2014-09-01
Today from Hiiraan Online:  _
Wararka Maanta- Axad, Mar 3 , 2013
Golaha Deegaanka Gabileey oo Mushaarkii u Kordhiyay Shaqaalaha Dowladda Hoose iyo Xildhibaannadii Golaha Deegaanka


Axad, Maarso 03, 2013 (HOL) — Golaha Deegaanka degmadda Gabiley, ayaa ansaxsaday miisaaniyad sanadeedkii ay ku shaqayn doonaan sanadkan 2013-ka, taas oo ay ka muuqato mushahar kordhin loo sameeyey shaqaalaha dawladda hoose iyo xidlhibaanadda golaha deegaanka Gabiley.

Miisaanidda dawladda hoose oo labaddii toddobaad ee  u dambeeyey ka doodayeen xidlhibaanadda golaha deegaanka Gabiley, ayaa shalay fadhi ay yeesheen ku ansixiyey miisaaniyad sanadeedka 2013-ka.

Miisaaniyadan oo cadadkeedu dhan tahay  Afar iyo toban Bilyan oo Somaliland shilling, ayaa la sheegay in shaqaalaha nadaafadda ee dawladda hoose loo kordhiyey 100%, halka shaqaalaha kale iyo xildhibanaadana loo kordhiyey 74%.

Sidoo kale, Xildhibaanada golaha deegaanka Gabiley ayaa isku kordhiyey 74% oo u dhiganta inay korodhsadeen 2.5 Milyan Somaliland Shiling bishiiba, halka ay markii hore musharkoodu ka ahaa  1 Milyan iyo 200 oo shilinka Somaliland ah.

“Dood dheer kadib waxaa la ansixiyey miisaaniyad sanadeedkii, waxaan kasoo qayb galey 20 mudane , waxaan ansixiyey 16 mudane, 4 mudane way ka aamuseen”ayuu yidhi Maayarka Gabiley Shucayb Muuse oo ka hadlayey miisaaniyadda golahooddu ansixiyeen, waxaanu intaas ku daray “ Xadiga miisaaniyadu waxay ahayd 14,105,31973000 oo Bilyan SLSH.

Miisaaniyadani tii sanadkii hore way ku libinlaabmaysaa, waxaana miisaaniyadda sanadkan ka muuqda mashaariic horumarineed oo faro badan,” ayuu raaciyey hadalkiisa maayar Shucayb Maxamed Muuse.

Si kastaba ha ahaatee, miisaaniyad sanadeedka dawladda hoose ee Degmadda Gabiley ayaa la sheegay iany ka badan tahay tii sanadkii hore, taasina ay keentay in shaqaalaha iyo xildhibanaduba isku kordhiyaan mushaharka ay qaadan jireen.

Barkhad-Ladiif  M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-03-03 1:03 PM EST
Axad, Maarso 03, 2013 (HOL) — Maayarka golaha deegaanka magaalada Saylac Xuseen Iidle Barkhadle ayaa sheegay maanta in golaha deegaanku Saylac uu cod aqlabiyad ah ku hakiyay ama ku diiday inay xildhibaanadii is-casilay ka aqbalaan is-casilaadooda. Arrintaas oo uu sheegay maayarku inay filayaan inay wax iska bedelaan.

2013-03-03 12:38 PM EST
Axad, Maarso 03, 2013 (HOL) — Wasiirka arrimaha gudaha, Somaliland Maxamed Nuur Carraale (Duur) ayaa xoghayaha dowladda hoose ee Saylac u magacaabay, Bashiir Cilmi Waabari xoghayihii komiishanka doorashada ee gobolka gobolka Salal oo hore u qaadacay natiijada doorashada ee Saylac, taasoo dhalisay khilaaf aad u xoog badan isla markaana sababtay in xildhibaannadii beesha Ciise uga soo baxay ay dhammaantood is-wada-casilaan.

2013-03-03 11:32 AM EST
Axad, Maarso 03, 2013 (HOL) — Gudoomiyihii hore ee gobolka Bay, C/fitaax Ibraahim Maxamed (Geeseey) ayaa maanta xilkii ku wareejiyay Cabdi Aadan Hesoow oo ah guddoomiyaha cusub ee dowladda Somalia ay u magacowday guddoomiyaha gobolka Bay.

2013-03-03 9:10 AM EST
Axad, Maarso 03, 2013 (HOL) — Ra’iisul wasaaraha Soomaaliya, Cabdi Faarax Shir-doon (Saacid) ayaa maanta khudbad uu kaga warbixinayay waxyaabihii u qabsoomay muddada 100-ka maalmood ah ee ay xukuumaddiisu shaqeynayso ka horjeediyay kulankii maanta ee baarlamaanka Soomaaliya.

2013-03-03 8:34 AM EST
Axad, Maarso 03, 2013 (HOL) — Maxkamadda Rafcaanka gobolka Banaadir ayaa maanta oo Axad ah ku xukuntay lix bilood oo xabsi ah wariye C/casiis Cabdinuur Ibraahim (Koronto) oo ay horay maxkamada gobolka Banaadir ugu xukuntay hal sano oo xabsi ah, iyadoo sii daysay maxkamaddu gabar sheegtay in la kufsaday oo iyadana horay loogu xukumay hal sano oo xabsi ah.

2013-03-03 8:02 AM EST
Axad, Maarso 03, 2013 (HOL) — Maamulka Ximan iyo Xeeb ayaa shalay oo Sabti ahayd albaabbada isugu dhuftay Radio Al-Ixsaan oo ka mid ah idaacadaha madaxabannaan ee ka howgala degmada Cadaado ee gobolka Galguduud, iyadoo xarigaas uu si adag u cambaareeyay ururka suxufiyiinta Qaranka Soomaaliyeed ee NUSOJ.

2013-03-03 7:15 AM EST
Axad, Maarso 03, 2013 (HOL) — Cutubyo ka tirsan ciidamada Jabuuti ee howlgalka midowgga Africa AMISOM oo ay weliyaan ciidamo ka tirsan maamulka gobollka Hiiraan oo saakay ka ababaxay magaalada Baladweyne ayaa gaaray deegaanno ka tirsan gobollka Galguduud bartamaha Soomaaliya.

2013-03-03 7:08 AM EST
Axad, Maarso 03, 2013 (HOL) — Sida ay u xaqiijiyeen HOL dadka deegaannka Halgan xarakada Al-shabaab ayaa galinkii danbe ee maalintii shalay meel fagaaro ah ku gubay lacag shil Soomaali ah oo lagu sheegay cadadkeeda ilaa 25 milyan.

2013-03-03 3:26 AM EST
Axad, March 03, 2013 (HOL) - Dadweynaha dalka Kenya ayaa maalinta isniinta ah u dareeri doona gooba codbixinta si ay u soo doortaan madaxweynahoodii afraad.

2013-03-03 1:36 AM EST
Axad, Maarso 03, 2013 (HOL) — Deegaanno ka tirsan degmada Baydhabo ee xarunta gobolka Bay ayaa waxaa laga soo sheegayaa inay ka jirto biyo la’aan xooggan, kuwaasoo saameyn ku yeeshay dadka iyo duunyada ku nool deegaannadaas.

2013-03-03 1:08 AM EST
Axad, Maarso 03, 2013 (HOL) — Ra’iisul wasaare Cabdi Faarax Shir-doon (Saacid) ayaa lagu wadaa in khudbad uu kaga warramayo howlaha u qabsoomay xukuumadda uu ka jeediyo maanta fadhiga baarlamaanka uu ku yeelanayo xaruntiisa Muqdisho.