay ku leedahay Kenya ayaa si habsami leh ay u socotaa codbixintu.

2013-03-04 7:18 AM EST
Isniin, Maarso, 04, 2013 (HOL) – Wafdi uu horkacayo ra’iisal wasaaraha xukuumada Soomaaliya Cabdi Faarax Shirdoon Saacid ayaa goor dhaw gaaray degmada Dhuusa-mareeb ee gobolka Galguduud

2013-03-04 1:58 AM EST
Isniin, Maarso 04, 2013 (HOL) — Kooxo hubeysan oo aan heybtooda la aqoon ayaa xalay fiidkii gudaha magaalada Kismaayo ku dilay laba askari oo katirsanaa ciidamada dowladda Soomaaliya.

2013-03-04 12:35 AM EST
Isniin, Maarso 04, 2013 (HOL) — Kooxo bastoolado ku hubeysan ayaa ku dilay saakay oo Isniin ah xaafadda Nnasteexo ee degmada Wadajir gabar ka howlgalaysay mid ka mid ah isbitaallada gaarka loo leeyahay ee ku yaalla magaalada Muqdisho.

2013-03-04 12:13 AM EST
Isniin, Maarso 04, 2013 (HOL) — Ugu yaraan 11-qof oo shan ka mid ay ahaayeen ciidammo booliis ah ayaa ku dhintay rabshado siyaabo kala duwan xalay uga dhacay degmada Gaarisa ee gobolka Waqooyi-bari ee Kenya iyo magaalada xeebta ku taalla ee Mombassa, iyadoo doorashooyinkii ay si caadi ah saakay uga billowdeen.

2013-03-04 12:12 AM EST
Isniin, Maarso 04, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa xalay gaaray magaalada Dooxa ee dalka Qatar, halkaasoo uu kula kulmi doono mas’uuliyiinta dalka Qatar.

2013-03-04 12:10 AM EST
Isniin, Maarso 04, 2013 (HOL) — Waxgaradka degmada Xuddun ee gobolka Sool ayaa si aad ah uga dayriyay xaaladda nololeed ee dadka ku sugan degmadaas oo marba marka kasii dambaysa sii xoogaysanaysa, kaddib xiisad colaadeed oo dhexmara ciidamada Somaliland iyo kuwa Khaatumo ee isku-horfadhiya deegaankaas.