3/29/2024
Today from Hiiraan Online:  _
Wararka Maanta- Isniin, Mar 25, 2013
Taliyaha Booliska Somaliland oo sheegay in uu Xabsiga u taxaabay Askar Nin Dhallinyaro ah ku toogtay Magaalada Hargeysa

Isniin, Maarso 25, 2013 (HOL) — Taliyaha ciidamada Booliska Somaliland Sareeyo guute, Cabdilaahi Fadal Iimaan, ayaa sheegay in sharciga la marinayo saddex askari oo loo qabtay dilka wiil dhalinyaro ah oo dhowaan lagu dilay magaaladda Hargeysa.

Taliyuhu waxa uu sidaas ka sheegay mar uu maanta xog waran ka siinayey xaaladda amniga Somaliland guddida joogtada ah ee golaha Wakiiladda Somaliland oo xafiiskooda ku casuumay.

Sidoo kale, waxa wax laga waydiiyey fal ka dhacay deegaanka Abdaal oo beer nin iibsaday koox hubaysani wax ku yeelaysay agabkii Beerta yaalay.

“Arrinta Beerta, waxaan idiin caddaynayaa in aanay jirin ciidan boolis ah oo wax rasaaseeyay oo wax burburiyey in aanu jirin, laakiin meesha fal wuu ka dhacay, waana la baadhayaa arrintaasi”ayuu yidhi taliyaha Booliska Cabdilaahi Fadal oo wax laga waydiiyey koox dabley ah oo rasaasaysay mishiinkii biyaha ee beer ku taalla meel u dhexeysa Hargeysa iyo Berbera.

Sidoo kale, mar wax laga waydiiiyey wiil dhalinyaro ah oo wakhti habeenimo ah askari ku toogatay magaaladda Hargeysa waxa uu yidhi “Saddexdii askari ee gaystay dilkii iyo dhaawacii Axmed dhagax ka dhacay , nasiib wanaag gacanta ayaa lagu dhigay saddexdaba, saddexdaba sharciga ayaanu horgeynay oo isla shalayba xabsiga dhexe ee Hargeysa ayaa loo gudbiyey, waajibkii naga saarnaana waanu marinay, waana dhacdo dhacday”ayuu yidhi.

Dhowaan bay ahayd wakhti goor habeenimo ah ay askari ku toogtay rag wada socda, waxaana halkaasi ku geeriyooday hal qof, mid kalana waa lagu dhaawacay, waxaanu taliyuhu sheegay in saddexdii askari ee falkaasi ku kacay xabsiga loo taxaabay ciqaabtoona la marinayo, lana baadhayo sababta keentay dilkaasi.

Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
3/25/2013 1:25 PM EST
Isniin, Maarso 25, 2013 (HOL) — Arday wax ku baranaysay dugsi ood ka sameysan oo ku yaalla deegaanka Manaas ayaa la fasaxay kaddib markii roobab mahiigaan ah ay waxyeello u geysteen dugsigooda, waxana ay ka cawdeen macallimiinta gusigaas inaysan helin kaalmooyin ay dugsiga ku dhisaan.

3/25/2013 12:42 PM EST
Isniin, Maarso 25, 2013 (HOL) — Wasiirka gaashaandhigga Soomaaliya, Cabdixakiin Maxamuud Xaaji Fiqi ayaa galabta booqday xerooyin ciidan oo ku yaalla magaalada Kismaayo ee xarunta gobolka Jubbada Hoose, waxaana kormeerkiisan ku wehliyay sarkaalka ugu sareeya ciidammada Kenya ee qeybta ka ah AMISOM iyo saraakiisha ugu sarreysa ciidammada Xoogga dalka ee Kismaayo ku sugan.

3/25/2013 10:09 AM EST
Maxkamada sare ee dalka Kenya ayaa maantay ka fariisatay go'aan ka gaarista murankii ka dhashay doorashadii dalka ka dhacday 4-tii bishii March ee lasoo dhaafay.

3/25/2013 9:36 AM EST
Isniin, Maarso 25, 2013 (HOL) — Iyadoo sii kordhayaan tirada dadka uu soo ridanayo cudurka shuban biyoodka magaalada Baladweyne, ayaa haddana dhinaca kale waxaa socda gurmadka caafimaad ee loo sameynayo dadka la ildaran cudurka oo ku jira xarumo gaar ah oo laga sameeyay dulleedka magaalada Baladweyne.

3/25/2013 8:37 AM EST
Isniin, Maarso 25, 2013 (HOL) — Kaddib markii uu agaasimihii hay’adda nabadsugidda Qaranka, Axmed Macallin Fiqi uu ku dhawaaqay inuu xilkaas iska casilay maanta ayaa waxaa madaxweynuhu uu goor dhow agaasime KMG ah u magacaabay haya’adda, kaasoo magaciisa uu kusoo gaabiyay Cabdikariin.

3/25/2013 8:18 AM EST
Isniin, Maarso 25, 2013 (HOL) — Munaasabad lagu xusayay maalinta loo asteeyey la-dagaalanka cudurka Qaaxada (TB) ayaa shalay lagu qabtay isbitaalka guud magaalada Laascaanood ee gobolka Sool.

3/25/2013 8:08 AM EST
Isniin, Maarso 25, 2013 (HOL) — Guddoomiyaha baarlamaanka Soomaaliya, Prof. Maxamed Sh. Cismaan (Jawaari) ayaa maanta kula kulmay magaalada Baydhabo ee gobolka Bay saraakiisha ciidamada Itoobiya, waxgarad iyo xildhibaannadii halkaas horay ugu sugnaa.

3/25/2013 7:13 AM EST
Isniin, Maarso 25, 2013 (HOL) — Taliyihii hay’adda nabadsugidda Qaranka Soomaaliyeed, Axmed Macallin Fiqi ayaa ku dhawaaqay maanta inuu xilkiisii iska casilay, isagoo sheegay inuu go’aanka is casilaaddiisa uu yahay mid uu isagu gaaray.

3/25/2013 3:01 AM EST
Isniin, Maarso 25, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa maanta oo Isniin ah ku wajahan magaalada Kismaayo ee xarunta gobolka Jubbada Hoose oo lagu wado inuu ka furmo shirka maamul u sameynta gobollada Jubbooyinka.

3/25/2013 2:53 AM EST
Isniin, Maarso 25, 2013 (HOL) — Safaaradda Soomaaliya ee dalka Koonfur Afrika ayaa casuumaad ugu sameysay gudaha dhismaha Safaaradda dublamaasiyiinta ka tirsan wasaaradda arrimaha dibadda iyo iskaashiga caalamiga ee Soomaaliya oo ku tababaranaya dugsiga sare ee akadeemiyada dublamaasiyadda ee wasaaradda xiriirka caalamiga iyo iskaashiga ee Koonfur Afrika.

3/25/2013 2:45 AM EST
Isniin, Maarso 25, 2013 (HOL) — Kooxo hubeysan ayaa xalay ku dilay xaafadda Towfiiq ee degmada Yaaqshiid gabar wariye ahayd oo lagu magacaabi jiray, Raxmo Cabdulqaadir, iyadoo aan la ogeyn kooxaha dilkeeda ka dambeeya.