2014-11-28
Today from Hiiraan Online:  _
Wararka Maanta- Jimco, Mar 29, 2013
Arday Tiradoodu tahay 135 oo ka Qalib-jabisay dugsiga Sare Imaamu Shaafici ee Magaalada Boosaaso [SAWIRRO]



Jimco, Maarso 29, 2013 (HOL) — Xaflad ballaaran oo lagu sagootinayey 135 arday oo ka qalin jebiyey fasalka afraad ee dugsiga sare ayaa shalay galab ka dhacday xarunta dugsiga sare Imaamu Shaafici ee magaalada Boosaaso.

Xafladda oo ahayd mid si weyn loo soo agaasimey, waxaa kasoo qayb galay mas’uuliyiin dowladda ka tirsan, Isimmo, aqoonyahan, waalidiin

iyo marti sharaf kale oo badan, waxaana madaxdii joogtey laga xusi karaa Gudoomiyaha waxbarashada ee degmada Boosaaso Cabdilaahi Xasan Abshir Cadami, Hormuudka Jaamacadda Muqdisho Aadan Xerow, Beeldaaje Ismaaciil Beeldaaje Yaasiin iyo nabadoon Cabdiqaadir Axmed Ibraahim (xarago).

Ugu horreyn, waxaa madasha ka hadlay Siciid Axmed Xasan (QAAL) oo ku hadlayey afka ardeyda, wuxuuna  u mahad celiyey kasoo qayb galayaasha, isagoo xusay in ujeedada xafladdu ay tahay sidii ay u muujin lahaayeen farxaddooda ku aadan dhameystirka dugsiga sare.

Maamulaha guud ee dugsiga Imaamu Shaafici, Sheekh Maxamed Faahiye Ciise, oo intaas kaddib hadalka qaatay ayaa isna hanbalyo u jeediyey ardeyda qalin jebisey, wuxuuna dhinaca kale ka sheekeeyey heerarkii kala duwanaa ee uu dugsigu soo maray laga so bilaabo markii la asaasay sanadkiii 1993.

Ardayda ayaa intii ay xafladdu socotey so bandhigay riwaayad ka turjumeysa qiimaha waxbarashada iyo dhibaatooyinka uu maandooriyaha qaadku ku hayo da'yarta Soomaaliyeed, iyagoo ugu danbeyntiina abaalmarino kala duwan guddoonsiiyey macalimiintii muddada dheer wax soo barayey.

Ardaydan oo ah dufcaddii 6-aad ee ka qalin jebisa dugsiga sare ee Imaamu Shaafici, islamarkaana 35 kamid ahi ay gabdho ahaayeen, waxay qayb ka yihiim in ka badan 500 oo arday oo laga soo bilaabo sanadkii 2009 isla dugsigan ka qalin jebiyey.






Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

2013-03-29 3:44 PM EST
Khamiis, Maarso 28, 2013 (HOL) - Duqa magaalada Ottawa ee dalka Kanada Jim Watson oo ay wehliyaan xubno ka tirsan madaxda degaanada magaalada Ottawa ayaa guddoonsiiyey Fartuun Cabdisalaam Adan abaalmarin ay ku muteysatay howlaha sama-falka oo ay ka waddo magaalada Moqdisho. Xafladdaas oo ay soo abaabuleen hay'adda "City for All Women Initiative" laguna qabtay xaruunta magaalada Ottawa (City Hall)

2013-03-29 2:32 PM EST
Jimco, Maarso 29, 2013 (HOL) — Madaxweynaha Soomaaliya, Xasan Sheekh Maxamuud ayaa maanta safar shaqo ku tagay dalka Imaaraadka Carabta oo ka mid ah dalalka ku yaalla Khaliijka Carabta, isagoo caawa wadahadallo la yeeshay dhaxal-sugaha dalkaas, Maxamed Bin Zayed Al-Nahyan, iyagoo uga hadlay kulankooda arrimo la xiriira: ammaanka, dib u heshiisiinta harumarka iyo siyaasadda.

2013-03-29 1:29 PM EST
Jimco, Maarso 29, 2013 (HOL) — Roobabkan oo billowday saqdii dhexe ee xalay oo socday illaa barqonimadii maanta ayaa waxay ka da’een deegaanno iyadoo degaannadaas ay kasoo baxayaan in roobabku ay geysteen khasaare isugu jirta naf iyo maal.

2013-03-29 12:49 PM EST
Jimco, Maarso 29, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdigii uu hoggaaminayay oo gellinkii dambe ee maanta dib ugu soo laabtay Muqdisho, ayaa warbaahinta uga warbixiyay natiijada kasoo baxday wadahalladii Kismaayo iyo kulamadii uu la qaatay qaybaha kala duwan ee bulshada Kismaayo.

2013-03-29 10:29 AM EST
Jimco, 29 Maarso, 2013(HOL) :- Ciidamo aad u tiro badan oo katirsan dowladda Soomaaliya islamarkaasina mudooyinkii u danbeeyay ku sugnaa duleedka magaalada ayaa maanta gudaha usoo galay magaalada Kismaayo, iyadoona ciidamadani la dajiyay saldhigyo ku yaal gudaha magaalada.

2013-03-29 10:13 AM EST
Jimco, 29 Maarso, 2013(HOL) - Wafdigii uu hogaaminayay ra’isul wasaaraha dowladda Federaalka Soomaaliya ee maalmihii ugu danbeeyay ku sugnaa magaalada Kismaayo ayaa maanta dib ugu laabtay magaalada Muqdisho ee caasimadda dalka Soomaaliya.

2013-03-29 3:34 AM EST
Jimco, Maarso 29, 2013 (HOL) — Madaxweynaha Soomaaliya ayaa sheegay inay socdaan baaritaanno ku saabsan eedeymaha ku saabsan in ciidamada dowladda ay dhibaatooyin u geystaan shacabka Soomaaliyeed oo ay ahayd inay difaacaan, isagoo xusay in haddii askari lagu helo dambi wax laga weydiin doono sarkaalkii xukumayay.

2013-03-29 3:05 AM EST
Jimco, Maarso 29, 2013 (HOL) — Ururka Qaranka Suxufiyiinta Soomaaliyeed ee NUSOJ ayaa soo dhaweeyay xukunkii ay maxkamadda ciidamada ku ridday gacan ku dhiiglihii dilay wariye Xasan Yuusuf Absuge, iyadoo xoghayah guud ee NUSOJ, Cumar Faaruuq uu xukunkaas ku tilmaamay mid hoos u dhigaya dilalka loo geystay suxufiyiinta Soomaaliyeed.

2013-03-29 2:29 AM EST
Jimco, Maarso 29, 2013 (HOL) — Wadahadalladii u dhexeeya xukuumadda Soomaaliya iyo maamulka KMG ah ee Kismaayo ayaa guul-darro ku dhammaaday kaddib markii la isku fahmi waayay wadahadallo socday shantii maalmood ee lasoo dhaafay.

2013-03-29 1:58 AM EST
Jimco, Maarso 29, 2013 (HOL) — Dhallinyaro kooxo-kooxo u abaabulan ayaa la sheegay inay dhibaatooyin isugu jira dhac iyo kufsi ka geystaan xilliyada habeenkii ah magaalada Hargeysa ee xarunta Somaliland, iyadoo taliyaha booliiska uu sheegay inay xirxireen kooxo kuwaas ka mid ah.

2013-03-29 1:42 AM EST
Jimco, Maarso 29, 2013 (HOL) — Madaxweynaha Soomaaliy, Xasan Sheekh Maxamuud ayaa sheegay inay rajeynayaan inay helaan hubkii ugu horreeyay tan iyo markii laga qaaday cunno-qabateyntii hubka ee saarnayd Soomaaliya in ka badan 20 sano, si ay u xoojiaan ciidamadooda dagaalka kula jira Al-shabaab.