12/19/2014
Today from Hiiraan Online:  _
Wararka Maanta- Sabti, Mar 30, 2013
Dhakhaatiirta AMISOM oo ku dhawaaqday in cudurka halista ah ee Daacuunka uu ka dillaacay Magaalada Baladweyne


Sabti, Maarso 30, 2013 (HOL) — Dhaqaatiirta caafimaadka ciidamada Jabuuti ee howlgalka midowgga Africa AMISOM ayaa ku dhawaaqay in magaalada Baladweyne uu ka dillacay cudurka daacuunka.

Dr. Cabdi Waabari Geedi oo ah dhatarka ciidamada midowgga Africa ee gacanta ku haya dadka uu soo ritay cudurka, ayaa sheegay in baaritaan la sameeyay lagu ogaaday in uusan aheyn shuban biyood ka dhashay kuleylaha, laakiin uu ka dillacay magaalada cudurka daacuunka kadib tijaabo loo qaaday magaalada Nairobi si baaritaan loogu sameeyo.

“Qofkii ugu horeeyay cudurkan waxaan ku aragnay 16 bishan Maarso, waxaan u heysanay in uu yahay cudur ka dhashay kuleylaha iyo hoos u dhaca biyaha wabiga, laakiin markii danbe tijaabo laga qaaday biyaha iyo saxarada dadka  cudurka la ildarran oo loo dirray magaalada Nairobi si sheybaar loogu sameeyo waxaa lagu ogaaday in uu yahay cudurka daacuunka,’’ ayuu yiri Dr Cabdi Waabari Geedi.

Mar uu ka jawaabayay su’aal aheyd da’da dadka ugu badan ee uu cudurku haleellay waxaa uu sheegay in ay ugu badan yihiin curuurta oo ah  kuwa ugu saameynta nugul cudurada noocan oo kale ah.

“Caruurta ayaa ugu badan gaar ahaan kuwa ay da’dooda ka yartay shanta sano, waa ay jiraan dad waaweyn oo uu cudurku ku dhacay, laakiin dadka ugu badan waa caruurta,’’ ayuu sheegay Dr Cabdi Waabari Geedi.

Waxaa uu dhinaca kale sheegay in ay hoos u dhaceen tirada dadkii maalin kasta la geyn jiray xarumaha loogu talagalay in lagu daweeyo bukaanka, isaga oo kula taliyay bulshada in ay ku dadaallaan nadaafada oo muhiim u ah ayuu sheegay ka hortaga cudurka.

C/raxmaan Diini, Hiiraan Online
diini@hiiraan.com
Baladweyne, Soomaaliya





Post your comments

3/30/2013 3:51 PM EST
Sabti, Maarso 30, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo isugu jira wasiirro iyo xildhibaanno, aynaka mid ahaayeen, wasiirka arrimaha gudaha iyo amniga Qaranka iyo wasiirka gaashaandhiga ayaa maanta booqasho ku tagay degmada Jowhar ee xarunta gobolka Shabeellada Dhexe, iyagoo la kulmay waxgaradka iyo maamulka.

3/30/2013 2:48 PM EST
Sabti, Maarso 30, 2013 (HOL) — Maxkamadda sare ee dalka Kenya ayaa ansixisay in Uhuru Kenyatta uu ku guuleystay doorashadii madaxnimo ee dalkaas ka dhacday horraantii bishan Maarso, natiijadii ay soo saareen guddiga doorashadana ay ahayd mid sax ah, waxaana go’aanka maxkamadda aad u soo dhaweeyay ra’iisul wasaaraha xilka banneynaya ee Kenya, Raila Odinga oo dacwad uu ku diidan yahay natiijada u gudbiyay maxkamadda sare ee Kenya.

3/30/2013 2:46 PM EST
Sabti, Maarso 30, 2013 (HOL) — Deegaanno hoos yimaada gobolka Bay qaarkood waxay dhaliil u soo jeediyeen hay’adaha samafalka qaarkood sida UNICEF, ICRC, FAO iyo NRC kuwaasoo kawada howlo gargaar deegaannada dhibaatada ka jirto,

3/30/2013 11:52 AM EST
Sabti, Maarso 30, 2013 (HOL) — Magaaladda Ceeryaan ee koonfur galbeed ee gobolka Sanaag, ayaa lagu soo afjaray khilaaf u dhexeeyey laba beelood oo wadda dega deegaankaasi.

3/30/2013 8:06 AM EST
Sabti, Maarso 30, 2013 (HOL) — Wasiirka Maaliyadda Somaliland C/casiis Maxamed Samaale,ayaa ka jawaabay eed loo soo jeediyey oo ahaa in gaadiid ay dawladu iibsanayso dad gaar ah uu ku siiyey qandaraasyo.

3/30/2013 8:02 AM EST
Sabti, Maarso 30, 2013 (HOL) — Dowladda Somaaliya ayaa wadda qaban-qaabada shir-weynaha Qaran oo looga tashanayo dib u habeynta garsoorka oo uu ku dhawaaqay madaxweynaha Soomaaliya, Xasan Sheekh Maxamuud uu ku dhawaaqay 11-kii bishii Febraayo ee sanadkan. Shirkan ayaa wuxuu billaabanayaa 01-da April wuxuuna soconayaa illaa 05-ta isla bisha April ee isla sanadkan 2013, wuxuuna ka dhacayaa magaalada Muqdisho.

3/30/2013 7:28 AM EST
Sabti, Maarso 30, 2013 (HOL) — Wafdi ay horkaceyso wasiirka wasaarrada hormarinta adeega bulshada ee dowladda federaalka Soomaaliya Dr. Maryan Qaasim Axmed ayaa maanta gaaray magaalada Baladweyne ee xarunta gobolka Hiiraan oo uu dhawaan ka dillaacay cudurka shuban-biyoodka.

3/30/2013 7:21 AM EST
Sabti, Maarso 30, 2013 (HOL) — Wafdi uu hoggaaminayo ra’iisul wasaaraha Soomaaliya, Cabdi Faarax Shirdoon (Saacid) ayaa gaaray degmada Jowhar ee xarunta gobolka Shabeellada dhexe, halkaasoo si weyn loogu soo dhaweeyay.

3/30/2013 4:26 AM EST
Sabti, Maarso 30, 2013 (HOL) — Kaddib markii la magacaabay ra’iisul wasaaraha Soomaaliya, Cabdi Faarax Shirdoon (Saacid) ayaa wuxuu ku tagay gobollada dalka booqashooyin uu ugu kuugalayo xaaladaha ka jira gobollada dalka, taasoo ay shacabka Sooamaliyeed aad u soo dhaweeyeen.

3/30/2013 4:05 AM EST
Sabti, Maarso 30, 2013 (HOL) — Wasiirka arrimaah dibadda Kanada, John Baird ayaa sheegay in sannadkan uu booqan doono dalka Soomaaliya, gaar ahaan magaalada Muqdisho, isagoo sheegay inay dowladdiisu gacan weyn siin doonto dowladda cusub ee Soomaaliya.

3/30/2013 3:47 AM EST
Sabti, Maarso 30, 2013 (HOL) — Kulan looga hadlayay sii-daynta Bashiir Makhtal oo Somali-Canadian ah kuna xiran dalka Itoobiya muddo lix sano ayaa lagu qabtay xalay magaalada Ottawa ee dalka Kanada, iyadoo kulankaas ay kasoo qaybgaleen jaaliyadda Soomaaliyeed ee Ottawa, mas’uuliyiin uu ka mid yahay wasiirka arrimaha dibadda Kanada, xaaskii Bashiir Makhtal iyo walaalkiis iyo mas’uuliyiin kale.