2014-11-20
Today from Hiiraan Online:  _
Wararka Maanta- Isniin, Mar 25, 2013
Jaamacadda Plasma oo Deeq gaarsiisay Dadkii uu soo ritay Cudurka Shuban-biyoodka ee Magaalada Baladweyne (SAWIRRO)



Isniin, Maarso 25, 2013 (HOL) — Iyadoo sii kordhayaan tirada dadka uu soo ridanayo cudurka shuban biyoodka magaalada Baladweyne, ayaa haddana dhinaca kale waxaa socda gurmadka caafimaad ee loo sameynayo dadka la ildaran cudurka oo ku jira xarumo gaar ah oo laga sameeyay dulleedka magaalada Baladweyne.

Haddaba Jaamacada Plasma ayaa maanta gaarsiisay dhowr Kartoon oo Faleebon ah, ORC, Biyo nadiif ah,  Caano, iyo  dhowr Kartoono oo Saabuun ah, oo ay ugu talagashay Jaamacada  dadka  uu soo ritay cudurka oo  tiradooda lagu sheegay in ay kor u sii dhaafayaa 150 ruux oo u badan caruur.

Maamulka  Plasma ee magaalada Baladweyne  iyo ardeyda wax ka barata Jaamacada oo maanta gaaaray xarunta ugu weyn ee dadkan lagu daweynayo ayaa gargaarka ku wareejiyay dhaqaatiirta ciidamada Jabuuti ee ku howlan daweynta dadka la ildarran cudurka.

Abuukar Cabdulle Muumin hormuud Jaamacada Plasma ee magaalada Baladweyne oo HOL la hadllay ayaa sheegay in madaama Jaamacada qeybteeda ugu weyn tahay caaafimaadka, sidaa daraadeed ay garteen maamulka iyo ardeyda Jaamacada in ay kaalin ka qaataan gurmadka caafimaad ee loo fidinayo dadka uu soo ritay cudurka.

“Macalimiinta iyo ardeyda Jaamacada Plasma waxaa ay isla garteen in ay gacan mug leh ka qaataan gurmadka caafimaad ee socda, gargaarkan aan hadda ku deeqnayna waxaa is leenahay waa mid muhiim u ah marka la eego daweynta dadka cudurkan uu haleelo,’’ ayuu yiri hormuudka Jaamacada Plasma ee magaalada Baladweyne.

Sidoo kale, maamulka Jaamacada waxaa uu sheegay in ay ku deeqeen qaar ka mid ah ardeyda oo si bilaasha ah ama mudadawacnimo ah ula shaqeyn doona dhaqaatiirta ku howlan daweynta dadka cudurka la ildarran, waxaana talaabadaa siweyn u soo dhaweeyay howl-wadeenada xarunta ugu weyn ee la dhigay dadka bukaanka ah.

Deeqdan ayaa noqoneysa tii ugu horeysay oo ay bixiso Jaamacada Plasma, waxaana uu maamulka Jaamacada sheegay in ay ku tala jiraan kordhinta kaalamada caafimaad ee loo fidinayo dadka dhibaateysan.



C/raxmaan Diini, Hiiraan Online
diini@hiiraan.com
Baladweyne, Soomaaliya





Post your comments

2013-03-25 2:39 PM EST
Isniin, Maarso 25, 2013 (HOL) — Taliyaha ciidamada Booliska Somaliland Sareeyo guute, Cabdilaahi Fadal Iimaan, ayaa sheegay in sharciga la marinayo saddex askari oo loo qabtay dilka wiil dhalinyaro ah oo dhowaan lagu dilay magaaladda Hargeysa.

2013-03-25 1:25 PM EST
Isniin, Maarso 25, 2013 (HOL) — Arday wax ku baranaysay dugsi ood ka sameysan oo ku yaalla deegaanka Manaas ayaa la fasaxay kaddib markii roobab mahiigaan ah ay waxyeello u geysteen dugsigooda, waxana ay ka cawdeen macallimiinta gusigaas inaysan helin kaalmooyin ay dugsiga ku dhisaan.

2013-03-25 12:42 PM EST
Isniin, Maarso 25, 2013 (HOL) — Wasiirka gaashaandhigga Soomaaliya, Cabdixakiin Maxamuud Xaaji Fiqi ayaa galabta booqday xerooyin ciidan oo ku yaalla magaalada Kismaayo ee xarunta gobolka Jubbada Hoose, waxaana kormeerkiisan ku wehliyay sarkaalka ugu sareeya ciidammada Kenya ee qeybta ka ah AMISOM iyo saraakiisha ugu sarreysa ciidammada Xoogga dalka ee Kismaayo ku sugan.

2013-03-25 10:09 AM EST
Maxkamada sare ee dalka Kenya ayaa maantay ka fariisatay go'aan ka gaarista murankii ka dhashay doorashadii dalka ka dhacday 4-tii bishii March ee lasoo dhaafay.

2013-03-25 8:37 AM EST
Isniin, Maarso 25, 2013 (HOL) — Kaddib markii uu agaasimihii hay’adda nabadsugidda Qaranka, Axmed Macallin Fiqi uu ku dhawaaqay inuu xilkaas iska casilay maanta ayaa waxaa madaxweynuhu uu goor dhow agaasime KMG ah u magacaabay haya’adda, kaasoo magaciisa uu kusoo gaabiyay Cabdikariin.

2013-03-25 8:18 AM EST
Isniin, Maarso 25, 2013 (HOL) — Munaasabad lagu xusayay maalinta loo asteeyey la-dagaalanka cudurka Qaaxada (TB) ayaa shalay lagu qabtay isbitaalka guud magaalada Laascaanood ee gobolka Sool.

2013-03-25 8:08 AM EST
Isniin, Maarso 25, 2013 (HOL) — Guddoomiyaha baarlamaanka Soomaaliya, Prof. Maxamed Sh. Cismaan (Jawaari) ayaa maanta kula kulmay magaalada Baydhabo ee gobolka Bay saraakiisha ciidamada Itoobiya, waxgarad iyo xildhibaannadii halkaas horay ugu sugnaa.

2013-03-25 7:13 AM EST
Isniin, Maarso 25, 2013 (HOL) — Taliyihii hay’adda nabadsugidda Qaranka Soomaaliyeed, Axmed Macallin Fiqi ayaa ku dhawaaqay maanta inuu xilkiisii iska casilay, isagoo sheegay inuu go’aanka is casilaaddiisa uu yahay mid uu isagu gaaray.

2013-03-25 3:01 AM EST
Isniin, Maarso 25, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa maanta oo Isniin ah ku wajahan magaalada Kismaayo ee xarunta gobolka Jubbada Hoose oo lagu wado inuu ka furmo shirka maamul u sameynta gobollada Jubbooyinka.

2013-03-25 2:53 AM EST
Isniin, Maarso 25, 2013 (HOL) — Safaaradda Soomaaliya ee dalka Koonfur Afrika ayaa casuumaad ugu sameysay gudaha dhismaha Safaaradda dublamaasiyiinta ka tirsan wasaaradda arrimaha dibadda iyo iskaashiga caalamiga ee Soomaaliya oo ku tababaranaya dugsiga sare ee akadeemiyada dublamaasiyadda ee wasaaradda xiriirka caalamiga iyo iskaashiga ee Koonfur Afrika.

2013-03-25 2:45 AM EST
Isniin, Maarso 25, 2013 (HOL) — Kooxo hubeysan ayaa xalay ku dilay xaafadda Towfiiq ee degmada Yaaqshiid gabar wariye ahayd oo lagu magacaabi jiray, Raxmo Cabdulqaadir, iyadoo aan la ogeyn kooxaha dilkeeda ka dambeeya.