2014-10-25
Today from Hiiraan Online:  _
Wararka Maanta- Axad, Mar 31, 2013
Xildhibaan ka tirsan Golaha Guurtida Somaliland oo geeriyooday kaddib Markii uu qaaday Doox u dheeeya Berbera iyo Hargeysa


Axad, Maarso 31, 2013 (HOL) —Allaha u naraxiistee waxaa shalay galinkii dambe dooxa weyn ee Lafa Ruug oo ku yaalla jidka mara Berbera iyo Hargeysa, uu qaatay xildhibaan Aaden Shirre Faarax (San-weyne) oo ka mid ahaa Golaha Guurtida Somaliland iyo afar qof oo la socday, inkastoo saddex ka mid ah shantaasi qof laga badbaadiyey.

Xildhibaan Sanweyne ayaa la socday Gaadhi Laankuruusal ah oo ay la socdeen shan qof, haseyeeshee nasiibdaro dooxaasi Lafa Ruug oo jidka ku soo rogmaday ayaa gaadhigii uu la socday qaatay, waxaana halkaasi ku geeriyooday xildhibaanka iyo haweenay la socday, halka sadexdii kalana Ilaahay badbaadiyey.

Marxuumkan Aadan Shire Faarax ayaa ilaa sideed saacadood la raadinayey raq iyo ruux mid uu yahay, waxaase xalay la helay goor dambe maydkiisa isaga iyo haweenay la socotay gaadhiga.

Si kastaba ha ahaatee, waxa baryahan dambe Somaliland ka da’ayey roobab waaweyn, kuwaas oo waxyeelooyin u geystay gaadiid iyo dadba, waxaana la sheegayaa in dhawr baabuur oo kale uu dooxaasi ku yaalla Berbera iyo Hargeysa uu qaatay, inkasto aanay cidi ku dhiman, sidoo kale waxa uu daad qaatay laba baabuur oo kale oo marayey deegaanka Selel ee galbeedka Somaliland oo u socday dalka Jabuuti.

Waxyeeladda daadadkan ayaa soo badanaya, iyadoo inta badan wadooyinka ay ku soo rogmadaan wakhtiga roobabka daadad aad u faro badan oo waxyeela u geysta gaadiidka dhulkaasi maraya.

Madaxweynaha Somaliland ayaa dhawr maalmood ka hor markii uu ka soo laabtay Imaaraadka magaaladda Berbera u hoyday cabsi laga qabo inuu Dooxu soo rogmado awgeed,  waxaanu maalintii dambe galinkeedii hore soo maray jidkaasi, waxaanu indhihiisa ku soo arkay dhibaatada dooxyadaasi ku hayaan dadweynaha mara jidkaasi.

Inta badan dooxyadaa u dhexeeya Berbera iyo Hargeya ayaa gelinka dambe aad usoo rogmada, iyadoo mararka qaarkood roobab meelo fogfog ka da’ay ay biyihiisu soo maraan dooxyadaasi, kuwaasi oo halis ku haya dadweynaha iskaga kala goosha magaalooyinka.

Barkhad-Ladiif M. Cumar, Hiiraan Online
barkhadladiif@hiiraan.com 
Hargeysa, Somaliland





Post your comments

2013-03-31 12:56 PM EST
Axad, Maarso 31, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii uu hoggaamninayay ayaa caawa kulan la qaadanaya jaaliyadda Soomaaliyeed ee ku nool dalka isu-tagga Imaraadka Carabta.

2013-03-31 12:41 PM EST
Axad, Maarso 31, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi ballaaran oo uu hoggaaminayo ayna ka mid yihiin: wasiirada arrimaha gudaha iyo gaashaandhigga, xildhibaanno iyo saraakiil kale ayaa maanta si weyn loogu soo dhaweeyey xarunta gobolka Gedo ee Garbahaarey.

2013-03-31 11:56 AM EST
Axad, Maarso 31, 2013 (HOL) — Madaxweyaha Somaliland Mudane, Axmed Maxamed Maxamuud Siillaanyo, ayaa maanta ka qaybgalay aas Qaran oo loo sameeyey Marxuun Aadan Shire Faarax (Sanweyne) oo ahaa xildhibaan golaha guurtidda oo xalay ku geeriyooday jidka u dhexeeya Berbera iyo Hargeysa oo uu daad ku qaaday.

2013-03-31 8:22 AM EST
Axad, Maarso 31, 2013 (HOL) — Maxkamadda gobolka Hargeysa, ayaa maanta xukun iyo ganaax lacageed ku riday Sheekh Maxamuud Cabdilaahi Geelle oo dhaliilo usoo jeediyey laba wasiir oo xukuumadda Somaliland ka tirsan.

2013-03-31 8:05 AM EST
Axad, Maarso 31, 2013 (HOL) — Xisbiga taladda haya ee KULMIYE ayaa maanta yeeshay shirweyne aan caadi ahayn oo golaha dhexe ku ansixinayo in dib loo dhigo shirweynaha xisbiga iyo in golaha dhexe lagu soo kordhiyo xubno ka yimid ururadii siyaasadda ee doorashadda golaha deeganka ku hadhay.

2013-03-31 8:04 AM EST
Axad, Maarso 31, 2013 (HOL) — Laba mudane ayaa loo dhaariyay maanta kuraas ka bannaanayd baarlamaanka federaalka Soomaaliya, iyadoo labadan mudane ay buuxiyeen kursi uu mudane hore ka dhintay iyo kursi banneeyay mudane kale.

2013-03-31 7:52 AM EST
`Axad, Maarso 31, 2013 (HOL) — Shirkada xawaalada AMAANA ee magaalada Baladweyne ayaa gaarsiisay dadka la ildarran cudurka shuban-biyoodka deeqdii ugu ballaarneyd marka laga soo tago kaalmadii ugu danbeysay oo ay soo gaarsiiyeen dadka bukaanka ah dowladdaha Soomaaliya iyo Jabuuti.

2013-03-31 7:43 AM EST
Axad, Maarso 31, 2013 (HOL) — Hay’adda Bisha Cas ee dalka Turkiga ayaa sheegtay inay ka dhisayso Muqdisho iskuul xannaano iyo waxbarasho isugu jira, taasoa qayb ka ah gargaarka ay bani’aadamnimo ee ay kawaddo dalka Soomaaliya.

2013-03-31 7:12 AM EST
Axad, Maarso 31, 2013 (HOL) — Xarakada Al-Shabaab ayaa sheegay inay khasaare ugu geystay ciidamada dowladda Soomaaliya iyo kuwa AMISOM weerarro ay ku qaaday saldhigyo ay ku leeyihiin gobolka Shabeellada Hoose oo ay ku jirto degmada Marko.

2013-03-31 6:56 AM EST
Axad, Maarso 31, 2013 (HOL) — Wafdigii uu hoggaaminayay ra’iisul wasaaraha Soomaaliya,Cabdi Faarax Shirdoon (Saacid) ayaa gaaray degmada Garbahaarey ee xarunta gobolka Gedo, iyadoo isgaarsiinta degmadaas hawada laga saaray.

2013-03-31 3:48 AM EST
Axad, Maarso 31, 2013 (HOL) — Shriweynihii seddexaad ee ururka suxufiyiinta Afrika Federation of African Journalist (FAJ) oo furmay maalitii Sabtida ahayd ayaa maalintii labaad ka socda magaalada Casablanca ee xarunta dalka Morocco.

2013-03-31 2:59 AM EST
Axad, Maarso 31, 2013 (HOL) — Madaxweynaha Soomaaliya, Xasan Sheekh Maxamuud ayaa hambalyo u diray madaxweynaha Kenya Uhuru Kenyatta kaddib markii maxkamadda sare ee dalkaas ansixisay in Kenyatta uu ku guuleystay doorashadii madaxdnimo ee Kenya oo dhacday horraantii bishan.

2013-03-31 2:32 AM EST
Axad, Maarso 31, 2013 (HOL) — Ra’iisul wasaaraha xukuumadda Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa saakay u amabaxay magaalada Garbahaarey ee gobolka, iyadoo si weyn loogu diyaar-garoobay soo dhaweyntiisa.