2014-11-01
Today from Hiiraan Online:  _
Wararka Maanta- Khamiis, Mar 28, 2013
Guddida Baarista Xasuuqyada oo dawladda Soomaaliya ka dalbaday in dib loo aaso dad lagu laayay Xeebta Jasiira


Khamiis, Maarso 28, 2013 (HOL) — Gudoomiyaha guddiga baadhista Xasuuqii dhacay, Khadar Axmed Like, ayaa ugu baaqay hay’ada Laanqayrta Cas (ICRC) inay ka caawiso siddii dadkii reer Somaliland ee lagu xasuuqay xeebta Jaziira ee magaalada Muqdisho qalfoofkooda dib loogu soo celin lahaa Somaliland, isla markaaana loogu aasi lahaa qaab waafaqsan shareecadda islaamka.

Gudoomiyaha guddigaasi Khadar Axmed Like, ayaa sheegay inay dadkaasi shacab ahaa ee ay xukuumaddii hore ee dawladdii Siyaad Bare xasuuqday ka koobnaayeen 47 qof oo hal mar lagu wada duugay xeebta jasiira sanadkii 1989 kii, kuwaas oo nasiib u helin in loo aaso nidaamka shareecadda islaamku ogoshahay ee dadka dhinta ee muslimka ah loo aaso.

“Sida ummada Soomaaliyeed iyo aduun weynuhuba ka markhaati kacayaan waxa la wada ogyahay dhacdadii xasuuqa ee habeenimo 47 ka nin lagala baxay guryahooda ee lagu xasuuqay kana dhacday xeebta Jaziira ee galbeedka Muqdisho 17/7/ 1989-kii.”ayaa lagu yidhi war-saxaafadeed ka soo baxay guddidaasi oo codsi u gudbinaya Laanqeynta cas ee aduunka si hawshaasi loogu fududeyn lahaa, waxaana intaas lagu daray “ Iyada oo ragan loo xasuuqay, maxaad waqooyi uga dhalateen, isla markaana si xishmad dari ah loo xabaalay, waxa waajib ina saaran ah in aadamiga dhimasho dabadeed loo aaso sida xaqa uu u leeyahay ee uu inoo tilmaamay Suubanaheenii (SCW). Sidaas darteed, waxaanu hay’adihiina iyo cidda aad la kaashan karaysaanba (ICRC) idinka codsanaynaa inaad gacan Bani’aadminimo naga siisaan sidii aad qolfoofkaasi noogu waydiin lahaydeen dawlada Somalia si aanu ugu aasno si shareecada islaamka loo waafajiyo aaskooda”.

Gudoomiyaha guddiga dabagalka xasuuqa Khadar Axmed Like, ayaa sheegay inay sidaasi ay ka dalbanayaan eheladdii dadkan la laayey, waxaanu xusay inay doonaan inay u aastaan sidii diinta islaamku ogoshahay ee uu xaqa u leeyahay qofka maytidda ahi.

Guddidan ayaa ururisa dhacdooyinkii ka dhanka ahaa bani’aadamnimadda ee dawladdii hore Maxamed Siyaad Bare kula kacday shacabkeedda, isla markaana ay dib u aastaa dadkii aan sida wanaagsan loo aasin, waxaanay kala tashadaan culimadda si ay u tilmamaan qaabka ugu haboon ee diiintu ogoshahay ee dadkaasi loo aasi karo.

Barkhad-Ladiif  M. Cumar, Hiiraan Online 
barkhadladiif@hiiraan.com
Hargeysa, Somaliland





Post your comments

2013-03-28 11:54 AM EST
Khamiis, Maarso 28, 2013 (HOL) — Roobab muddo saacado ah socdey isla markaana watey dabeylo aad u xooggan, ayaa 24-kii saac ee lasoo dhaafay ka da’ay galbeedka degmada Buurtinle ee gobolka Nugaal.

2013-03-28 11:26 AM EST
Khamiis, March 28, 2013(HOL): Ururka Somaliska Ungdomsnätverket (SUN) ayaa wuxuu u shalay u dabaal-degay sanadguuradiisii shanaad iyadoo sanadkan uu ururka ku xusay guriga looga arrimo degmada Eskilstuna ee dalka Sweden.

2013-03-28 11:08 AM EST
Khamiis, Maarso 28, 2013 (HOL) — Wasiiradda wasaaradda horumarinta iyo adeegga bulshada xukuumadda Soomaaliya, Maryan Qaasim Axmed oo uu wehliyo dajiraha Jamacadda Carabta u fadhiya Soomaaliya iyo madaxda waaxda waxbarashada ee wasaaradda horumarinta adeegga bulshada ayaa maanta dhagax-dhigtay dugsiyada 21-ka Oktoobar iyo dugsiga sare ee Howl-wadaag oo ka mid ah shan dugsi oo ay Jamacadda Carabta ka gacan siinayso dawladda Soomaaliya dib u dhiska Iskuullada.

2013-03-28 10:30 AM EST
Khamiis, Maarso 28, 2013 (HOL) — Waxaa lagu qabtay magaalada Muqdisho Maanta oo Khamiis ah kulan balaaran oo ay iskugu yimaadeen xildhibaanno kasoo jeeda beelaha Digil iyo Mirifle kuwaasoo maamulka loo sameeyay gobolka Bay ku tilmaamay mid kasoo horjeestay dastuurka dalka.

2013-03-28 9:35 AM EST
Khamiis, Maarso 28, 2013 (HOL) — Maxkamadda ciidamada qalabka sida ee dowladda Soomaaliya ayaa maanta xukun dil ah ku ridday, Aadan Sheekh Cabdi Sheekh Xuseen oo la sheegay in lagu helay inuu sannadkii hore ku dilay Muqdisho wariye Xasan Yuusuf Absuge oo ka tirsanaa Idaacada Maanta.

2013-03-28 9:26 AM EST
Khamiis, Maarso 28, 2013 (HOL) — Mas’uuliyiinta maamulka goballka Hiiraan, saraakiisha sar sare ee ciidamad Jabuuti oo uu ka mid yahay abaanduulaha guud ee ciidamada AMISOM Jen Cismaan Subaglle, waxgarad iyo odayaal dhaqmeed ayaa maanta ku soo dhaweeyay garoonka diyaaradaha Ugaas Khaliif ee magaalada Baladweyne diyaarad siday dawo uu ku deeqay madaxweynaha dalka Jabuuti Ismaaciil Cumar Geelle.

2013-03-28 9:05 AM EST
Khamiis, Maarso 28, 2013 (HOL) — Ciidamada AMSIOM ayaa la wareegay saakay saldhiggii ugu weyn ee madaxtooyada Baydhab oo ay ku sugnayeen Ciidamada Itoobiya; iyadoo ciidamada AMISOM ay horay ula wareegeen saldhigii garoonka diyaaradaha ee degmada Baydhabo oo ay ku sugnaan jireen ciidamada Itoobiya.

2013-03-28 8:26 AM EST
Khamiis, Maarso 28, 2013 (HOL) — Howlihii garoonka diyaaradaha Muqdisho ayaa hakad la geliyay maanta, kaddib markii uu soo baxay cabsi ammaan oo laga qaaday gaari ay leedahay shirkadda maamusha garoonka diyaaradaha ee SKA, sida uu sheegay maareeyay duulista hawada ee garoonka. Inj. Cali Maxamuud Ibraahim.

2013-03-28 7:44 AM EST
Khamiis, Maarso 28, 2013 (HOL) — Afhayeenka AMISOM, Col. Cali Aadan Xumad oo maanta shir jaraa’id ku qabtay Xalane ayaa ka hadlay arrimo ay ka mid yihiin halka la geynayo ciidamada ka imaaanaya dalka Sierra Leone, booliiska AMISOM oo ka howlgalaya gobollada dalka qaarkood iyo qorshe ay ku donayaan inay kula wareegaan deegaannada ay baneynayaan ciidamada Itoobiya.

2013-03-28 7:43 AM EST
Khamiis, 28 Maarso, 2013(HOL) :-Wafdigii uu horkacayay ra’isul wasaaraha xukuumadda Federaalka Soomaaliya Mudane Cabdi Faarax Shirdoon (Saacid) ayaa maanta booqasho ku soo maray marsadda caalamiga ah ee magaalada Kismaayo iyo weliba qaar katirsan xerooyinka ay daganyihiin ciidamada xoogga dalka.

2013-03-28 3:25 AM EST
Khamiis, Maarso 28, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) ayaa ugu baaqay shacabka ku nool magaalada Muqdisho inay ka hortagaan kooxaha kasoo horjeeda nabadda.

2013-03-28 3:23 AM EST
Khamiis, Maarso 28, 2013 (HOL) — Laamaha ammaanka ee magaalada Boosaaso ayaa shaaciyey magacyada 3 nin oo la rumeysan yahay in ay qayb ka yihiin dableydii shalay dhaca iyo dilka ka geystey xarunta xawaaladda KAAH ee magaalada Boosaaso.

2013-03-28 3:20 AM EST
Khamiis, Maarso 28, 2013 (HOL) — Xukuumada Soomaaliya ayaa magaalada Marko u dirtay wafdiyo ka socda wasaaradaha arrimaha gudaha iyo difaaca u dirtay degmada Marko ee xarunta gobolka Shabeellada hoose si ay xal uga gaaraan khilaafyo dagaallo sababay oo dhawaanahan ka dhacayay degmadaas.

2013-03-28 2:23 AM EST
Khamiis, Maarso 28, 2013 (HOL) — Madaxweynaha Soomaaliya, Xasan Sheekh maxamuud ayaa soo dhaweeyay warbixintii hay’adda xuquuqda aadanaha ee Human Rights Watch ay soo saartay ee lagu sheegay in xad-gudubyo loo geysto barakacayaasha ku jira xeryaha Muqdisho.

2013-03-28 1:46 AM EST
Khamiis, Maarso 28, 2013 (HOL) — Wasiirka arrimaha gudaha iyo amniga Qaranka, C/kariin Xuseen Guuleed oo ka mid ah wafdiga uu horkacayo ra’iisul wasaaraha Soomaaliya ee ku sugan magaalada Kismaayo ayaa ka warbixiyay kulammo ay la yeesheen mas’uuliyiin ka tirsan maamulka degmada iyo waxgaradka.