2014-07-25
Today from Hiiraan Online:  _
Wararka Maanta- Sabti, Mar 30, 2013
Maxkamadda Sare ee Kenya oo Ansixisay in Uhuru Kenyatta uu ku guuleystay Doorashadii Madaxnimo ee dalka Kenya



Sabti, Maarso 30, 2013 (HOL) — Maxkamadda sare ee dalka Kenya ayaa ansixisay in Uhuru Kenyatta uu ku guuleystay doorashadii madaxnimo ee dalkaas ka dhacday horraantii bishan Maarso, natiijadii ay soo saareen guddiga doorashadana ay ahayd mid sax ah, waxaana go’aanka maxkamadda aad u soo dhaweeyay ra’iisul wasaaraha xilka banneynaya ee Kenya, Raila Odinga oo dacwad uu ku diidan yahay natiijada u gudbiyay maxkamadda sare ee Kenya.

Uhuru Kenyatta oo ah 62-jir uuna dhalay madaxweynihii ugu horreeyay ee dalka Kenya, Jommo Kenyatta ayaa ahaa ra’iisul wasaare ku xigeenkii iyo wasiirkii maaliyadda ee Kenya, wuxuuna kaga guuleystay ninka uu loolanka adag ka dhexeeyay ee Raila Odinga codad ka badan nus malyuun.

“Waxaan horay u sheegay in doorashada aanay waafaqsanayn dastuurka oo ay u dhacday si aan hufnayn. Run ahaantii dimuqraadiyadda ayaa dalkan ku saarnayd maxkamad, tanina marnaba ma bedelayso kalsoonida aan ku qabo sharciga iyo qaanuunka, nabadgalyada dalkanna waxaa lagu adkeyn karaan oo keliya iyadoo la ogolaado dastuurka iyo go’aamada ay gaaraan hay’adaha sharciga,” ayuu yiri Odinga.

Odinga ayaa ku gacan-saray natiijadii ay doorashada ee ay horraantii bishan saareen guddigii madaxbannaanaa ee doorashada Kenya, isagooo dacwad ka dhan ah natiijadaas u gudbiyay maxkamadda sare ee Kenya, balse go’aanka maxkamada ayaa ku noqday lama dhaafaan, wuxuuna hambalyo u diray madaxweynaha la doortay ee Uhuru Kenyatta, isagoo u rajeeyay guul.

“Mudanayaal iyo marwooyin maxkamadda go’aankeedii way gaartay, inkastoo aan ku raacsanayn dhammaan waxyaabihii ay sheegtay oo dhana, ayna jirto is-damarin dhacday oo dhammaantii aad aragteen, haddana waxaan ku gowracanahay go’aanka maxkamadda, waayo maxkamadda ayaa ah hannaan dimuqraadiyadeed oo aan dadaal badan iyo halgal u soo galnay. Sidaa dareedeed waxaan wanaag u rajeynayaan madaxweynaha la doortay iyo kooxdiisa,” ayuu Odinga ku sheegay hadal uu taageerayaashiisa ugu jeediyay Nairobi go’aanka maxkamadda sare kaddib.

Doorashadan madaxweynenimo ee dalka Kenya ayaa ahayd tii saddexaad oo Raila Odinga uu ka qaybgalo, isagoo hadda 68-jir ah ayuu taageerayaashiisa u sheegay inuu la shaqenayo dowladda cusub, taasoo loo macnaystay in weli uu rajo ka qabo inuu mar kale u tartamo xilka madaxweynimo ee dalka Kenya iyo inuusan ka bixin siyaasadda.

Madaxweynaha cusub ee Kenya, Uhuru Kenyatta oo dhawaan la dhaarin doono ayaa laga doonayaa inuu bisha July ee sannadkan hortago maxkamadda caalamiga ah ee dambiyada dagaalka isagoo loo haysto falal ka baxsan bani'aadamnimada oo dhacay doorashadii hore ee dalka Kenya 2007.

Laakiinse, taageerayaasha Kenyatta ayaa aad u soo dhaweeyay go’aanka ay gaartay maxkamadda waxayna mar labaad u dabaal-dageen guusha uu gaaray ninka ay sida aadka ah u taageersan yihiin.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-30 3:51 PM EST
Sabti, Maarso 30, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo isugu jira wasiirro iyo xildhibaanno, aynaka mid ahaayeen, wasiirka arrimaha gudaha iyo amniga Qaranka iyo wasiirka gaashaandhiga ayaa maanta booqasho ku tagay degmada Jowhar ee xarunta gobolka Shabeellada Dhexe, iyagoo la kulmay waxgaradka iyo maamulka.

2013-03-30 2:46 PM EST
Sabti, Maarso 30, 2013 (HOL) — Deegaanno hoos yimaada gobolka Bay qaarkood waxay dhaliil u soo jeediyeen hay’adaha samafalka qaarkood sida UNICEF, ICRC, FAO iyo NRC kuwaasoo kawada howlo gargaar deegaannada dhibaatada ka jirto,

2013-03-30 11:52 AM EST
Sabti, Maarso 30, 2013 (HOL) — Magaaladda Ceeryaan ee koonfur galbeed ee gobolka Sanaag, ayaa lagu soo afjaray khilaaf u dhexeeyey laba beelood oo wadda dega deegaankaasi.

2013-03-30 8:06 AM EST
Sabti, Maarso 30, 2013 (HOL) — Wasiirka Maaliyadda Somaliland C/casiis Maxamed Samaale,ayaa ka jawaabay eed loo soo jeediyey oo ahaa in gaadiid ay dawladu iibsanayso dad gaar ah uu ku siiyey qandaraasyo.

2013-03-30 8:02 AM EST
Sabti, Maarso 30, 2013 (HOL) — Dowladda Somaaliya ayaa wadda qaban-qaabada shir-weynaha Qaran oo looga tashanayo dib u habeynta garsoorka oo uu ku dhawaaqay madaxweynaha Soomaaliya, Xasan Sheekh Maxamuud uu ku dhawaaqay 11-kii bishii Febraayo ee sanadkan. Shirkan ayaa wuxuu billaabanayaa 01-da April wuxuuna soconayaa illaa 05-ta isla bisha April ee isla sanadkan 2013, wuxuuna ka dhacayaa magaalada Muqdisho.

2013-03-30 7:28 AM EST
Sabti, Maarso 30, 2013 (HOL) — Wafdi ay horkaceyso wasiirka wasaarrada hormarinta adeega bulshada ee dowladda federaalka Soomaaliya Dr. Maryan Qaasim Axmed ayaa maanta gaaray magaalada Baladweyne ee xarunta gobolka Hiiraan oo uu dhawaan ka dillaacay cudurka shuban-biyoodka.

2013-03-30 7:21 AM EST
Sabti, Maarso 30, 2013 (HOL) — Wafdi uu hoggaaminayo ra’iisul wasaaraha Soomaaliya, Cabdi Faarax Shirdoon (Saacid) ayaa gaaray degmada Jowhar ee xarunta gobolka Shabeellada dhexe, halkaasoo si weyn loogu soo dhaweeyay.

2013-03-30 6:49 AM EST
Sabti, Maarso 30, 2013 (HOL) — Dhaqaatiirta caafimaadka ciidamada Jabuuti ee howlgalka midowgga Africa AMISOM ayaa ku dhawaaqay in magaalada Baladweyne uu ka dillacay cudurka daacuunka.

2013-03-30 4:26 AM EST
Sabti, Maarso 30, 2013 (HOL) — Kaddib markii la magacaabay ra’iisul wasaaraha Soomaaliya, Cabdi Faarax Shirdoon (Saacid) ayaa wuxuu ku tagay gobollada dalka booqashooyin uu ugu kuugalayo xaaladaha ka jira gobollada dalka, taasoo ay shacabka Sooamaliyeed aad u soo dhaweeyeen.

2013-03-30 4:05 AM EST
Sabti, Maarso 30, 2013 (HOL) — Wasiirka arrimaah dibadda Kanada, John Baird ayaa sheegay in sannadkan uu booqan doono dalka Soomaaliya, gaar ahaan magaalada Muqdisho, isagoo sheegay inay dowladdiisu gacan weyn siin doonto dowladda cusub ee Soomaaliya.

2013-03-30 3:47 AM EST
Sabti, Maarso 30, 2013 (HOL) — Kulan looga hadlayay sii-daynta Bashiir Makhtal oo Somali-Canadian ah kuna xiran dalka Itoobiya muddo lix sano ayaa lagu qabtay xalay magaalada Ottawa ee dalka Kanada, iyadoo kulankaas ay kasoo qaybgaleen jaaliyadda Soomaaliyeed ee Ottawa, mas’uuliyiin uu ka mid yahay wasiirka arrimaha dibadda Kanada, xaaskii Bashiir Makhtal iyo walaalkiis iyo mas’uuliyiin kale.