2014-10-01
Today from Hiiraan Online:  _
Wararka Maanta- Isniin, Mar 4 , 2013
Waxgaradka Degmada Xuddun ee Gobolka Sool oo dhibaatooyinka ka Taagan Degmadaas ku eedeeyay Somaliland


Isniin, Maarso 04, 2013 (HOL) — Waxgaradka degmada Xuddun ee gobolka Sool ayaa si aad ah uga dayriyay xaaladda nololeed ee dadka ku sugan degmadaas oo marba marka kasii dambaysa sii xoogaysanaysa, kaddib xiisad colaadeed oo dhexmara ciidamada Somaliland iyo kuwa Khaatumo ee isku-horfadhiya deegaankaas.

Kulan ay waxgaradka, aqoonyahannada iyo ganacsatadu yeesheen oo lagu gorfaynayey xaaladdaas ayaa waxaa ka hadlay guddoomiyaha waxbarashadda degmada Xuddun, Hurre Hiirad Liibaan isagoo sheegay inay waxbarashada dadka deegaanka dhibaatooyin ku hayaan dagaallada soo noq-noqonaya.

Hurre wuxuu sheegay arday badan oo wax-ku baran-jiray deegaanka ay ka tageen kaddib markii qoysaskoodii ay ka barakeceen halkaas qaar kalena uu soo gaaray dhaawac dhinaca maskaxda ah kuwaasoo awoodi waayay inay sii wataan waxbashadda khaasatan dugsiyada hoose. Isagoo hadalkiisa sii wata ayuu sheegay inay mar kasta oo ay maqlaan xabad dhawaqeed ay fasaxaan ardayda si ay u kala fogaadaan isla markaana ay waalidiintooda u weheshadaan.

Faraax Bille Cali oo ka mid ah ganacsatada degmadaas ayaa isaguna qeexay dhibaatadda ganacsi ee dagaalkaasi ku keenay ganacsatadii deegaanka ku noolayd oo qaarkood ay isaga guureen, halka kuwo kalena ay weli joogaan.

"Waxa sida aadka ah noo waxyeelleeyay BANDOW innagoo badeecad ama xoolo wadna oo qarash garownay ayaa la odhanayaa ma jiro gaadiid soconaya," ayuu yiri Farxaan Bile oo hadalkiisa ku daray: “Waxaanu muddo dheer u adkaysanaynay dhibaatadaas balse hadda way soo korortay.”

Odayaal goobtaasi ka hadlay ayaa waxay dhibaatadda degmadaas ka jirta dusha u saareen maamulka Somaliland oo ay sheegeen inaanay u hayn wax rabitaan ah ayna danaynayaan kuna qanacsan yihiin midowga ummadda Soomaaliyeed.

Ugu danbayntii waxay kusoo gabagabeeyeen baaq ay u dirayaan hay'adaha caalamiga ah in dhibaatada haysatada dadka degmadaas ku nool ay il naxariiseed ku soo eegaan, maadaama aanay kusii jiri Karin dhibaatadan.

Degmadda Xuddun ayaa laga soo billaabo dabayaaqadii sanadkii 2012 oo ciidamo ka socda maamulka Somaliland ay degeen darfyadeeda si joogto ah uga dhacayay dagaallo u dhexeeya ciidamada Somaliland iyo Khaatumo kuwaasoo dhibaateeyay boqolaal qof.

Saynab Cabdi Warsame, Hiiraan Online
xidigtiidhiciweyday@hotmail.com  
Laascaanood, Gobolka Sool





Post your comments

2013-03-04 3:25 PM EST
Halkaan ka daawo (Video) kulankii madaxweyne Xasan Sheekh iyo Amiirka dalka Qadar Hamad Bin Khalifa uu kula kulamy magaalada Dooxa.

2013-03-04 1:27 PM EST
Isniin, March 04, 2013 (HOL) - Uhuru Kenyatta oo hogaamiya isbahaysiga Jubilee ayaa ku horreeya codadka ilaa iyo haatan la tiriyay.

2013-03-04 12:19 PM EST
Isniin, Maarso 04, 2013 (HOL) —Hotel casri ah ayaa maanta laga hirgaliyay magaalada Boorama ee gobolka Awdal, waxaana furintaankii hoteelkan oo lagu magcaaabo Ramada ka qaybgalay dadweynaha degmada, waxgarad iyo mas’uuliyiin kala duwan.

2013-03-04 11:13 AM EST
Isniin, Maarso 04, 2013 (HOL) — Ra'iisal wasaaraha Soomaaliya, Cabdi Faarax Shirdoon (Saacid) iyo wafdi ballaaran oo uu hoggaaminayo ayna ka mid yihiin guddoomiye ku-xigeenka koowaad ee baarlamaanka, Jeylaani Nuur Iikar, wasiirada arrimaha gudaha, wasiirka gaashaandhiga, wasiir ku xigeenno, xildhibaanno iyo saraakiil ciidan ayaa maanta gaaray degmada Dhuusamareeb ee xarunta gobolka Galgaduud.

2013-03-04 9:44 AM EST
Isniin, Maarso 04, 2013 (HOL) — Waxaa duhurnimadii maanta garoonka magaalada Boosaaso soo caga dhigatay diyaarad siddey sagaal maxbuus oo Soomaali ah, kuwaas oo loo qabtay ku lug lahaanshaha falal burcad-badeednimo.

2013-03-04 9:21 AM EST
Isniin, March 04, 2013(HOL) - Kumannaan Soomaali ah oo ku nool degmada Kamakunji, gaar ahaanna xaafada Islii ayaa galay safafka dhaadheer oo inta badan codbixiyayaasha dalka Kenya oo dhan ay taagnaayeen maanta.

2013-03-04 9:08 AM EST
Isniin, Maarso 04, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii uu hoggaaminayay ayaa maanta la kulmay Amiirka dalka Qadar Amiir Hamad Bin-Khalifah Al-Thani, kaasoo ay uga hadleen sidii iskaashi guud oo dhan walba ah uu u dhexmari lahaa Soomaaliya iyo Qadar.

2013-03-04 8:48 AM EST
Isniin, Maarso 04, 2013 (HOL) — Ciidamada Booliiska Somaliland, ayaa shalay xabsiga u taxaabay Sheekh Maxamuud Cabdillaahi Geelle, ka dib markiii uu dhaliilo usoo jeediyey wasiirka Arrimaha gudaha Maxamed Nuur Caraale Duur iyo wasiirka Maaliyadda Somaliland Cabdicasiis Samaale.

2013-03-04 7:23 AM EST
Isniin, March 04, 2013 (HOL) - Xaafada Islii oo ah goob ay ku yaallaan ganacsiyada waawayn ee Soomaalidu ay ku leedahay Kenya ayaa si habsami leh ay u socotaa codbixintu.

2013-03-04 7:18 AM EST
Isniin, Maarso, 04, 2013 (HOL) – Wafdi uu horkacayo ra’iisal wasaaraha xukuumada Soomaaliya Cabdi Faarax Shirdoon Saacid ayaa goor dhaw gaaray degmada Dhuusa-mareeb ee gobolka Galguduud

2013-03-04 4:00 AM EST
Isniin, March 04, 2013 (HOL) - 14 milyan oo ah muwaadiniinta u dhashay dalka Kenya ayaa saaka 6-dii subaxnimo loo furay goobaha codbixinta si ay codkooda u dhiibtaan.

2013-03-04 1:58 AM EST
Isniin, Maarso 04, 2013 (HOL) — Kooxo hubeysan oo aan heybtooda la aqoon ayaa xalay fiidkii gudaha magaalada Kismaayo ku dilay laba askari oo katirsanaa ciidamada dowladda Soomaaliya.

2013-03-04 12:35 AM EST
Isniin, Maarso 04, 2013 (HOL) — Kooxo bastoolado ku hubeysan ayaa ku dilay saakay oo Isniin ah xaafadda Nnasteexo ee degmada Wadajir gabar ka howlgalaysay mid ka mid ah isbitaallada gaarka loo leeyahay ee ku yaalla magaalada Muqdisho.

2013-03-04 12:13 AM EST
Isniin, Maarso 04, 2013 (HOL) — Ugu yaraan 11-qof oo shan ka mid ay ahaayeen ciidammo booliis ah ayaa ku dhintay rabshado siyaabo kala duwan xalay uga dhacay degmada Gaarisa ee gobolka Waqooyi-bari ee Kenya iyo magaalada xeebta ku taalla ee Mombassa, iyadoo doorashooyinkii ay si caadi ah saakay uga billowdeen.

2013-03-04 12:12 AM EST
Isniin, Maarso 04, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa xalay gaaray magaalada Dooxa ee dalka Qatar, halkaasoo uu kula kulmi doono mas’uuliyiinta dalka Qatar.