2014-07-31
Today from Hiiraan Online:  _
Wararka Maanta- Axad, Mar 3 , 2013
Cutubyo ka tirsan Ciidamada AMISOM ee ka socda dalka Jabuuti oo markii ugu Horreysay gaaray Gobolka Galguduud


Axad, Maarso 03, 2013 (HOL) — Cutubyo ka tirsan ciidamada Jabuuti ee howlgalka midowgga Africa AMISOM oo ay weliyaan ciidamo ka tirsan maamulka gobolka Hiiraan oo saakay ka ababaxay magaalada Baladweyne ayaa gaaray deegaanno ka tirsan gobollka Galguduud bartamaha Soomaaliya.

Col. Cismaan Dubad taliyaha ciidamada Jabuuti ee howlgalka midowgga Africa AMISOM oo ciidamada hor kacaya ayaa sheegay in ay halkaa u tageen xaqiijinta amniga gobollka oo ay dhawaan booqan doonaan wafdi sare oo ka tirsan dowladda federaalka Soomaaliya.

Wariye la socda ciidamada oo la hadllay HOL ayaa sheegay in xiligan ay ku sugan yihiin degmada Dhuusa-mareeb ee gobollka Galguduud horayna u soo mareen ciidamada AMISOM degmooyinka Matabaan iyo Guri-ceel.

Guddoomiyaha gobollka Galguduud ee dowladda Soomaaliya Axmed Yuusuf Ciyoow ayaa sheegay in ay siweyn u soo dhaweynayaa ciidamada Jabuuti ee qeybta ka howlgalka midowgga Africa AMISOM iyaga oo xaqiijin doona amniga degmooyinka gobollka ka hor inta aysan gaarin wafdiga ka socda dowladda Soomaaliya.

Wafdiga dowladda federaalka ee tagi doona gobollka Galguduud ayaa lagu wadaa in ay booqashooda qaadato ilaa sadax cisho waqtigii oo ay halkaa ku sugnaa donaan ciidamada AMISOM.

Gobollka Galguduud waxaa intiisa badan maamula oo gacanta ku haya xoogagga Ahlu Sunna Waljameeca oo bilihii ugu danbeeyay dhinaca siyaasada isaga soo dhawaanayeen dowladda federaalka Soomaaliya.

C/raxmaan Diini, Hiiraan Online
diini@hiiraan.com
Baladweyne, Soomaaliya





Post your comments

2013-03-03 1:03 PM EST
Axad, Maarso 03, 2013 (HOL) — Maayarka golaha deegaanka magaalada Saylac Xuseen Iidle Barkhadle ayaa sheegay maanta in golaha deegaanku Saylac uu cod aqlabiyad ah ku hakiyay ama ku diiday inay xildhibaanadii is-casilay ka aqbalaan is-casilaadooda. Arrintaas oo uu sheegay maayarku inay filayaan inay wax iska bedelaan.

2013-03-03 12:38 PM EST
Axad, Maarso 03, 2013 (HOL) — Wasiirka arrimaha gudaha, Somaliland Maxamed Nuur Carraale (Duur) ayaa xoghayaha dowladda hoose ee Saylac u magacaabay, Bashiir Cilmi Waabari xoghayihii komiishanka doorashada ee gobolka gobolka Salal oo hore u qaadacay natiijada doorashada ee Saylac, taasoo dhalisay khilaaf aad u xoog badan isla markaana sababtay in xildhibaannadii beesha Ciise uga soo baxay ay dhammaantood is-wada-casilaan.

2013-03-03 11:32 AM EST
Axad, Maarso 03, 2013 (HOL) — Gudoomiyihii hore ee gobolka Bay, C/fitaax Ibraahim Maxamed (Geeseey) ayaa maanta xilkii ku wareejiyay Cabdi Aadan Hesoow oo ah guddoomiyaha cusub ee dowladda Somalia ay u magacowday guddoomiyaha gobolka Bay.

2013-03-03 9:10 AM EST
Axad, Maarso 03, 2013 (HOL) — Ra’iisul wasaaraha Soomaaliya, Cabdi Faarax Shir-doon (Saacid) ayaa maanta khudbad uu kaga warbixinayay waxyaabihii u qabsoomay muddada 100-ka maalmood ah ee ay xukuumaddiisu shaqeynayso ka horjeediyay kulankii maanta ee baarlamaanka Soomaaliya.

2013-03-03 8:34 AM EST
Axad, Maarso 03, 2013 (HOL) — Maxkamadda Rafcaanka gobolka Banaadir ayaa maanta oo Axad ah ku xukuntay lix bilood oo xabsi ah wariye C/casiis Cabdinuur Ibraahim (Koronto) oo ay horay maxkamada gobolka Banaadir ugu xukuntay hal sano oo xabsi ah, iyadoo sii daysay maxkamaddu gabar sheegtay in la kufsaday oo iyadana horay loogu xukumay hal sano oo xabsi ah.

2013-03-03 8:02 AM EST
Axad, Maarso 03, 2013 (HOL) — Maamulka Ximan iyo Xeeb ayaa shalay oo Sabti ahayd albaabbada isugu dhuftay Radio Al-Ixsaan oo ka mid ah idaacadaha madaxabannaan ee ka howgala degmada Cadaado ee gobolka Galguduud, iyadoo xarigaas uu si adag u cambaareeyay ururka suxufiyiinta Qaranka Soomaaliyeed ee NUSOJ.

2013-03-03 7:38 AM EST
Axad, Maarso 03, 2013 (HOL) — Golaha Deegaanka degmadda Gabiley, ayaa ansaxsaday miisaaniyad sanadeedkii ay ku shaqayn doonaan sanadkan 2013-ka, taas oo ay ka muuqato mushahar kordhin loo sameeyey shaqaalaha dawladda hoose iyo xidlhibaanadda golaha deegaanka Gabiley.

2013-03-03 7:08 AM EST
Axad, Maarso 03, 2013 (HOL) — Sida ay u xaqiijiyeen HOL dadka deegaannka Halgan xarakada Al-shabaab ayaa galinkii danbe ee maalintii shalay meel fagaaro ah ku gubay lacag shil Soomaali ah oo lagu sheegay cadadkeeda ilaa 25 milyan.

2013-03-03 3:26 AM EST
Axad, March 03, 2013 (HOL) - Dadweynaha dalka Kenya ayaa maalinta isniinta ah u dareeri doona gooba codbixinta si ay u soo doortaan madaxweynahoodii afraad.

2013-03-03 1:36 AM EST
Axad, Maarso 03, 2013 (HOL) — Deegaanno ka tirsan degmada Baydhabo ee xarunta gobolka Bay ayaa waxaa laga soo sheegayaa inay ka jirto biyo la’aan xooggan, kuwaasoo saameyn ku yeeshay dadka iyo duunyada ku nool deegaannadaas.

2013-03-03 1:08 AM EST
Axad, Maarso 03, 2013 (HOL) — Ra’iisul wasaare Cabdi Faarax Shir-doon (Saacid) ayaa lagu wadaa in khudbad uu kaga warramayo howlaha u qabsoomay xukuumadda uu ka jeediyo maanta fadhiga baarlamaanka uu ku yeelanayo xaruntiisa Muqdisho.