2014-10-02
Today from Hiiraan Online:  _
Wararka Maanta- Axad, Mar 31, 2013
Shir-weynihii Saddexaad ee Ururka Suxufiyiinta Afirka oo ka socda Magaalada Kasabalanka ee dalka Marooko (SAWIRRO)



Axad, Maarso 31, 2013 (HOL) — Shriweynihii seddexaad ee ururka suxufiyiinta Afrika Federation of African Journalist (FAJ) oo furmay maalitii Sabtida ahayd ayaa maalintii labaad ka socda magaalada Casablanca ee xarunta dalka Morocco.

Shirkan ayaa waxa ka qayb-galaya ergooyin ka kala socda 44-dal oo ka mid ah Qaaradda Afrika iyo wafuud ka kala timid daafaha caalamka. Shirkan oo ah mid saddexdii sanaba mar la qabto ayaa waxaa looga hadlay saxaafadda Afrika iyo xaaladaha haysta suxufiyiinta Qaaradd, sida ammaan-xumada soo wajahsad suxufiyiinta iyo sidii looga hortagi lahaa shaqo xumida heysata suxufiyiinta Afrika.

Shirweynaha ayaa waxaa ka hadlay hoggaanka ugu sareeya ee ururka suxufiyiinta Adduunka ee IFJ, Jim Boumelha isagoo is-dul-taagay doorka ururka suxufiyiinta Adduunka ee u aaddan taageeridda iyo garab-istaagga suxufiyiinta Afrika iyo urarradooda.

Waxaa sidoo kale ka hadlay shirweynahan guddoomiyaha ururka suxufiyiinta Afrika isla markaana ah xoghyaha guud ee ururka Qaranka suxufiyiinta Soomaaliyeed ee NUSOJ, Cumar Faaruuq Cusmaan isagoo khudbaddiisa kaga hadlay waxqabadka ururka FAJ muddadii saddexada sano ee uu jiray. Cumar Faaruuq ayaa soo bandhigay daraasad ururka suxufiyiinta Adduunka iyo midka Afrika ay ka diyaariyeen xaaladaha shaqo ee suxufiyiinta Afrika.

Shirweynaha ayaa waxaa lagu ogolaaday miisaaniyad loogu taloglay in lagu horumariyo suxufiyiinta Qaaradda Afrika oo gaarayso 24-miyan oo doollar.

Sidoo kale waxaa shirk aka hadlay wasiirka warfaafinta ee dalka Morocco, Mustafa Al-Khalfi, isagoo sheegay in suxufiyiinta Afrika ay howlo badan u hayaan Qaaradda. Wafdiga ayaa waxaa casho soo dhaweyn ah u sameeyay ra'’iisul wasaaraha Morocco.

Dalka Soomaaliya ayaa waxaa kaga qeyb-galaya ergo seddax qofood ah oo ka socda ururka Qaranka Suxufiyiinta Soomaaliyeed ee NUSOJ, kuwaasoo uu horkacayay xoghayaha guud ee NUSOJ, Cumar Faaruuq Cusmaan.













Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-31 12:56 PM EST
Axad, Maarso 31, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii uu hoggaamninayay ayaa caawa kulan la qaadanaya jaaliyadda Soomaaliyeed ee ku nool dalka isu-tagga Imaraadka Carabta.

2013-03-31 12:41 PM EST
Axad, Maarso 31, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi ballaaran oo uu hoggaaminayo ayna ka mid yihiin: wasiirada arrimaha gudaha iyo gaashaandhigga, xildhibaanno iyo saraakiil kale ayaa maanta si weyn loogu soo dhaweeyey xarunta gobolka Gedo ee Garbahaarey.

2013-03-31 11:56 AM EST
Axad, Maarso 31, 2013 (HOL) — Madaxweyaha Somaliland Mudane, Axmed Maxamed Maxamuud Siillaanyo, ayaa maanta ka qaybgalay aas Qaran oo loo sameeyey Marxuun Aadan Shire Faarax (Sanweyne) oo ahaa xildhibaan golaha guurtidda oo xalay ku geeriyooday jidka u dhexeeya Berbera iyo Hargeysa oo uu daad ku qaaday.

2013-03-31 8:22 AM EST
Axad, Maarso 31, 2013 (HOL) — Maxkamadda gobolka Hargeysa, ayaa maanta xukun iyo ganaax lacageed ku riday Sheekh Maxamuud Cabdilaahi Geelle oo dhaliilo usoo jeediyey laba wasiir oo xukuumadda Somaliland ka tirsan.

2013-03-31 8:05 AM EST
Axad, Maarso 31, 2013 (HOL) — Xisbiga taladda haya ee KULMIYE ayaa maanta yeeshay shirweyne aan caadi ahayn oo golaha dhexe ku ansixinayo in dib loo dhigo shirweynaha xisbiga iyo in golaha dhexe lagu soo kordhiyo xubno ka yimid ururadii siyaasadda ee doorashadda golaha deeganka ku hadhay.

2013-03-31 8:04 AM EST
Axad, Maarso 31, 2013 (HOL) — Laba mudane ayaa loo dhaariyay maanta kuraas ka bannaanayd baarlamaanka federaalka Soomaaliya, iyadoo labadan mudane ay buuxiyeen kursi uu mudane hore ka dhintay iyo kursi banneeyay mudane kale.

2013-03-31 7:52 AM EST
`Axad, Maarso 31, 2013 (HOL) — Shirkada xawaalada AMAANA ee magaalada Baladweyne ayaa gaarsiisay dadka la ildarran cudurka shuban-biyoodka deeqdii ugu ballaarneyd marka laga soo tago kaalmadii ugu danbeysay oo ay soo gaarsiiyeen dadka bukaanka ah dowladdaha Soomaaliya iyo Jabuuti.

2013-03-31 7:43 AM EST
Axad, Maarso 31, 2013 (HOL) — Hay’adda Bisha Cas ee dalka Turkiga ayaa sheegtay inay ka dhisayso Muqdisho iskuul xannaano iyo waxbarasho isugu jira, taasoa qayb ka ah gargaarka ay bani’aadamnimo ee ay kawaddo dalka Soomaaliya.

2013-03-31 7:12 AM EST
Axad, Maarso 31, 2013 (HOL) — Xarakada Al-Shabaab ayaa sheegay inay khasaare ugu geystay ciidamada dowladda Soomaaliya iyo kuwa AMISOM weerarro ay ku qaaday saldhigyo ay ku leeyihiin gobolka Shabeellada Hoose oo ay ku jirto degmada Marko.

2013-03-31 6:56 AM EST
Axad, Maarso 31, 2013 (HOL) — Wafdigii uu hoggaaminayay ra’iisul wasaaraha Soomaaliya,Cabdi Faarax Shirdoon (Saacid) ayaa gaaray degmada Garbahaarey ee xarunta gobolka Gedo, iyadoo isgaarsiinta degmadaas hawada laga saaray.

2013-03-31 2:59 AM EST
Axad, Maarso 31, 2013 (HOL) — Madaxweynaha Soomaaliya, Xasan Sheekh Maxamuud ayaa hambalyo u diray madaxweynaha Kenya Uhuru Kenyatta kaddib markii maxkamadda sare ee dalkaas ansixisay in Kenyatta uu ku guuleystay doorashadii madaxdnimo ee Kenya oo dhacday horraantii bishan.

2013-03-31 2:41 AM EST
Axad, Maarso 31, 2013 (HOL) —Allaha u naraxiistee waxaa shalay galinkii dambe dooxa weyn ee Lafa Ruug oo ku yaalla jidka mara Berbera iyo Hargeysa, uu qaatay xildhibaan Aaden Shirre Faarax (San-weyne) oo ka mid ahaa Golaha Guurtida Somaliland iyo afar qof oo la socday, inkastoo saddex ka mid ah shantaasi qof laga badbaadiyey.

2013-03-31 2:32 AM EST
Axad, Maarso 31, 2013 (HOL) — Ra’iisul wasaaraha xukuumadda Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa saakay u amabaxay magaalada Garbahaarey ee gobolka, iyadoo si weyn loogu diyaar-garoobay soo dhaweyntiisa.