2014-10-25
Today from Hiiraan Online:  _
Wararka Maanta- Axad, Mar 31, 2013
MADAXWEYNE AXMED SIILAANYO: "Ma jirto cid nagu qasbaysa wax aanay dani ugu jirin Umaddayada” (SAWIRRO)



Axad, Maarso 31, 2013 (HOL) — Xisbiga taladda haya ee KULMIYE ayaa maanta yeeshay shirweyne aan caadi ahayn oo golaha dhexe ku ansixinayo in dib loo dhigo shirweynaha xisbiga iyo in golaha dhexe lagu soo kordhiyo xubno ka yimid ururadii siyaasadda ee doorashadda golaha deeganka ku hadhay.

Shirweynahan oo ay iskugu yimaadeen xubnaha golaha dhexe, qaar ka mid ah ururadii siyaasadda ee hadhay, golaha wasiiradda, guddida diiwaangelinta ururada siyaasadda , hogaanka xisbiga iyo madaxweynaha iyo ku xigeenkiisa.

Xisbiga kulmiye oo bilihii u dambeeyey khilaafkooda dibadda usoo baxay, isla markaana ay keentay in dib loo dhigo shirweynaha xisbiga  oo sharciyan ahayd in bishan la qabto ka dib markii hogaanka sare ee xisbiga la isku qabtay, waxaanu madaxweynuhu soo jeediyey in shirweynahaasi dib loo dhigo si aanu xisbigu u kala burburin, taas ayaa keentay in shirweyne aan caadi ahayn iskugu yimaadaan golaha dhexe maadaama oo xeerka xisbigu tilmaamayi inay awood u leeyihiin inay dib u dhigaan shirweynaha.

Kulimiye 09.JPG (660×440)

Shir sanadeedkan golaha dhexe ee xisbiga KULMIYE, ayaa waxa ka hadlay madaxweyne Axmed Siilaanyo, waxaanu sheegay in xisbiga kulmiye yahay mid dimuqraadi ah oo aragtidda lagu kala duwanaan karo, balse aan lagu kala tageyn, waxa kale oo uu ka hadlay shirweynaha London uga qabsoomayo arrimaha Soomaaliya iyo wada hadaladda u dhexeeya Somaliland iyo Soomaaliya.

“Shirkan waa kii sanadlaha ahaa ee xisbiga, waxaana taasi marag u tahay inuuu xisbigani yahay mid gaamuray oo saldhig u tahay raacista sharciga iyo horumarinta geedi socodka dimuqraadiyadda, xisbi dimuqraadi ah ayey caadadiisa tahay inuu yeesho aragtiyo iyo afkaar kala duwan, kamana jirto wax mushkilad ah oo ka taagan xisbiga”ayuu yidhi madaxweynuhu mar uu ka hadlayey khilaafka laga sheegayey xisbiga.

Wax kale oo uu ka hadlay shirka London loogu qabanayo Soomaaliya, waxaanu yidhi  “shirka London kama qaybgalayno oo waxaanu u aragnaa in aan na khuseyn, dannina aanu ugu jirin qarankan Somaliland”.

Isagoo wada hadaladii udhexeeyey somaliland iyo Soomaaliya waxa uu yiri: “Wada hadaladii u dhexeeyey Somaliland iyo Soomaaliya waxa uu barnaamij  socda oo ka soo bilaabmay shirkii London ee sanadkii hore, taas oo dunida ku go’aamiyey inay ka wada hadlaan mustaqbalkooda siyaasadeed, intaas ka dibna waxa dhacay shirkii duleedka London ka dhacay iyo kii Dubay ka dhacay, waxaana ku kala saxeexanay qodobo dhaxal gal ah oo hor dhac u ah wada hadaladaasi, mana jiraan wax iska kaayo badan, diyaarna waanu u nahay in loo wada hadlo si siman”ayuu yidhi waxaanu intaas raaciyey “mana jirto cid nagu qasbaysa wax aanay dani ugu jirin umaddayadda”.

“Wadatashina waxaanu ka yeelanay goleyaasha qaranka wakhtigi shirka la tagayey, mana jirto cid makhaayadaha wax nooga yeedhinaysa iyo wada tashi aanu kala yeelano dadka suuqa jooga, qarankana waxa uu leeyahay cid matasha oo aanu wax kala tashano”ayuu yidhi madaxweynuhu oo u jawaabayey siyaasiyiin dhaliilay.

Sidoo kale, waxa isaguna halkaasi ka hadlay gudoomiyaha xisbiga KULMIYE Muuse Biixi Cabdi oo sheegay in aanay wax khilaaf ahi ka jirin xisbiga dhexdiisa, balse dimuqraadiyadu ay wadato in aragtiyo lagu kala duwanaado, taasina ay markiiba dhamaato.

Waxa kale oo golaha dhexe ansixiyey heshiishyadii lala galay uraradii hadhay ee ku soo biiray kulmiye iyo in shirweynaha xisbiga dib loo dhigo muddo lix bilood ah, kuwaas oo dhamaantoodba ansixiyey.

Kulimiye 02.JPG (660×440)

Si kastaba ha ahaatee, shirweynahan golaha dhexe ayaa dadku indhaha ku hayeen qaabka uu u dhacayo, maadama oo loolan adag ka dhex jiro masuuliyiinta KULMIYE, waxaana inta badan kulmiye caado u ah in markasta oo shirweyne qabsadaan la isku qabsado oo qaar ka dudaan, haseyeeshee shirkani waxa uu u muuqday mid dibadda lagu soo dhameeyey oo khilaafkii madasha ka dhici lahaa xal laga gaadhay.

Kulimiye 07.JPG (660×440)

Barkhad-Ladiif M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-03-31 12:56 PM EST
Axad, Maarso 31, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii uu hoggaamninayay ayaa caawa kulan la qaadanaya jaaliyadda Soomaaliyeed ee ku nool dalka isu-tagga Imaraadka Carabta.

2013-03-31 12:41 PM EST
Axad, Maarso 31, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi ballaaran oo uu hoggaaminayo ayna ka mid yihiin: wasiirada arrimaha gudaha iyo gaashaandhigga, xildhibaanno iyo saraakiil kale ayaa maanta si weyn loogu soo dhaweeyey xarunta gobolka Gedo ee Garbahaarey.

2013-03-31 11:56 AM EST
Axad, Maarso 31, 2013 (HOL) — Madaxweyaha Somaliland Mudane, Axmed Maxamed Maxamuud Siillaanyo, ayaa maanta ka qaybgalay aas Qaran oo loo sameeyey Marxuun Aadan Shire Faarax (Sanweyne) oo ahaa xildhibaan golaha guurtidda oo xalay ku geeriyooday jidka u dhexeeya Berbera iyo Hargeysa oo uu daad ku qaaday.

2013-03-31 8:22 AM EST
Axad, Maarso 31, 2013 (HOL) — Maxkamadda gobolka Hargeysa, ayaa maanta xukun iyo ganaax lacageed ku riday Sheekh Maxamuud Cabdilaahi Geelle oo dhaliilo usoo jeediyey laba wasiir oo xukuumadda Somaliland ka tirsan.

2013-03-31 8:04 AM EST
Axad, Maarso 31, 2013 (HOL) — Laba mudane ayaa loo dhaariyay maanta kuraas ka bannaanayd baarlamaanka federaalka Soomaaliya, iyadoo labadan mudane ay buuxiyeen kursi uu mudane hore ka dhintay iyo kursi banneeyay mudane kale.

2013-03-31 7:52 AM EST
`Axad, Maarso 31, 2013 (HOL) — Shirkada xawaalada AMAANA ee magaalada Baladweyne ayaa gaarsiisay dadka la ildarran cudurka shuban-biyoodka deeqdii ugu ballaarneyd marka laga soo tago kaalmadii ugu danbeysay oo ay soo gaarsiiyeen dadka bukaanka ah dowladdaha Soomaaliya iyo Jabuuti.

2013-03-31 7:43 AM EST
Axad, Maarso 31, 2013 (HOL) — Hay’adda Bisha Cas ee dalka Turkiga ayaa sheegtay inay ka dhisayso Muqdisho iskuul xannaano iyo waxbarasho isugu jira, taasoa qayb ka ah gargaarka ay bani’aadamnimo ee ay kawaddo dalka Soomaaliya.

2013-03-31 7:12 AM EST
Axad, Maarso 31, 2013 (HOL) — Xarakada Al-Shabaab ayaa sheegay inay khasaare ugu geystay ciidamada dowladda Soomaaliya iyo kuwa AMISOM weerarro ay ku qaaday saldhigyo ay ku leeyihiin gobolka Shabeellada Hoose oo ay ku jirto degmada Marko.

2013-03-31 6:56 AM EST
Axad, Maarso 31, 2013 (HOL) — Wafdigii uu hoggaaminayay ra’iisul wasaaraha Soomaaliya,Cabdi Faarax Shirdoon (Saacid) ayaa gaaray degmada Garbahaarey ee xarunta gobolka Gedo, iyadoo isgaarsiinta degmadaas hawada laga saaray.

2013-03-31 3:48 AM EST
Axad, Maarso 31, 2013 (HOL) — Shriweynihii seddexaad ee ururka suxufiyiinta Afrika Federation of African Journalist (FAJ) oo furmay maalitii Sabtida ahayd ayaa maalintii labaad ka socda magaalada Casablanca ee xarunta dalka Morocco.

2013-03-31 2:59 AM EST
Axad, Maarso 31, 2013 (HOL) — Madaxweynaha Soomaaliya, Xasan Sheekh Maxamuud ayaa hambalyo u diray madaxweynaha Kenya Uhuru Kenyatta kaddib markii maxkamadda sare ee dalkaas ansixisay in Kenyatta uu ku guuleystay doorashadii madaxdnimo ee Kenya oo dhacday horraantii bishan.

2013-03-31 2:41 AM EST
Axad, Maarso 31, 2013 (HOL) —Allaha u naraxiistee waxaa shalay galinkii dambe dooxa weyn ee Lafa Ruug oo ku yaalla jidka mara Berbera iyo Hargeysa, uu qaatay xildhibaan Aaden Shirre Faarax (San-weyne) oo ka mid ahaa Golaha Guurtida Somaliland iyo afar qof oo la socday, inkastoo saddex ka mid ah shantaasi qof laga badbaadiyey.

2013-03-31 2:32 AM EST
Axad, Maarso 31, 2013 (HOL) — Ra’iisul wasaaraha xukuumadda Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa saakay u amabaxay magaalada Garbahaarey ee gobolka, iyadoo si weyn loogu diyaar-garoobay soo dhaweyntiisa.