2014-11-27
Today from Hiiraan Online:  _
Wararka Maanta- Talaado, Mar 26, 2013
Wafdi uu Hoggaaminayo Ra’isul Wasaaraha Soomaaliya oo si weyn loogu soo dhaweeyay Magaalada Kismaayo [SAWIRRO]




Talaado, 26 Maarso, 2013(HOL) :- Waxaa maanta magaalada Kismaayo soo gaaray wafdi uu horkacayay ra’isul wasaaraha dowladda federaalka Soomaaliya Mudane Cabdi Faarax Shirdoon (Saacid), iyadoona ra'isul wasaaruhu ay safarkiisa ku wehlinayeen masuuliyiin uu kamid yahay wasiirka warfaafinta Mudane C/laahi Ciilmooge Xirsi.

Wafdiga ayaa markii uu soo gaaray garoonka diyaaradaha Kismaayo waxaa halkaasi si diiran ugu soo dhaweeyay masuuliyiinta maamulka KMG Kismaayo iyo dadweeyne aad u fara badan oo isugu jiray qeybaha kala duwan ee bulshada.

Garoonka ayaa lagu soo bandhigay ciyaaraha ay caanka ku yihiin gobollada Jubooyinka iyo Gedo, waxaana sidoo kale dadkii halkaasi ku sugnaa ay ku labisnaayeen dhar ka sameysan calanka iyo weliba labiska hidaha iyo dhaqanka Soomaaliyeed.

Ra’isul wasaare Saacid ayaa gudaha garoonka salaam sharaf uga gudoomay cutubyo katirsan ciidamada xoogga dalka, waxaana intaasi kadib loo soo gelbiyay gudaha magaalada, iyadoona ay la socdeen ciidamo aad u fara badan oo ka tirsan kuwa dowladda iyo AMISOM.

Wafdiga oo ay wehlinayeen masuuliyiinta ugu sareeysa maamulka KMG ee Kismaayo ayaa lagu dajiyay Hotel Tawakal oo ay hore ugu sii sugnaayeen xubno katirsan golaha wasiirada oo dhawaan soo gaaray magaalada,

Intaas kadib ayaa kulan ay dibad joog ka ahayd saxaafadda waxa halkaasi ku qaatay wafdigii ka socday dowladda iyo masuuliyiinta maamulka KMG, waxaana ilaa imika la garanayn waxa ay uga hadleen kulankooda.

Gabagabadii kulankooda ayaa waxa saxaafadda la hadlay gudoomiyaha maamulka KMG ee Kismaayo Sheekh Axmed Max’ed Islaam (Axmed Madoobe) oo isagu sheegay in uu aad ugu faraxsanyahay in ay maanta magaalada Kismaayo uu markii ugu horeeysay soo gaaro ra’isul wasaaraha dalka, wuxuuna sheegay in ay si diiran usoo dhaweynayaan islamarkaasina ay ka dhageysan doonaan waxyaalaha ay ula yimaadeen.

Ra’isul wasaare Saacid oo isna goobta ka hadlay ayaa sheegay in aad ugu riyaaqay sida weyn ee ay usoo dhaweeyeen shacabka reer Kismaayo, isagoona uga mahadceliyay soo dhaweyntooda, wuxuuna sheegay in xukuumadiisu ay ka shaqeyn doonto rabitaanka shacabka ku dhaqan Jubooyinka iyo Gedo.

Sawirrada Ra’isul wasaaraha ayaa lagu xardhay hareeraha Wadooyinka, iyadoona xilligii uu wafdigu imanayay hareeraha wadooyinka lagu arkayay dadweeyne fara badan oo sitay calanka Jamhuuriyadda Soomaaliya islamarkaasina ku dhawaaqayay hal ku dhigyo ay ku soo dhaweynayeen Ra’isul wasaaraha.

Waa markii ugu horeeysay oo ra’isul wasaare Saacid uu safar ku yimaado magaalada Kismaayo tan iyo intii loo magacaabay xilka ra’isul wasaarenimo ee dalka Soomaaliya, waxaana la filayaa in wafdiga ra’isul wasaaraha mudada uu jooga uu maamulka KMG Kismaayo kala hadlo arimo ay ugu muhiimsanyihiin arinta dhismaha maamulka Jubbaland.

 











Xasan Nuur, Hiiraan Online
Hnur@hotmail.com
Kismaayo-Soomaaliya





Post your comments

2013-03-26 2:35 PM EST
Talaado, Maarso 26, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii uu hoggaaminayay ayaa maanta ka qeyb-galay furitaanka shirka ururka Jaamacadda Carabta oo ka furmay magaalada Doxa ee dalka Qatar.

2013-03-26 2:16 PM EST
Talaado, Maarso 26, 2013 (HOL) — Munaasabad looga hadlay imtixaanaadka shahaadiga ah ee dugsiyada sare iyo kuwa dhexe ee maamulka Khaatumo ayaa lagu qabatay magaalada Buuhoodle ee gogolka Cayn, iyadoo halkaas laga sheegay inaanay dhici doonin imtixaanno maamullo kale wadaan in laga qaado ardayda qalin-jebinta u diyaarsan.

2013-03-26 1:28 PM EST
Talaado, Maarso 26, 2013 (HOL) — Hay’adda sirdoonka dalka Itoobiya ayaa Isniintii shalay sheegtay inay xirtay sideed xubnood oo ka tirsan Xarakada Al-shabaab ee ka dagaalanta Soomaaliya, kuwaasoo doonayay inay afduubaan shaqaale ka tirsan hay’adaha Qaramada Midoobay.

2013-03-26 12:59 PM EST
Talaado, Maarso 26, 2013 (HOL) — Ugu yaraan sagaal qof ayaa ku dhintay in ka badan labaatameeyo kalena way ku dhaawacmeen kaddib roobab xoog leh oo ka da’ay dalka jamhuuriyadda Jabuuti, halkaasoo ay sannadihii lasoo dhaafay ka di’in wax roobab ah.

2013-03-26 12:22 PM EST
Talaado, Maarso 26, 2013 (HOL) — Wafdi ballaaran oo uu horkacayey ergeyga dowladda Maraykanka u qaabilsan arimaha Soomaaliya James Swan, ayaa maanta soo gaarey magaalada Garoowe ee xarunta maamulka Putland.

2013-03-26 9:41 AM EST
Talaado, Maarso 26, 2013 (HOL) — Waxaa maanta la dhaariyay maamulka gobalka Bay iyo kan degmada , kaddib markii la xaliyay khillafkii taagnaa ee qaar ka mid ah xildhibaannadii joogay magaalada Baydhabo ay isku haysteen, iyadoo la magacaabay guddoomiye ku xigeenkii gobalka Bay, kaas oo loo magacaabay, Shiine Macalin Nuurow, iyadoo isla markaasna loo dhaariyay.

2013-03-26 8:50 AM EST
Talaado, Maarso 26, 2013 (HOL) — Wasiir u dowlihii wasaaradda horumarinta iyo adeegga bulshada, Maxamuud Ismaaciil Barkhad ayaa si lama filaan ah maanta ugu geeriyooday magaalada Nairobi ee xarunta dalka Kenya, iyadoo aan la sheegin qaabka uu u dhintay.

2013-03-26 8:11 AM EST
Talaado, Maarso 26, 2013 (HOL) —Wasiirka wasaarrada Kheyaaradka dalka ee xukuumada Soomaaliya C/risaaq Cumar Maxamed iyo wafdi uu horkacayo oo ka socday wasaarrada caafimaadka ayaa maanta tagay magaalada Baladweyne ee xarunta gobollka Hiiraan.

2013-03-26 7:24 AM EST
Talaado, Maarso 26, 2013 (HOL) — Wali waxaa si is daba jooga ah u socnaya gurmadka caafimaad ee loo fidinayo dadka uu soo ritay cudurka shuba-biyoodka ee magaalada Baladweyne kuwaa oo tiradoodo sii korartay.

2013-03-26 7:18 AM EST
Talaado, Maarso 26, 2013 (HOL) — Guddoomiyaha gobollka Hiiraan C/fitaax Xassan Afrax oo dib ugu laabtay galinkii danbe ee maalintii shalay magaalada Baladweyn kadib booqasho dhowr todobaad qaadatay oo uu ku tagay magaalada Muqdisho.

2013-03-26 2:38 AM EST
Talaado, Maarso 26, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa u amababaxay maanta magaalada Kismaayo ee xarunta gobolka Jubbada Hoose kaddib markii uu baaqday safar uu shalay ku tegi lahaa degmadaas.

2013-03-26 2:10 AM EST
Talaado, Maarso 26, 2013 (HOL) — Ugu yaraan laba askari ayaa ku dhintay saddex kalena way ku dhaawacmeen dagaal culus oo ciidamada kawada tirsan dowladda Soomaaliya ku dhexmaray degmada Marko ee xarunta gobolka Shabeellada Hoose.

2013-03-26 2:07 AM EST
Talaado, Maarso 26, 2013 (HOL) — Madaxweynaha Soomaaliya, Xassan Sh. Maxamuud iyo wafdi uu hoggaaminayo ayaa gaaray magaalada Dooxa ee dalka Qatar, halkaasoo uu maanta ka shirka dalalka Jaamacadda Carabta, kaasoo lagu soo qaadi doono arrimaha Soomaaliya.