3/28/2024
Today from Hiiraan Online:  _
Wararka Maanta- Khamiis, Mar 28, 2013
Madaxweynaha Dowladda Somalia oo soo dhaweeyay warbixintii ay Hay’adda Human Rights Watch kasoo saartay Soomaaliya


Khamiis, Maarso 28, 2013 (HOL) — Madaxweynaha Soomaaliya, Xasan Sheekh maxamuud ayaa soo dhaweeyay warbixintii hay’adda xuquuqda aadanaha ee Human Rights Watch ay soo saartay ee lagu sheegay in xad-gudubyo loo geysto barakacayaasha ku jira xeryaha Muqdisho.

Hay’adda HRW ayaa waxay warbixinteeda ku sheegtay in ciidammo ka tirsan kuwa dowladda, kooxo hubeysan iyo horjoogayaasha kaamamka ay dhibaato isugu jira kufsi iyo dhac u geystaan barkacayaasha ku jira xeryahaas oo uga soo baracakay deegaannadooda colaado iyo abaaro.

“Aniga iyo xukuumadda federaalka Soomaaliya waxay si isku mid ah u soo dhaweynayaan warbixintii HRW oo ahayd mid dhameystiran, kaasoo ku saabsanaa dhibaatooyinka soo wajahay barakacayaasha ku jira xeryaha Muqdisho sannadihii 2011/2012. Wararka ay goobjoogayaashu bixiyeenna waa kuwo xanuun badan oo aan la aqbali karin in dadka Soomaaliyeed lagu sameeyo,” ayuu madaxweyne Xasan Sheekh ku yiri warsaxaafadeed uu soo saaray.

Madaxweynuhu wuxuu sheegay inuu billaabayo hadda sidii lagu xaqiijin lahaa warbixinta, isagoo xusay in go’aankiisu in ciqaab la mariyo qofkii lagu helo inuu dhibaatooyin ka baxsan bani’aadamnimada kula qaxo barakacayaasha ku jira xeryaha qoxootiga.

“Qodobbada ugu waaweyn howsha dowladda waxaa ka mid ah in dadku ay helaan nabadgalyo. Haddana waxaa socda qorshe aan dib ugu habeynayno hay’adaha amaanka dalka. Isbedelka lagu sameynayo ammaankana waa mid socda; tababarka ciidamada waa la dajeiyay waana la fulinayaa; in la baro ciidamada asluubta iyo shaqadana waa mid socota. Waxaan go’aan ku gaarnay inaan dib u dhis ku sameyno ciidammada xoogga si shacabku ay u helaan ammaan iyo kalsooni,” ayuu yiri madaxweyne Xasan Sheekh.

Sidoo kale, madaxweynuhu wuxuu sheegay in guddiga gaarka ah ee u sameysay xukuumaddu inay baaritaanno ku sameeyaan xuquuqda aadanaha oo la dhisay horraantii Feberaayo ay wadaan howlo ay ku baarayaan dambiyda la sheegay inay ka dhacaan xeryaha barkacayaasha Muqdisho oo uu ka mid yahay kufsiga haweenka. Isagoo sheegay inay ku kalsoon yihiin in baaritaannadaas ay sababi karaan inay yaraadaan xadgudubyada noocan oo kale ah.

“Waxaan ugu yeeraynaa dhammaan dalalka na taageera iyo kuwa aan la leennahay isbahaysiga inay naga caawiyaan sidii loo horumarin lahaa awooddeenna si aan uga hortagno dhibaatooyinka noocan ah,” ayuu yiri madaxweyne Xasan Sheekh.

Hadalka madaxweynaha ayaa wuxuu imaanayaa iyadoo dad warbixinno ay ka ururisay HRW ay u sheegeen inay kufsadeen rag hubeysan oo qaarkood ay ka mid yihiin ciidamada dowladda, iyadoo hay’addu ay dowladda ka dalbatay inay ka hortagto falalkaas foosha xun.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/28/2013 11:54 AM EST
Khamiis, Maarso 28, 2013 (HOL) — Roobab muddo saacado ah socdey isla markaana watey dabeylo aad u xooggan, ayaa 24-kii saac ee lasoo dhaafay ka da’ay galbeedka degmada Buurtinle ee gobolka Nugaal.

3/28/2013 11:26 AM EST
Khamiis, March 28, 2013(HOL): Ururka Somaliska Ungdomsnätverket (SUN) ayaa wuxuu u shalay u dabaal-degay sanadguuradiisii shanaad iyadoo sanadkan uu ururka ku xusay guriga looga arrimo degmada Eskilstuna ee dalka Sweden.

3/28/2013 11:08 AM EST
Khamiis, Maarso 28, 2013 (HOL) — Wasiiradda wasaaradda horumarinta iyo adeegga bulshada xukuumadda Soomaaliya, Maryan Qaasim Axmed oo uu wehliyo dajiraha Jamacadda Carabta u fadhiya Soomaaliya iyo madaxda waaxda waxbarashada ee wasaaradda horumarinta adeegga bulshada ayaa maanta dhagax-dhigtay dugsiyada 21-ka Oktoobar iyo dugsiga sare ee Howl-wadaag oo ka mid ah shan dugsi oo ay Jamacadda Carabta ka gacan siinayso dawladda Soomaaliya dib u dhiska Iskuullada.

3/28/2013 10:30 AM EST
Khamiis, Maarso 28, 2013 (HOL) — Waxaa lagu qabtay magaalada Muqdisho Maanta oo Khamiis ah kulan balaaran oo ay iskugu yimaadeen xildhibaanno kasoo jeeda beelaha Digil iyo Mirifle kuwaasoo maamulka loo sameeyay gobolka Bay ku tilmaamay mid kasoo horjeestay dastuurka dalka.

3/28/2013 9:35 AM EST
Khamiis, Maarso 28, 2013 (HOL) — Maxkamadda ciidamada qalabka sida ee dowladda Soomaaliya ayaa maanta xukun dil ah ku ridday, Aadan Sheekh Cabdi Sheekh Xuseen oo la sheegay in lagu helay inuu sannadkii hore ku dilay Muqdisho wariye Xasan Yuusuf Absuge oo ka tirsanaa Idaacada Maanta.

3/28/2013 9:26 AM EST
Khamiis, Maarso 28, 2013 (HOL) — Mas’uuliyiinta maamulka goballka Hiiraan, saraakiisha sar sare ee ciidamad Jabuuti oo uu ka mid yahay abaanduulaha guud ee ciidamada AMISOM Jen Cismaan Subaglle, waxgarad iyo odayaal dhaqmeed ayaa maanta ku soo dhaweeyay garoonka diyaaradaha Ugaas Khaliif ee magaalada Baladweyne diyaarad siday dawo uu ku deeqay madaxweynaha dalka Jabuuti Ismaaciil Cumar Geelle.

3/28/2013 9:05 AM EST
Khamiis, Maarso 28, 2013 (HOL) — Ciidamada AMSIOM ayaa la wareegay saakay saldhiggii ugu weyn ee madaxtooyada Baydhab oo ay ku sugnayeen Ciidamada Itoobiya; iyadoo ciidamada AMISOM ay horay ula wareegeen saldhigii garoonka diyaaradaha ee degmada Baydhabo oo ay ku sugnaan jireen ciidamada Itoobiya.

3/28/2013 8:26 AM EST
Khamiis, Maarso 28, 2013 (HOL) — Howlihii garoonka diyaaradaha Muqdisho ayaa hakad la geliyay maanta, kaddib markii uu soo baxay cabsi ammaan oo laga qaaday gaari ay leedahay shirkadda maamusha garoonka diyaaradaha ee SKA, sida uu sheegay maareeyay duulista hawada ee garoonka. Inj. Cali Maxamuud Ibraahim.

3/28/2013 7:57 AM EST
Khamiis, Maarso 28, 2013 (HOL) — Gudoomiyaha guddiga baadhista Xasuuqii dhacay, Khadar Axmed Like, ayaa ugu baaqay hay’ada Laanqayrta Cas (ICRC) inay ka caawiso siddii dadkii reer Somaliland ee lagu xasuuqay xeebta Jaziira ee magaalada Muqdisho qalfoofkooda dib loogu soo celin lahaa Somaliland, isla markaaana loogu aasi lahaa qaab waafaqsan shareecadda islaamka.

3/28/2013 7:44 AM EST
Khamiis, Maarso 28, 2013 (HOL) — Afhayeenka AMISOM, Col. Cali Aadan Xumad oo maanta shir jaraa’id ku qabtay Xalane ayaa ka hadlay arrimo ay ka mid yihiin halka la geynayo ciidamada ka imaaanaya dalka Sierra Leone, booliiska AMISOM oo ka howlgalaya gobollada dalka qaarkood iyo qorshe ay ku donayaan inay kula wareegaan deegaannada ay baneynayaan ciidamada Itoobiya.

3/28/2013 7:43 AM EST
Khamiis, 28 Maarso, 2013(HOL) :-Wafdigii uu horkacayay ra’isul wasaaraha xukuumadda Federaalka Soomaaliya Mudane Cabdi Faarax Shirdoon (Saacid) ayaa maanta booqasho ku soo maray marsadda caalamiga ah ee magaalada Kismaayo iyo weliba qaar katirsan xerooyinka ay daganyihiin ciidamada xoogga dalka.

3/28/2013 3:25 AM EST
Khamiis, Maarso 28, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) ayaa ugu baaqay shacabka ku nool magaalada Muqdisho inay ka hortagaan kooxaha kasoo horjeeda nabadda.

3/28/2013 3:23 AM EST
Khamiis, Maarso 28, 2013 (HOL) — Laamaha ammaanka ee magaalada Boosaaso ayaa shaaciyey magacyada 3 nin oo la rumeysan yahay in ay qayb ka yihiin dableydii shalay dhaca iyo dilka ka geystey xarunta xawaaladda KAAH ee magaalada Boosaaso.

3/28/2013 3:20 AM EST
Khamiis, Maarso 28, 2013 (HOL) — Xukuumada Soomaaliya ayaa magaalada Marko u dirtay wafdiyo ka socda wasaaradaha arrimaha gudaha iyo difaaca u dirtay degmada Marko ee xarunta gobolka Shabeellada hoose si ay xal uga gaaraan khilaafyo dagaallo sababay oo dhawaanahan ka dhacayay degmadaas.

3/28/2013 1:46 AM EST
Khamiis, Maarso 28, 2013 (HOL) — Wasiirka arrimaha gudaha iyo amniga Qaranka, C/kariin Xuseen Guuleed oo ka mid ah wafdiga uu horkacayo ra’iisul wasaaraha Soomaaliya ee ku sugan magaalada Kismaayo ayaa ka warbixiyay kulammo ay la yeesheen mas’uuliyiin ka tirsan maamulka degmada iyo waxgaradka.