2014-08-29
Today from Hiiraan Online:  _
Wararka Maanta- Sabti, Mar 30, 2013
Shirweyne Qaran oo looga Tashanayo dib u Habeynta hay'adaha Garsoorka oo lagu qaban doono Magaalada Muqdisho


Sabti, Maarso 30, 2013 (HOL) — Dowladda Somaaliya ayaa wadda qaban-qaabada shir-weynaha Qaran oo looga tashanayo dib u habeynta garsoorka oo uu ku dhawaaqay madaxweynaha Soomaaliya, Xasan Sheekh Maxamuud uu ku dhawaaqay 11-kii bishii Febraayo ee sanadkan. Shirkan ayaa wuxuu billaabanayaa 01-da April wuxuuna soconayaa illaa 05-ta isla bisha April ee isla sanadkan 2013, wuxuuna ka dhacayaa magaalada Muqdisho.

Arrimaha looga hadlayo shirka waxaa ka mid ah:

1.   Faaqidaadda caqabadaha hortaagan garsoorka;
2.   Dib-u-dhiska iyo horumarinta hay’adaha garsoorka, soo celinta kala dambeynta iyo u hoggaansiga sharciga;
3.   Talo ka bixin qorshe/siyaasad Qaran oo hagta hay’adaha Cadaaladda;
4.   Xiriirka ka dhaxeeya hay’adaha garsoorka iyo dastuurka cusub IWM.

Shirkan ayaa waxaa ka qeyb gali-doona kana hadli doona sharci yaqaanno iyo aqoonyahanno Soomaaliyeed oo dalka gudihiisa iyo dibadiisa ka kala yimid. Waxaa sidoo kale ka soo qeyb-gali doona wakiillo ka socda garsoorka, wasaarada cadaaladda, xubnaha baarlamaanka, xafiiska xeer-ilaaliyaha guud ee Qaranka, maxkamadda ciidamada qalabka sida ee Soomaaliya, booliska Qaranka Soomaaliyeed, hay’adda nabad-sugidda, ciidanka asluubta, ururka qareennada iyo sharci yaqaannada Soomaaliyeed, Jaamacadaha iyo goobaha cilmi-barista, culummada, hoggaamiyayaasha dhaqanka, ururrada bulshada rayidka, hoggamiyayaasha hay’adaha xuquuqul-insaanka u dooda, ururrada haweenka, khubaro caalami ah iyo dadweyne kale.

Waxa la filayaa in shirwaynahan ay kasoo baxaan talooyin dhaxal-gal ah oo dib loogu habeynayo hay’adaha ku shuqulka leh garsoorka iyo hay’adaha cadaaladda si loo gaaro cadaalad iyo kala dambeyn dhab ah.

Haddaba, ciddii doonaysa inay faahfaahin dheeraad ah ka ogaato shirkan waxay la xiriiri kartaa: Xuseen Qaasim Yuusuf oo ah ku xigeenka madaxa shaqaalaha madaxtooyada Soomaaliya iyo C/waaxid Qalinle oo ah la taliye waxaana kala xiriiri kartaa: hyusuf@presidency.gov.so ama somalijusticeconference@gmail.com.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-30 3:51 PM EST
Sabti, Maarso 30, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo isugu jira wasiirro iyo xildhibaanno, aynaka mid ahaayeen, wasiirka arrimaha gudaha iyo amniga Qaranka iyo wasiirka gaashaandhiga ayaa maanta booqasho ku tagay degmada Jowhar ee xarunta gobolka Shabeellada Dhexe, iyagoo la kulmay waxgaradka iyo maamulka.

2013-03-30 2:48 PM EST
Sabti, Maarso 30, 2013 (HOL) — Maxkamadda sare ee dalka Kenya ayaa ansixisay in Uhuru Kenyatta uu ku guuleystay doorashadii madaxnimo ee dalkaas ka dhacday horraantii bishan Maarso, natiijadii ay soo saareen guddiga doorashadana ay ahayd mid sax ah, waxaana go’aanka maxkamadda aad u soo dhaweeyay ra’iisul wasaaraha xilka banneynaya ee Kenya, Raila Odinga oo dacwad uu ku diidan yahay natiijada u gudbiyay maxkamadda sare ee Kenya.

2013-03-30 2:46 PM EST
Sabti, Maarso 30, 2013 (HOL) — Deegaanno hoos yimaada gobolka Bay qaarkood waxay dhaliil u soo jeediyeen hay’adaha samafalka qaarkood sida UNICEF, ICRC, FAO iyo NRC kuwaasoo kawada howlo gargaar deegaannada dhibaatada ka jirto,

2013-03-30 11:52 AM EST
Sabti, Maarso 30, 2013 (HOL) — Magaaladda Ceeryaan ee koonfur galbeed ee gobolka Sanaag, ayaa lagu soo afjaray khilaaf u dhexeeyey laba beelood oo wadda dega deegaankaasi.

2013-03-30 8:06 AM EST
Sabti, Maarso 30, 2013 (HOL) — Wasiirka Maaliyadda Somaliland C/casiis Maxamed Samaale,ayaa ka jawaabay eed loo soo jeediyey oo ahaa in gaadiid ay dawladu iibsanayso dad gaar ah uu ku siiyey qandaraasyo.

2013-03-30 7:28 AM EST
Sabti, Maarso 30, 2013 (HOL) — Wafdi ay horkaceyso wasiirka wasaarrada hormarinta adeega bulshada ee dowladda federaalka Soomaaliya Dr. Maryan Qaasim Axmed ayaa maanta gaaray magaalada Baladweyne ee xarunta gobolka Hiiraan oo uu dhawaan ka dillaacay cudurka shuban-biyoodka.

2013-03-30 7:21 AM EST
Sabti, Maarso 30, 2013 (HOL) — Wafdi uu hoggaaminayo ra’iisul wasaaraha Soomaaliya, Cabdi Faarax Shirdoon (Saacid) ayaa gaaray degmada Jowhar ee xarunta gobolka Shabeellada dhexe, halkaasoo si weyn loogu soo dhaweeyay.

2013-03-30 6:49 AM EST
Sabti, Maarso 30, 2013 (HOL) — Dhaqaatiirta caafimaadka ciidamada Jabuuti ee howlgalka midowgga Africa AMISOM ayaa ku dhawaaqay in magaalada Baladweyne uu ka dillacay cudurka daacuunka.

2013-03-30 4:26 AM EST
Sabti, Maarso 30, 2013 (HOL) — Kaddib markii la magacaabay ra’iisul wasaaraha Soomaaliya, Cabdi Faarax Shirdoon (Saacid) ayaa wuxuu ku tagay gobollada dalka booqashooyin uu ugu kuugalayo xaaladaha ka jira gobollada dalka, taasoo ay shacabka Sooamaliyeed aad u soo dhaweeyeen.

2013-03-30 4:05 AM EST
Sabti, Maarso 30, 2013 (HOL) — Wasiirka arrimaah dibadda Kanada, John Baird ayaa sheegay in sannadkan uu booqan doono dalka Soomaaliya, gaar ahaan magaalada Muqdisho, isagoo sheegay inay dowladdiisu gacan weyn siin doonto dowladda cusub ee Soomaaliya.

2013-03-30 3:47 AM EST
Sabti, Maarso 30, 2013 (HOL) — Kulan looga hadlayay sii-daynta Bashiir Makhtal oo Somali-Canadian ah kuna xiran dalka Itoobiya muddo lix sano ayaa lagu qabtay xalay magaalada Ottawa ee dalka Kanada, iyadoo kulankaas ay kasoo qaybgaleen jaaliyadda Soomaaliyeed ee Ottawa, mas’uuliyiin uu ka mid yahay wasiirka arrimaha dibadda Kanada, xaaskii Bashiir Makhtal iyo walaalkiis iyo mas’uuliyiin kale.