3/28/2024
Today from Hiiraan Online:  _
Wararka Maanta- Talaado, Mar 26, 2013
Shirkadda AMAANA oo Deeq gaarsiisay Xarunta lagu Daweynayo dadkii uu soo ritay Cudurka Shuba-biyood ee Baladweyne (SAWIRRO)


Talaado, Maarso 26, 2013 (HOL) — Wali waxaa si is daba jooga ah  u socnaya gurmadka caafimaad ee loo fidinayo dadka uu soo ritay cudurka shuba-biyoodka ee magaalada Baladweyne kuwaa oo tiradoodo sii korartay.

Hadaba waxaa maanta deeq muhiim ah gaarsiisay xarunta sida ku-meel-gaarka ah loogu daweynayo dadka la ildarran cudurka shirka xawaallada Amaana magaalada Baladweyne oo ay soo wakiisheen gabdho Soomaaliyeed oo ku nool magaalada Minnesota ee dalka Mareykanka.

Maamulaha shirka xawaallada Amaana ee magaalada Baladweyne Xassan Ibraahim oo horkacayay qaar ka mid ah shaqaallaha shirka oo maanta tagay goobta dadka lagu daweynayo ayaa sheegay ay gaarsiiyeen deeq sida uu hadalka u dhigay siweyn loogau baahnaa.

“Maanta waxaan gaarsiinay bukaanka ku jira xarunta laga sameeyay deegaannnka Ceel-Jaalle ee dulleedka magaalada Baladweyne, deeq ka koobneyd Falleebo muhiim u aheyd joojinta shubanka, Noocyo kala duwan oo biyo ah, gaar ahaan kuwa caruurta fuuq-baxaya la siiyo, Cirbado loogu talagalay matag-joojinta, Oomo, Saabuun iyo agab kale oo siweyn loogu baahnaa,’’ ayuu yiri maamulka shirkada Amaana magaalada Baladweyne Xassan Ibraahim.

Waxaa uu intaa ku darray in dhibaato xoog leh ay ku jirto goobta la dhigay dadka uu soo ritay cudurka shuban-biyoodka, isaga oo intaa ku darray in shaqaallaha ku howlan daweynta dadkan u sheegeen in wali ay sii kordhayaan tirada dadka uu soo ridanayo cudurka.

“Waxaan rabnaa in aan halka fariin ugu dirno cid kasta oo gacan ka geysan karta gurmadka caafimaad ee dadkaas loo fidinayo in ay si dhaqse u u gaarsiiyaan wax kasta oo ay u heli karaan, waayo xaalada goobta ka jirta waa mid adag, maxaa yeelay qof fuuq-baxaya oo aan haddana dawo loo heli karin waad garan kartaa sida ay xaaladiisa isku badali karto,’’ ayuu yiri maamulaha shirkada Amaana magaalada Baladweyne.

Waxaa uu si gaar ah ugu mahad celiyay gabadhaha jaaliyada Minnesota ee oo ku deeqay lacag dhan $3000 oo doolar waxaana uu sheegay in ay ka mas’uul ahaayeen jaaliyada gabdhaha kala ah Xaawo Cumar Cali [Xaawo Hiiraan] Hindo Cabdi Gureey iyo Kaaho Macow.

Xanuunkan la soo darrsan dadka ku dhaqan magaalada Baladweyne ayaa ku soo beegmay xili  uusan si wanaagsan u shaqeyn Isbitaalka guud ee magaalada Baladweyne oo dabayaaqadii sanadkii aynu soo dhaafnay joojisay hay’adda MSF Swiss howlihii caafimaad oo ay ka waday Isbitaalka.





C/raxmaan Diini, Hiiraan Online
[email protected]
Baladweyne, Soomaaliya 













Click here
3/26/2013 2:35 PM EST
Talaado, Maarso 26, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii uu hoggaaminayay ayaa maanta ka qeyb-galay furitaanka shirka ururka Jaamacadda Carabta oo ka furmay magaalada Doxa ee dalka Qatar.

3/26/2013 2:16 PM EST
Talaado, Maarso 26, 2013 (HOL) — Munaasabad looga hadlay imtixaanaadka shahaadiga ah ee dugsiyada sare iyo kuwa dhexe ee maamulka Khaatumo ayaa lagu qabatay magaalada Buuhoodle ee gogolka Cayn, iyadoo halkaas laga sheegay inaanay dhici doonin imtixaanno maamullo kale wadaan in laga qaado ardayda qalin-jebinta u diyaarsan.

3/26/2013 1:28 PM EST
Talaado, Maarso 26, 2013 (HOL) — Hay’adda sirdoonka dalka Itoobiya ayaa Isniintii shalay sheegtay inay xirtay sideed xubnood oo ka tirsan Xarakada Al-shabaab ee ka dagaalanta Soomaaliya, kuwaasoo doonayay inay afduubaan shaqaale ka tirsan hay’adaha Qaramada Midoobay.

3/26/2013 12:59 PM EST
Talaado, Maarso 26, 2013 (HOL) — Ugu yaraan sagaal qof ayaa ku dhintay in ka badan labaatameeyo kalena way ku dhaawacmeen kaddib roobab xoog leh oo ka da’ay dalka jamhuuriyadda Jabuuti, halkaasoo ay sannadihii lasoo dhaafay ka di’in wax roobab ah.

3/26/2013 12:22 PM EST
Talaado, Maarso 26, 2013 (HOL) — Wafdi ballaaran oo uu horkacayey ergeyga dowladda Maraykanka u qaabilsan arimaha Soomaaliya James Swan, ayaa maanta soo gaarey magaalada Garoowe ee xarunta maamulka Putland.

3/26/2013 9:41 AM EST
Talaado, Maarso 26, 2013 (HOL) — Waxaa maanta la dhaariyay maamulka gobalka Bay iyo kan degmada , kaddib markii la xaliyay khillafkii taagnaa ee qaar ka mid ah xildhibaannadii joogay magaalada Baydhabo ay isku haysteen, iyadoo la magacaabay guddoomiye ku xigeenkii gobalka Bay, kaas oo loo magacaabay, Shiine Macalin Nuurow, iyadoo isla markaasna loo dhaariyay.

3/26/2013 9:12 AM EST
Talaado, 26 Maarso, 2013(HOL) :- Waxaa maanta magaalada Kismaayo soo gaaray wafdi uu horkacayay ra’isul wasaaraha dowladda federaalka Soomaaliya Mudane Cabdi Faarax Shirdoon (Saacid), iyadoona ra'isul wasaaruhu ay safarkiisa ku wehlinayeen masuuliyiin uu kamid yahay wasiirka warfaafinta Mudane C/laahi Ciilmooge Xirsi.

3/26/2013 8:50 AM EST
Talaado, Maarso 26, 2013 (HOL) — Wasiir u dowlihii wasaaradda horumarinta iyo adeegga bulshada, Maxamuud Ismaaciil Barkhad ayaa si lama filaan ah maanta ugu geeriyooday magaalada Nairobi ee xarunta dalka Kenya, iyadoo aan la sheegin qaabka uu u dhintay.

3/26/2013 8:11 AM EST
Talaado, Maarso 26, 2013 (HOL) —Wasiirka wasaarrada Kheyaaradka dalka ee xukuumada Soomaaliya C/risaaq Cumar Maxamed iyo wafdi uu horkacayo oo ka socday wasaarrada caafimaadka ayaa maanta tagay magaalada Baladweyne ee xarunta gobollka Hiiraan.

3/26/2013 7:18 AM EST
Talaado, Maarso 26, 2013 (HOL) — Guddoomiyaha gobollka Hiiraan C/fitaax Xassan Afrax oo dib ugu laabtay galinkii danbe ee maalintii shalay magaalada Baladweyn kadib booqasho dhowr todobaad qaadatay oo uu ku tagay magaalada Muqdisho.

3/26/2013 2:38 AM EST
Talaado, Maarso 26, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa u amababaxay maanta magaalada Kismaayo ee xarunta gobolka Jubbada Hoose kaddib markii uu baaqday safar uu shalay ku tegi lahaa degmadaas.

3/26/2013 2:10 AM EST
Talaado, Maarso 26, 2013 (HOL) — Ugu yaraan laba askari ayaa ku dhintay saddex kalena way ku dhaawacmeen dagaal culus oo ciidamada kawada tirsan dowladda Soomaaliya ku dhexmaray degmada Marko ee xarunta gobolka Shabeellada Hoose.

3/26/2013 2:07 AM EST
Talaado, Maarso 26, 2013 (HOL) — Madaxweynaha Soomaaliya, Xassan Sh. Maxamuud iyo wafdi uu hoggaaminayo ayaa gaaray magaalada Dooxa ee dalka Qatar, halkaasoo uu maanta ka shirka dalalka Jaamacadda Carabta, kaasoo lagu soo qaadi doono arrimaha Soomaaliya.