3/29/2024
Today from Hiiraan Online:  _
Wararka Maanta- Sabti, Mar 30, 2013
Wasiirka Maaliyadda Somaliland oo iska Fogeeyay Eedeeyn ku saabsan in uu shaqsiyaad gaar ah u sameeyay Naas-nuujin

Sabti, Maarso 30, 2013 (HOL) — Wasiirka Maaliyadda Somaliland C/casiis Maxamed Samaale,ayaa ka jawaabay eed loo soo jeediyey oo ahaa in gaadiid ay dawladu iibsanayso dad gaar ah uu ku siiyey qandaraasyo.

Wasiirka Maaliyada oo maanta shirjaa’id ku qabtay magaaladda Hargeysa ayaa sheegay in aanay waxba ka jirin warkaasi ay warbaahinta qaarkood qortay ee ahaa in gadiid dawlada loo soo iibinayey aan la soo marin guddidii qandaraasyada oo ahayd in la soo mariyo, isla  markaana dad gaar ah oo ay madaxtooyadda isku xidhan yihiin ku naasnuujiyey.

“Haday tahay gaadiidka la soo iibiyey hay’adii qandaraasyada ayeyna soo marin waa baab gaar ah oo cid gaar ah ayey khusaysa, wasaarada maaliyadda ma khuseyso qandaraasku, wasaarada maaliyadda waxa khuseysa wixii wasaaradu iibsanayso”ayuu yidhi wasiir Samaale oo ka jawaabayey eedaas loo soo jeediyey, waxaanu intaas ku daray “wax bay soo iibsan doontaa iyo tuugay ku iibsan doontaa waa wax aan dhicin, taasina waa been loo badheedhayo in la sheego, haddii ay jirto gaadiid ay iibsatay oo aan hay’addii qandaraasyada aan marin cida haysaa ha keento, haddii ay wasaarad kale tahay maaliyadda ma khuseyso ee kharashkeedda ayey ugu jirtaa, wixii wasaarada soo iibsanayso ee gaadiid ah cashuur dhaaf ayaa loo sameeyaa”

Si kastaba ha ahaatee, wasaaradda Maaliyadda ayaa lagu eedeeyey inay si casriyeysan u musuqmaasuqday gaadiid dawladda loo soo iibinayey  oo cid gaar ah ku siisay qandaraaska, halka ay guddidii qandaraasyada soo iibin lahaayeen gaadiidka dawladda u baahan tahay,heseyeeshee wasiirka waxa uu sheegay in aanay warkaasi waxba ka jirin, isla markaana laga been abuuray wasaaradiisa.

Barkhad-Ladiif M. Cumar, Hiiraan Online
[email protected]  
Hargeysa, Somaliland













Click here
3/30/2013 3:51 PM EST
Sabti, Maarso 30, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo isugu jira wasiirro iyo xildhibaanno, aynaka mid ahaayeen, wasiirka arrimaha gudaha iyo amniga Qaranka iyo wasiirka gaashaandhiga ayaa maanta booqasho ku tagay degmada Jowhar ee xarunta gobolka Shabeellada Dhexe, iyagoo la kulmay waxgaradka iyo maamulka.

3/30/2013 2:48 PM EST
Sabti, Maarso 30, 2013 (HOL) — Maxkamadda sare ee dalka Kenya ayaa ansixisay in Uhuru Kenyatta uu ku guuleystay doorashadii madaxnimo ee dalkaas ka dhacday horraantii bishan Maarso, natiijadii ay soo saareen guddiga doorashadana ay ahayd mid sax ah, waxaana go’aanka maxkamadda aad u soo dhaweeyay ra’iisul wasaaraha xilka banneynaya ee Kenya, Raila Odinga oo dacwad uu ku diidan yahay natiijada u gudbiyay maxkamadda sare ee Kenya.

3/30/2013 2:46 PM EST
Sabti, Maarso 30, 2013 (HOL) — Deegaanno hoos yimaada gobolka Bay qaarkood waxay dhaliil u soo jeediyeen hay’adaha samafalka qaarkood sida UNICEF, ICRC, FAO iyo NRC kuwaasoo kawada howlo gargaar deegaannada dhibaatada ka jirto,

3/30/2013 11:52 AM EST
Sabti, Maarso 30, 2013 (HOL) — Magaaladda Ceeryaan ee koonfur galbeed ee gobolka Sanaag, ayaa lagu soo afjaray khilaaf u dhexeeyey laba beelood oo wadda dega deegaankaasi.

3/30/2013 8:02 AM EST
Sabti, Maarso 30, 2013 (HOL) — Dowladda Somaaliya ayaa wadda qaban-qaabada shir-weynaha Qaran oo looga tashanayo dib u habeynta garsoorka oo uu ku dhawaaqay madaxweynaha Soomaaliya, Xasan Sheekh Maxamuud uu ku dhawaaqay 11-kii bishii Febraayo ee sanadkan. Shirkan ayaa wuxuu billaabanayaa 01-da April wuxuuna soconayaa illaa 05-ta isla bisha April ee isla sanadkan 2013, wuxuuna ka dhacayaa magaalada Muqdisho.

3/30/2013 7:28 AM EST
Sabti, Maarso 30, 2013 (HOL) — Wafdi ay horkaceyso wasiirka wasaarrada hormarinta adeega bulshada ee dowladda federaalka Soomaaliya Dr. Maryan Qaasim Axmed ayaa maanta gaaray magaalada Baladweyne ee xarunta gobolka Hiiraan oo uu dhawaan ka dillaacay cudurka shuban-biyoodka.

3/30/2013 7:21 AM EST
Sabti, Maarso 30, 2013 (HOL) — Wafdi uu hoggaaminayo ra’iisul wasaaraha Soomaaliya, Cabdi Faarax Shirdoon (Saacid) ayaa gaaray degmada Jowhar ee xarunta gobolka Shabeellada dhexe, halkaasoo si weyn loogu soo dhaweeyay.

3/30/2013 6:49 AM EST
Sabti, Maarso 30, 2013 (HOL) — Dhaqaatiirta caafimaadka ciidamada Jabuuti ee howlgalka midowgga Africa AMISOM ayaa ku dhawaaqay in magaalada Baladweyne uu ka dillacay cudurka daacuunka.

3/30/2013 4:26 AM EST
Sabti, Maarso 30, 2013 (HOL) — Kaddib markii la magacaabay ra’iisul wasaaraha Soomaaliya, Cabdi Faarax Shirdoon (Saacid) ayaa wuxuu ku tagay gobollada dalka booqashooyin uu ugu kuugalayo xaaladaha ka jira gobollada dalka, taasoo ay shacabka Sooamaliyeed aad u soo dhaweeyeen.

3/30/2013 4:05 AM EST
Sabti, Maarso 30, 2013 (HOL) — Wasiirka arrimaah dibadda Kanada, John Baird ayaa sheegay in sannadkan uu booqan doono dalka Soomaaliya, gaar ahaan magaalada Muqdisho, isagoo sheegay inay dowladdiisu gacan weyn siin doonto dowladda cusub ee Soomaaliya.

3/30/2013 3:47 AM EST
Sabti, Maarso 30, 2013 (HOL) — Kulan looga hadlayay sii-daynta Bashiir Makhtal oo Somali-Canadian ah kuna xiran dalka Itoobiya muddo lix sano ayaa lagu qabtay xalay magaalada Ottawa ee dalka Kanada, iyadoo kulankaas ay kasoo qaybgaleen jaaliyadda Soomaaliyeed ee Ottawa, mas’uuliyiin uu ka mid yahay wasiirka arrimaha dibadda Kanada, xaaskii Bashiir Makhtal iyo walaalkiis iyo mas’uuliyiin kale.