2014-04-24
Today from Hiiraan Online:  _
Wararka Maanta- Jimco, Mar 29, 2013
Dhallinyaro Kooxo-Kooxo u Abaabulan oo xilliyada Habeenkii dhac iyo Kufsi ka geysta Magaalada Hargeysa ee Somaliland


Jimco, Maarso 29, 2013 (HOL) — Dhallinyaro kooxo-kooxo u abaabulan ayaa la sheegay inay dhibaatooyin isugu jira dhac iyo kufsi ka geystaan xilliyada habeenkii ah magaalada Hargeysa ee xarunta Somaliland, iyadoo taliyaha booliiska uu sheegay inay xirxireen kooxo kuwaas ka mid ah.

Haween ku nool xaafado ka tirsan magaalada Hargeysa ayaa sheegay in markii qorraxdu dhacdo aan dibadda loo bixi karin, iyagoo sheegay in koox dhallinyaro ah ay dhibaatooyin u geysanayaan hablaha, ayna mararka qaar galaan guryaha si ay dhac u geystaan.

“Waxaanu ka cabanaynaa dhallinyaro midkooda ugu weyn uu yahay 22-jir, halka midka ugu yarna uu yahay 18-jir oo dhibaatooyin kala duwan ku haya shacabka ku nool Hargeysa, habeen ka hor halkan ayay nin ku dileen,” ayay tiri haweeney ka mid ah kuwa nool Hargeysa.

Sidoo kale, haweeneydan waxay sheegtay inay cabashadooda u gubiyeen madaxweynaha, wasiirka arrimaha gudaha iyo taliyaha booliiska ayna mar walba ku celinayaan in wax laga qabto dhibaatada ay dhallinyaradaas u geysanayaan shacabka.

Dhanka kale, taliyaha booliiska Somaliland, Jen. Cabdullaahi Fadal Iimaan ayaa xaqiijiyay jirtaanka dhallinyaradan abaabulan ee dhibaatooyinka ka geysanaya habeenkii magaalada Hargeysa, isagoo xusay inay qabqabteen qaar badan oo ka mid ah, kuwa kalena ay ku raad-joogaan.

“Way jiraan dhallinyaro dhibaatooyin ka geysta xaafadaha Hargeysa qaar ka mid ah, ciidamaduna waxay wadaan howgallo ay ku qabqabanayaan, waxaan horay u qabanay kontomeeyo sharciga ka horgeeyay, sidoo kale 18 ayaan ka qabanay habeen hore, sharciga ayaana la horgeynayaa,” ayuu yiri Jen. Fadal Iimaan.

Dhallinyarada abaabulan ayaan la ogeyn cid ay ka amarqaataan iyo ujeedka ay leeyihiin; waana markii ugu horreysay oo shacabka ku nool Hargeysa ay ka cowdaaan kooxo dhac iyo kufsi baahsan ka geysanaya gudaha Hargeysa.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-29 3:44 PM EST
Khamiis, Maarso 28, 2013 (HOL) - Duqa magaalada Ottawa ee dalka Kanada Jim Watson oo ay wehliyaan xubno ka tirsan madaxda degaanada magaalada Ottawa ayaa guddoonsiiyey Fartuun Cabdisalaam Adan abaalmarin ay ku muteysatay howlaha sama-falka oo ay ka waddo magaalada Moqdisho. Xafladdaas oo ay soo abaabuleen hay'adda "City for All Women Initiative" laguna qabtay xaruunta magaalada Ottawa (City Hall)

2013-03-29 2:32 PM EST
Jimco, Maarso 29, 2013 (HOL) — Madaxweynaha Soomaaliya, Xasan Sheekh Maxamuud ayaa maanta safar shaqo ku tagay dalka Imaaraadka Carabta oo ka mid ah dalalka ku yaalla Khaliijka Carabta, isagoo caawa wadahadallo la yeeshay dhaxal-sugaha dalkaas, Maxamed Bin Zayed Al-Nahyan, iyagoo uga hadlay kulankooda arrimo la xiriira: ammaanka, dib u heshiisiinta harumarka iyo siyaasadda.

2013-03-29 1:29 PM EST
Jimco, Maarso 29, 2013 (HOL) — Roobabkan oo billowday saqdii dhexe ee xalay oo socday illaa barqonimadii maanta ayaa waxay ka da’een deegaanno iyadoo degaannadaas ay kasoo baxayaan in roobabku ay geysteen khasaare isugu jirta naf iyo maal.

2013-03-29 12:49 PM EST
Jimco, Maarso 29, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdigii uu hoggaaminayay oo gellinkii dambe ee maanta dib ugu soo laabtay Muqdisho, ayaa warbaahinta uga warbixiyay natiijada kasoo baxday wadahalladii Kismaayo iyo kulamadii uu la qaatay qaybaha kala duwan ee bulshada Kismaayo.

2013-03-29 10:29 AM EST
Jimco, 29 Maarso, 2013(HOL) :- Ciidamo aad u tiro badan oo katirsan dowladda Soomaaliya islamarkaasina mudooyinkii u danbeeyay ku sugnaa duleedka magaalada ayaa maanta gudaha usoo galay magaalada Kismaayo, iyadoona ciidamadani la dajiyay saldhigyo ku yaal gudaha magaalada.

2013-03-29 10:13 AM EST
Jimco, 29 Maarso, 2013(HOL) - Wafdigii uu hogaaminayay ra’isul wasaaraha dowladda Federaalka Soomaaliya ee maalmihii ugu danbeeyay ku sugnaa magaalada Kismaayo ayaa maanta dib ugu laabtay magaalada Muqdisho ee caasimadda dalka Soomaaliya.

2013-03-29 3:47 AM EST
Jimco, Maarso 29, 2013 (HOL) — Xaflad ballaaran oo lagu sagootinayey 135 arday oo ka qalin jebiyey fasalka afraad ee dugsiga sare ayaa shalay galab ka dhacday xarunta dugsiga sare Imaamu Shaafici ee magaalada Boosaaso.

2013-03-29 3:34 AM EST
Jimco, Maarso 29, 2013 (HOL) — Madaxweynaha Soomaaliya ayaa sheegay inay socdaan baaritaanno ku saabsan eedeymaha ku saabsan in ciidamada dowladda ay dhibaatooyin u geystaan shacabka Soomaaliyeed oo ay ahayd inay difaacaan, isagoo xusay in haddii askari lagu helo dambi wax laga weydiin doono sarkaalkii xukumayay.

2013-03-29 3:05 AM EST
Jimco, Maarso 29, 2013 (HOL) — Ururka Qaranka Suxufiyiinta Soomaaliyeed ee NUSOJ ayaa soo dhaweeyay xukunkii ay maxkamadda ciidamada ku ridday gacan ku dhiiglihii dilay wariye Xasan Yuusuf Absuge, iyadoo xoghayah guud ee NUSOJ, Cumar Faaruuq uu xukunkaas ku tilmaamay mid hoos u dhigaya dilalka loo geystay suxufiyiinta Soomaaliyeed.

2013-03-29 2:29 AM EST
Jimco, Maarso 29, 2013 (HOL) — Wadahadalladii u dhexeeya xukuumadda Soomaaliya iyo maamulka KMG ah ee Kismaayo ayaa guul-darro ku dhammaaday kaddib markii la isku fahmi waayay wadahadallo socday shantii maalmood ee lasoo dhaafay.

2013-03-29 1:42 AM EST
Jimco, Maarso 29, 2013 (HOL) — Madaxweynaha Soomaaliy, Xasan Sheekh Maxamuud ayaa sheegay inay rajeynayaan inay helaan hubkii ugu horreeyay tan iyo markii laga qaaday cunno-qabateyntii hubka ee saarnayd Soomaaliya in ka badan 20 sano, si ay u xoojiaan ciidamadooda dagaalka kula jira Al-shabaab.