2014-11-27
Today from Hiiraan Online:  _
Wararka Maanta- Arbaco, Mar 27, 2013
Ciidammo ka socda Sierra Leone oo Toddobaadka soo socda ka mid noqonaya Howgalka Midowga Afrika ee AMSIOM



Arbaco, Maarso 27, 2013 (HOL) — Kaddib muddo dib u dhac ah ayaa lagu wadaa in ciidammo ka socda dalka Sierra Leone ay ka mid noqdaan howgalka ciidamada Midowga Afrika ee AMISOM, kuwaasoo ku sugan qaybo ka mid ah dalka Soomaaliya.

Madaxweynaha Sierra Leone, Ernest Bai Koroma ayaa sheegay inay aad ugu faraxsan tahay inay qayb ka qaataan howgalka taariikhiga ah ee dalka ku yaalla Geeska Afrika lagu xasilinayo.

Dowladda Sierra Leone ayaa waxay ballanqaaday bishii Diseember ee 2010 inay Soomaaliya u dirayso 850 askari oo qayb ka noqda howgalka AMISOM ee ay Qaramada Midoobay taageerto, kuwaasoo dagaal kula jira Al-shabaab.

Balse sannadkii lasoo dhaafay ayay ururka Midowga Afrika la saxiixdeen heshiis is-faham ah oo ay ciidammo ugu soo dirayaan Soomaaliya. Kaasoo uu ka mid yahay inay tababarro siiyaan ciidamada dowladda Soomaaliya.

“Maanta, kaddib 12 bilood oo diyaarin iyo tababarid ah, Sierra Leone waxay u diraysaa Soomaaliya hal cutub oo ciidamadeeda milateriga ka mid ah si ay uga qaybqaataan howgalka AMISOM,” ayuu yiri madaxweyne Koroma.

Isagoo hadalkiisa sii wata ayuu yiri: “Waxaan dalalka Mareykanka iyo Ingiriiska uga mahadcelinaynaa taageerada ay ciidamadeenna siiyeen si sidan loogu diyaariyo, ciidamadeenuna hadda waa kuwo diyaar ah.”

Ciidamadan ayaa waxaa lagu wadaa in Soomaaliya loosoo qaado Talaadada soo socota. Iyadoo tababarkan ciidamadan uu soo billowday sannadkii 2011, iyadoo qalabka ay ku howgalayaan ay siisay dowladda Mareykanka.

“Dalkeennu wuxuu ku tallaabsaday inuu qayb ka noqdo howgallada nabadda ee caalamka. Guushan waa mid aan innagu sameynay. Ciidamadeennu waa kuwo leh xirfad weyn oo ay ku gudan karaan waajibaadkooda. Tanina waa mid noo horseedaysa magac iyo sharaf,” ayuu yiri madaxweynaha Sierra Leone.

Howgalka Midowga Afrika oo soo billowday sannadkii 2007 ayaa waxaa ku soo darsamayay sannad walba dowlad cusub oo ciidammo keenaysay, iyadoo ciidamada hadda jooga oo tiradoodu ka badan tahay 17,000 oo askari ayaa waxay ka socdaan dalalka, Uganda, Burundi, Kenya iyo Jabuuti, iyadoo Sierra Leone ay noqonayso dowladdii shanaad oo ciidammo u soo dirta Soomaaliya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-27 1:23 PM EST
Arbaco, Maarso 27, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo) iyo weftigii uu Hoggaaminayay, ayaa galabta dalka dib ugu soo laabtay ka dib markii uu soo dhamaystay safar shaqo oo shan maalmood qaatay oo uu ku tagay dalka Imaaraadka carabta.

2013-03-27 12:20 PM EST
Arbaco, Maarso 27, 2013 (HOL) — Hay’adda caalamiga ah ee shaqada (ILO) iyo hay'adda horumarinta haweenka Soomaaliyeed ee IIDA ayaa maanta ku qabatay Muqdisho dabaal-deg loo sameeyay bisha ganacsiga haweenka Soomaaliyeed, Women Entrepreneur (MOWE). Waxaana halkaas lagu soo bandhigay ganacsiyo yaryar iyo kuwo dhexe oo ay haweenku ka shaqeystaan oo soo jiirtay dadkii kasoo goobtaas ku sugnaa.

2013-03-27 10:50 AM EST
Arbaco, 27 Maarso, 2013(HOL) :- Maamulka KMG ee magaalada Kismaayo ayaa ka warbixiyay xaaladda ammaan ee magaalada Kismaayo iyo weliba shirar ay mudooyinkii u danbeeyay gudaha magaalada kismaayo ku qaadanayeen wafdi ka socday dowladda Soomaaliya oo uu horkacayo ra'isul wasaaraha Soomaaliya iyo masuuliyiinta maamulka KMG ee kismaayo.

2013-03-27 10:03 AM EST
Arbaco, Maarso 27, 2013 (HOL) — Afhayeenka Al-Shabaab, Sheekh Cali Maxamuud Raage (Cali Dheere) ayaa ka warbixiyay xaaladda dalka iyo dagaallada ay kula jiraan dowladda iyo caawinaya iyo la wareegistii degmada Xudur ee xarunta gobolka Bakool.

2013-03-27 9:41 AM EST
Arbaco, Maarso 27, 2013 (HOL) — Kooxo hubeysan oo ka kooban shan qof ayaa dhac u geystay baqonimadii maanta xarunta shirkadda xawaaladda Kaah ay ku leedahay magaalada Boosaaso ee xarunta gobolka Bari, iyadoo lagu dilay halkaas maamulkii xaruntaas iyo mid ka mid ah waardiyeyaasha.

2013-03-27 9:28 AM EST
Arbaco, Maarso 27, 2013 (HOL) — illaa laabtan xidhibaan oo ka tirsan baarlamaanka Soomaaliya ayaa maanta gaaray degmada Jowhar ee xarunta gobolka Shabeellada dhexe, iyagoo kulammo la qaatay maamulka gobolka iyo kan degmada.

2013-03-27 9:10 AM EST
Arbaco, Maarso 27, 2013 (HOL) — Maxamadda rafcaanka Ciidamadda Militariga, ayaa dib u eegis ku samaynaysa go’aankii maxkamadda hore ugu xukuntay 17 qof oo sanadkii hore soo weerartay xero ciidanka militarig ku leeyihiin bariga magaaladda Hargeysa.

2013-03-27 3:16 AM EST
Arbaco, Maarso 27, 2013 (HOL) —Al-shabaab iyo Raaskabooni ayaa guulo kala kala sheegtay dagaal shalay ka dhacay degmada Afmdow ee gobolka Jubbada Hoose oo ay Al-shabaab gudaha ugu gashay degmadaas kuna sugnayd muddo kooban.

2013-03-27 2:50 AM EST
Arbaco, Maarso 27, 2013 (HOL) — Warbixin ay soo saartay Hay’adda xaquuqda aadanaha ee Human Rights Watch ayaa sheegtay in ciidamda dowladda iyo dabley hubeysan ay kufsi u geystaan haweenka ku jira xeryaha barakacayaasha ee ku yaalla Muqdisho, iyadoo dowladda ka dalbaday inay ka shaqeyso sidii ammaanka barakacyaasha loo xaqiijin lahaa.

2013-03-27 2:15 AM EST
Arbaco, Maarso 27, 2013 (HOL) — Wasiirka arrimaha dibadda ee Somaliland Maxamed Cabdullaahi Cumar oo ka jawaabayay warar ku saabsa inay Dubai ku kulmi doonaan madaxweynaha Soomaaliya, Xasan Sheekh Maxamuud iyo madaxweynaha Somaliland, Axmed Maxamed Maxamuud (Siilaanyo) ayaa sheegay inuusan jirin kulan dhexmari doona labada madaxweyne.