2014-10-25
Today from Hiiraan Online:  _
Wararka Maanta- Arbaco, Mar 27, 2013
Madaxweynaha Somaliland oo Safar ugu Maqnaa Dalka Imaaraadka Carabta oo dib ugu soo laabtay Magaalada Hargeysa


Arbaco, Maarso 27, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo) iyo weftigii uu Hoggaaminayay, ayaa galabta dalka dib ugu soo laabtay ka dib markii uu soo dhamaystay safar shaqo oo shan maalmood qaatay oo uu ku tagay dalka Imaaraadka carabta.

Madaxweynaha Somaliland iyo weftigiisa, ayaa galabta ka soo degay madaarka Berbera, halkaasi oo uu ku soo dhaweeyay Wasiirro, madaxda gobolka iyo degmada Saaxil iyo dadweyne tiro badan.

Madaxweynaha Somaliland Mudane Axmed Maxamed Maxamuud (Siilaanyo), ayaa ka warbxiyey waxyaalihii ay ka wada hadleen dawladda Imaaraadka Carabta, waxaanu sheegay inay safarkaasi uu ku soo dhamaaday guul, isla markaana ay ka wada hadleen sidii loo xoojin lahaa xidhiidhka labadda dhinac, isla markaana ay maalgashadaan Somaliland.

Madaxweyne Axmed Siilaanyo waxa uu sheegay inay dawladda Imaaraadka carabta u bandhigeen inay wax kala qabtaan mashaariic kala duwan oo la xidhiidha xaga horumarka sida waxbarashada, caafimaadka, dhaqaalaha, wadooyinka iyo adeegyadda kale daruuriga ah.

Sidoo kale, waxa uu Madaxweynuhu si weyn ugu mahad celiyay dawlada Imaaraadka oo uu xusay inay si milgo leh u qaabileen weftigiisii.

Madaxweynuhu intii uu halkaasi joogay waxa uu la kulmay madax ay ka mid yihiin Wasiirka Madaxtooyadda ee Imaaraadka carabta, Wasiir Ku xigeenka wasaarada Arrimaha dibada Imaaraadka carabta iyo dhaxal suga imaaraadka.

Safarkan madxweynaha waxa ku wehelinayey wasiirka Arrimaha dibadda, Wasiirrada Madaxtooyadda, Wasiir Beeraha, Guddoomiyaha xisbiga KULMIYE, Guddoomiye Ku xigeenka koowaad ee Wakiiladda, Wasiir Ku xigeenka warfaafinta, Wasiir Ku Xigeenka Caafimaadka, Afhayeenka Madaxtooyadda iyo marwada koowaad ee Somaliland.

Barkhad-Ladiif M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-03-27 1:09 PM EST
Arbaco, Maarso 27, 2013 (HOL) — Kaddib muddo dib u dhac ah ayaa lagu wadaa in ciidammo ka socda dalka Sierra Leone ay ka mid noqdaan howgalka ciidamada Midowga Afrika ee AMISOM, kuwaasoo ku sugan qaybo ka mid ah dalka Soomaaliya.

2013-03-27 12:20 PM EST
Arbaco, Maarso 27, 2013 (HOL) — Hay’adda caalamiga ah ee shaqada (ILO) iyo hay'adda horumarinta haweenka Soomaaliyeed ee IIDA ayaa maanta ku qabatay Muqdisho dabaal-deg loo sameeyay bisha ganacsiga haweenka Soomaaliyeed, Women Entrepreneur (MOWE). Waxaana halkaas lagu soo bandhigay ganacsiyo yaryar iyo kuwo dhexe oo ay haweenku ka shaqeystaan oo soo jiirtay dadkii kasoo goobtaas ku sugnaa.

2013-03-27 10:50 AM EST
Arbaco, 27 Maarso, 2013(HOL) :- Maamulka KMG ee magaalada Kismaayo ayaa ka warbixiyay xaaladda ammaan ee magaalada Kismaayo iyo weliba shirar ay mudooyinkii u danbeeyay gudaha magaalada kismaayo ku qaadanayeen wafdi ka socday dowladda Soomaaliya oo uu horkacayo ra'isul wasaaraha Soomaaliya iyo masuuliyiinta maamulka KMG ee kismaayo.

2013-03-27 10:03 AM EST
Arbaco, Maarso 27, 2013 (HOL) — Afhayeenka Al-Shabaab, Sheekh Cali Maxamuud Raage (Cali Dheere) ayaa ka warbixiyay xaaladda dalka iyo dagaallada ay kula jiraan dowladda iyo caawinaya iyo la wareegistii degmada Xudur ee xarunta gobolka Bakool.

2013-03-27 9:41 AM EST
Arbaco, Maarso 27, 2013 (HOL) — Kooxo hubeysan oo ka kooban shan qof ayaa dhac u geystay baqonimadii maanta xarunta shirkadda xawaaladda Kaah ay ku leedahay magaalada Boosaaso ee xarunta gobolka Bari, iyadoo lagu dilay halkaas maamulkii xaruntaas iyo mid ka mid ah waardiyeyaasha.

2013-03-27 9:28 AM EST
Arbaco, Maarso 27, 2013 (HOL) — illaa laabtan xidhibaan oo ka tirsan baarlamaanka Soomaaliya ayaa maanta gaaray degmada Jowhar ee xarunta gobolka Shabeellada dhexe, iyagoo kulammo la qaatay maamulka gobolka iyo kan degmada.

2013-03-27 9:10 AM EST
Arbaco, Maarso 27, 2013 (HOL) — Maxamadda rafcaanka Ciidamadda Militariga, ayaa dib u eegis ku samaynaysa go’aankii maxkamadda hore ugu xukuntay 17 qof oo sanadkii hore soo weerartay xero ciidanka militarig ku leeyihiin bariga magaaladda Hargeysa.

2013-03-27 3:16 AM EST
Arbaco, Maarso 27, 2013 (HOL) —Al-shabaab iyo Raaskabooni ayaa guulo kala kala sheegtay dagaal shalay ka dhacay degmada Afmdow ee gobolka Jubbada Hoose oo ay Al-shabaab gudaha ugu gashay degmadaas kuna sugnayd muddo kooban.

2013-03-27 2:50 AM EST
Arbaco, Maarso 27, 2013 (HOL) — Warbixin ay soo saartay Hay’adda xaquuqda aadanaha ee Human Rights Watch ayaa sheegtay in ciidamda dowladda iyo dabley hubeysan ay kufsi u geystaan haweenka ku jira xeryaha barakacayaasha ee ku yaalla Muqdisho, iyadoo dowladda ka dalbaday inay ka shaqeyso sidii ammaanka barakacyaasha loo xaqiijin lahaa.

2013-03-27 2:15 AM EST
Arbaco, Maarso 27, 2013 (HOL) — Wasiirka arrimaha dibadda ee Somaliland Maxamed Cabdullaahi Cumar oo ka jawaabayay warar ku saabsa inay Dubai ku kulmi doonaan madaxweynaha Soomaaliya, Xasan Sheekh Maxamuud iyo madaxweynaha Somaliland, Axmed Maxamed Maxamuud (Siilaanyo) ayaa sheegay inuusan jirin kulan dhexmari doona labada madaxweyne.