2014-09-20
Today from Hiiraan Online:  _
Wararka Maanta- Khamiis, Mar 28, 2013
Ururka Dhallinyarada Soomaaliyeed ee SUN oo Sannad-guuradiisii Shanaad u Dabaal-degay (DAAWO SAWIRRADA)



Khamiis, March 28, 2013Ururka Somaliska Ungdomsnätverket  (SUN) ayaa wuxuu u shalay u dabaal-degay sanadguuradiisii shanaad iyadoo sanadkan uu ururka ku xusay guriga looga arrimo degmada Eskilstuna ee dalka Sweden.

 

Xafladda lagu weyneynayay sanadguuradii shanaad ee Ururka ayaa waxaa ka soo qeybgalay Guddoomiyaha Degmada Eskilstuna Jimmy Jansson, Afhayeenka Baarlamaanka degmada Alf Egnerfors, Anna Ekermo oo ka socotay Gobolka Södermanland, Niklas Frykman oo ka socday Xisbiga Folk, Lotta Jonsson oo ka socotay Kristdemokraterna, Feysal Xasan oo ka socday Xisbiga Miljöpartiet, C/risaaq Xuseen oo ka socday Xisbiga Socialdemokraterna iyo Firat Nemrud, ku xigeenka madaxa suqa shaqada ee maamulka degmada iyo dad kale oo Soomaali u badnaa.

 

Munaasabadda oo si heer sare loo soo agaasimay ayaa waxaa waxqabadkii shantii sano ee ururka ka soo jeediyay Maxamed Khadar oo ah xoghayaha guud ee Ururka, wuxuu sheegay in ururka uu sanadihii la soo dhaafay qabtay waxyaabo badan oo dhinaca horumarinta iyo wacyigelinta dhalinyarada u badnaa, iyadoo sidoo kalena uu qeyb qeyn ka ciyaaray soo bandhigga dhaqanka Soomaaliyeed. Sanadkan ayay dhalinyaradu ku guuleysteen in ay sameeyeen hees uu ururka leeyahay, taasi oo xafladda lagu daah-furay.

 


Guddoomiyaha Degmada Eskilstuna Jimmy Jansson oo hadal ka jeediyay munaasabadda ayaa ammaanay waxqabadka ururka SUN, wuxuuna ku tilmaamay in uu yahay ururka kaliya ee abid loo ogolaaday in uu guriga degmada looga taliyo uu ku xuso maalintii la aas-aasay, ”Waan ku faraxsanahay in aad xuseysaan shan-sano-guuradiina, waxaana idin leeyahay waxaad tahay kuwo  waxqabadkooda muuqdo ee sii wada howsha aad heysaan”ayuu yiri Jimmy Jansson.

 

Wuxuu sheegay in dhalinyarada ku bahoobay ururka SUN ay macno badan u leeyihiin Soomaalida ku nool Sweden, gaar ahaan Eskilstuna, kuwaasi oo qaarkood ay ku adag tahay in ay wax bartaan oo ay la qabsadaan nolosha dalka Sweden, ”Ururkiinana howshaas muhiim ayuu u yahay in uu qabto, wuuna qaban karaa”ayuu yiri Jimmy Jansson oo xusay in xafladdooda ay ka soo qeybgaleen mas’uuliyiin badan oo ka tirsan xisbiyada uu ka kooban yahay golaha baarlamaanka Eskilstuna.

 

Anna Ekermo oo ka socotay Gobolka Södermanland ayaa iyaduna ka hadashay munaasabadda, waxayna xustay in ay si dhow ula socoto waxyaabaha uu qabto ururka SUN, waxayna hoosta ka xariiqday in ay wax badan soo wada qabteen dhalinyarada ururka SUN. ”Waxaan idin kugu hambalyeynayaa sanadguuradiina shanaad, waxaana idiin rajeynayaa in ay sii waddaan howsha aad heysaan ee muhiimka ah”ayay tiri Anna Ekermo. Waxay sheegtay in howsha ay qabtaan gobol ahaan ay xooggeedu tahay is-dhexgalka iyo arrimaha soo galootiga, sidaas darteedna ay soo dhaweynayaan waxyaabaha uu ururka SUN ka qabto arrimahaas.

 


Sidoo kale waxaa ka hadashay Jihaan Maxamed oo ah kalkaaliso ka howlgasha Isbitaalka Mälarsjukhus, isla markaana ka mid ah Soomaalida ku nool Eskilstuna, waxayna sheegtay  Jihaan in qofka uu u baahan yahay in uu waxbarto si uu mustaqbalka horyaalla u hiigsado, waxayna tilmaantay in qofka haddii uusan waxba baran ay nolosha ku adkaaneyso. Sidoo kale waxay u hambalyeysay dhalinyarada Ururka SUN.

 

Maryan Macallin Nuur oo ka mid ah xubnaha firfircoon ee ururka SUN ayaa intii ay munaasabadda socotaya waxaa la guddoonsiiyay shahaaddo sharaf, taasi oo ay ku muteysatay waxqabad ay muujisay. Waxaa xusid mudan in shahaaddo sharafta uu guddoonsiiyay Afhayeenka Baarlamaanka degmada Alf Egnerfors.

 

Ugu dambeyntiina, waxaa lagu soo bandhigaymunaasabadda  riwaayad hal-ku-dhiggeedu yahay ”K” HALA CAAWIYO. ( ”K” waa wiil dhalinyaro ah oo ay ku adkaatay la qabsiga nolosha Sweden, iyadoo riwaayadduna ay ahayd mid ka qoslisay dadkii daawaday). Sidoo kale waxaa lagu daawaday muuqaal ku saabsan dad kala duwan oo afafka caalamka looga hadlo qaarkood ugu hambalyeynayay Ururka.













Salaad Iidow Xasan (Xiis), Hiiraan Online

sxiis@hiiraan.com





Post your comments

2013-03-28 11:54 AM EST
Khamiis, Maarso 28, 2013 (HOL) — Roobab muddo saacado ah socdey isla markaana watey dabeylo aad u xooggan, ayaa 24-kii saac ee lasoo dhaafay ka da’ay galbeedka degmada Buurtinle ee gobolka Nugaal.

2013-03-28 11:08 AM EST
Khamiis, Maarso 28, 2013 (HOL) — Wasiiradda wasaaradda horumarinta iyo adeegga bulshada xukuumadda Soomaaliya, Maryan Qaasim Axmed oo uu wehliyo dajiraha Jamacadda Carabta u fadhiya Soomaaliya iyo madaxda waaxda waxbarashada ee wasaaradda horumarinta adeegga bulshada ayaa maanta dhagax-dhigtay dugsiyada 21-ka Oktoobar iyo dugsiga sare ee Howl-wadaag oo ka mid ah shan dugsi oo ay Jamacadda Carabta ka gacan siinayso dawladda Soomaaliya dib u dhiska Iskuullada.

2013-03-28 10:30 AM EST
Khamiis, Maarso 28, 2013 (HOL) — Waxaa lagu qabtay magaalada Muqdisho Maanta oo Khamiis ah kulan balaaran oo ay iskugu yimaadeen xildhibaanno kasoo jeeda beelaha Digil iyo Mirifle kuwaasoo maamulka loo sameeyay gobolka Bay ku tilmaamay mid kasoo horjeestay dastuurka dalka.

2013-03-28 9:35 AM EST
Khamiis, Maarso 28, 2013 (HOL) — Maxkamadda ciidamada qalabka sida ee dowladda Soomaaliya ayaa maanta xukun dil ah ku ridday, Aadan Sheekh Cabdi Sheekh Xuseen oo la sheegay in lagu helay inuu sannadkii hore ku dilay Muqdisho wariye Xasan Yuusuf Absuge oo ka tirsanaa Idaacada Maanta.

2013-03-28 9:26 AM EST
Khamiis, Maarso 28, 2013 (HOL) — Mas’uuliyiinta maamulka goballka Hiiraan, saraakiisha sar sare ee ciidamad Jabuuti oo uu ka mid yahay abaanduulaha guud ee ciidamada AMISOM Jen Cismaan Subaglle, waxgarad iyo odayaal dhaqmeed ayaa maanta ku soo dhaweeyay garoonka diyaaradaha Ugaas Khaliif ee magaalada Baladweyne diyaarad siday dawo uu ku deeqay madaxweynaha dalka Jabuuti Ismaaciil Cumar Geelle.

2013-03-28 9:05 AM EST
Khamiis, Maarso 28, 2013 (HOL) — Ciidamada AMSIOM ayaa la wareegay saakay saldhiggii ugu weyn ee madaxtooyada Baydhab oo ay ku sugnayeen Ciidamada Itoobiya; iyadoo ciidamada AMISOM ay horay ula wareegeen saldhigii garoonka diyaaradaha ee degmada Baydhabo oo ay ku sugnaan jireen ciidamada Itoobiya.

2013-03-28 8:26 AM EST
Khamiis, Maarso 28, 2013 (HOL) — Howlihii garoonka diyaaradaha Muqdisho ayaa hakad la geliyay maanta, kaddib markii uu soo baxay cabsi ammaan oo laga qaaday gaari ay leedahay shirkadda maamusha garoonka diyaaradaha ee SKA, sida uu sheegay maareeyay duulista hawada ee garoonka. Inj. Cali Maxamuud Ibraahim.

2013-03-28 7:57 AM EST
Khamiis, Maarso 28, 2013 (HOL) — Gudoomiyaha guddiga baadhista Xasuuqii dhacay, Khadar Axmed Like, ayaa ugu baaqay hay’ada Laanqayrta Cas (ICRC) inay ka caawiso siddii dadkii reer Somaliland ee lagu xasuuqay xeebta Jaziira ee magaalada Muqdisho qalfoofkooda dib loogu soo celin lahaa Somaliland, isla markaaana loogu aasi lahaa qaab waafaqsan shareecadda islaamka.

2013-03-28 7:44 AM EST
Khamiis, Maarso 28, 2013 (HOL) — Afhayeenka AMISOM, Col. Cali Aadan Xumad oo maanta shir jaraa’id ku qabtay Xalane ayaa ka hadlay arrimo ay ka mid yihiin halka la geynayo ciidamada ka imaaanaya dalka Sierra Leone, booliiska AMISOM oo ka howlgalaya gobollada dalka qaarkood iyo qorshe ay ku donayaan inay kula wareegaan deegaannada ay baneynayaan ciidamada Itoobiya.

2013-03-28 7:43 AM EST
Khamiis, 28 Maarso, 2013(HOL) :-Wafdigii uu horkacayay ra’isul wasaaraha xukuumadda Federaalka Soomaaliya Mudane Cabdi Faarax Shirdoon (Saacid) ayaa maanta booqasho ku soo maray marsadda caalamiga ah ee magaalada Kismaayo iyo weliba qaar katirsan xerooyinka ay daganyihiin ciidamada xoogga dalka.

2013-03-28 3:25 AM EST
Khamiis, Maarso 28, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) ayaa ugu baaqay shacabka ku nool magaalada Muqdisho inay ka hortagaan kooxaha kasoo horjeeda nabadda.

2013-03-28 3:23 AM EST
Khamiis, Maarso 28, 2013 (HOL) — Laamaha ammaanka ee magaalada Boosaaso ayaa shaaciyey magacyada 3 nin oo la rumeysan yahay in ay qayb ka yihiin dableydii shalay dhaca iyo dilka ka geystey xarunta xawaaladda KAAH ee magaalada Boosaaso.

2013-03-28 3:20 AM EST
Khamiis, Maarso 28, 2013 (HOL) — Xukuumada Soomaaliya ayaa magaalada Marko u dirtay wafdiyo ka socda wasaaradaha arrimaha gudaha iyo difaaca u dirtay degmada Marko ee xarunta gobolka Shabeellada hoose si ay xal uga gaaraan khilaafyo dagaallo sababay oo dhawaanahan ka dhacayay degmadaas.

2013-03-28 2:23 AM EST
Khamiis, Maarso 28, 2013 (HOL) — Madaxweynaha Soomaaliya, Xasan Sheekh maxamuud ayaa soo dhaweeyay warbixintii hay’adda xuquuqda aadanaha ee Human Rights Watch ay soo saartay ee lagu sheegay in xad-gudubyo loo geysto barakacayaasha ku jira xeryaha Muqdisho.

2013-03-28 1:46 AM EST
Khamiis, Maarso 28, 2013 (HOL) — Wasiirka arrimaha gudaha iyo amniga Qaranka, C/kariin Xuseen Guuleed oo ka mid ah wafdiga uu horkacayo ra’iisul wasaaraha Soomaaliya ee ku sugan magaalada Kismaayo ayaa ka warbixiyay kulammo ay la yeesheen mas’uuliyiin ka tirsan maamulka degmada iyo waxgaradka.