2014-10-21
Today from Hiiraan Online:  _
Wararka Maanta- Isniin, Mar 25, 2013
Munaasabad lagu xusayay Malinta Cudurka Qaaxada (TB-da) ee Adduunka oo lagu qabtay Magaalada Laascaanood ee Gobolka Sool


Isniin, Maarso 25, 2013 (HOL) — Munaasabad lagu xusayay maalinta loo asteeyey la-dagaalanka cudurka Qaaxada (TB) ayaa shalay lagu qabtay isbitaalka guud magaalada Laascaanood ee gobolka Sool.

Munaasabadadan oo ay kasoo qayb-galeen mas’uuliyiinta caafimaadka gobolka Sool, bahda caafimaadka, ururda dhallinyaradda iyo dadweyne badan ayaa waxaa laga soo jeediyay dhibaatooyinka cudurkani ku hayo bulshadda deegaankan iyo sida loola dagaalami karo.

Agaasimaha Isbitaalka guud ee Laascaanood, Ismaaciil Muuse ciise (Ilka case) ayaa ka warbixiyay sababta loogu aqoonsaday ee loo xuso maalintan oo kale inay tahay fahamka la ogaaday dhibaatadda uu xanuunkani ku hayo bulshadda caalamka; gaar ahaan dunida saddexaad.

Sidoo kale, agaasimuhu wuxuu ugu baaqay dhallinyaradda inay iyaga yihiin kuwa baraarujinta iyo fahamsiinta dadka in cudurka Qaaxadu yahay wax sahlan haddii la iska daaweeyo loona baahan yahay inay qaybtooda ka qaataan.

Madaxa isbitaalka TB-da, Dr. Cabdi Maxamed Buraale oo munaasabaddaas ka hadlay ayaa sheegay inay sannad kasta maalintan oo kale xusaan la-dagaalanka cudurka khatarta ah ee TB-da, taasoo caalamka oo dhan laga xuso si ay bulshada loo gaarsiiyo macluumaadka la xidhiidha Qaaxada ee soo kordhay mudada sannadka ah.

Dr. Buraale wuxuu xusay in hoos u dhac weyn laga dareemay cudurkan; iyadoo dadka intooda badan si toos ah u qaataan dawada walow badanaa ay dhacdo duruufo dhaqaale oo dadka haysta.

Ku dhawaad boqol dad ah ayaa ku sugan isbitaallada daweynta Qaaxadda ee Laascaanood iyadoo ay jiraan kuwo badan oo dawada maalin kasta u soo doonta, kuwaasoo isugu jira dumar iyo rag. Waxaase weli jira boqolaal dad ah la nool xanuunkan kana xishoonaya inay tagaan meelaha lagu daaweeyo, taasoo u baahan in la barnaamijyo.

Seynab Cabdi Warsame, Hiiraan Online
seynab@hiiraan.com
Laascaanood, Gobolka Sool





Post your comments

2013-03-25 2:39 PM EST
Isniin, Maarso 25, 2013 (HOL) — Taliyaha ciidamada Booliska Somaliland Sareeyo guute, Cabdilaahi Fadal Iimaan, ayaa sheegay in sharciga la marinayo saddex askari oo loo qabtay dilka wiil dhalinyaro ah oo dhowaan lagu dilay magaaladda Hargeysa.

2013-03-25 1:25 PM EST
Isniin, Maarso 25, 2013 (HOL) — Arday wax ku baranaysay dugsi ood ka sameysan oo ku yaalla deegaanka Manaas ayaa la fasaxay kaddib markii roobab mahiigaan ah ay waxyeello u geysteen dugsigooda, waxana ay ka cawdeen macallimiinta gusigaas inaysan helin kaalmooyin ay dugsiga ku dhisaan.

2013-03-25 12:42 PM EST
Isniin, Maarso 25, 2013 (HOL) — Wasiirka gaashaandhigga Soomaaliya, Cabdixakiin Maxamuud Xaaji Fiqi ayaa galabta booqday xerooyin ciidan oo ku yaalla magaalada Kismaayo ee xarunta gobolka Jubbada Hoose, waxaana kormeerkiisan ku wehliyay sarkaalka ugu sareeya ciidammada Kenya ee qeybta ka ah AMISOM iyo saraakiisha ugu sarreysa ciidammada Xoogga dalka ee Kismaayo ku sugan.

2013-03-25 10:09 AM EST
Maxkamada sare ee dalka Kenya ayaa maantay ka fariisatay go'aan ka gaarista murankii ka dhashay doorashadii dalka ka dhacday 4-tii bishii March ee lasoo dhaafay.

2013-03-25 9:36 AM EST
Isniin, Maarso 25, 2013 (HOL) — Iyadoo sii kordhayaan tirada dadka uu soo ridanayo cudurka shuban biyoodka magaalada Baladweyne, ayaa haddana dhinaca kale waxaa socda gurmadka caafimaad ee loo sameynayo dadka la ildaran cudurka oo ku jira xarumo gaar ah oo laga sameeyay dulleedka magaalada Baladweyne.

2013-03-25 8:37 AM EST
Isniin, Maarso 25, 2013 (HOL) — Kaddib markii uu agaasimihii hay’adda nabadsugidda Qaranka, Axmed Macallin Fiqi uu ku dhawaaqay inuu xilkaas iska casilay maanta ayaa waxaa madaxweynuhu uu goor dhow agaasime KMG ah u magacaabay haya’adda, kaasoo magaciisa uu kusoo gaabiyay Cabdikariin.

2013-03-25 8:08 AM EST
Isniin, Maarso 25, 2013 (HOL) — Guddoomiyaha baarlamaanka Soomaaliya, Prof. Maxamed Sh. Cismaan (Jawaari) ayaa maanta kula kulmay magaalada Baydhabo ee gobolka Bay saraakiisha ciidamada Itoobiya, waxgarad iyo xildhibaannadii halkaas horay ugu sugnaa.

2013-03-25 7:13 AM EST
Isniin, Maarso 25, 2013 (HOL) — Taliyihii hay’adda nabadsugidda Qaranka Soomaaliyeed, Axmed Macallin Fiqi ayaa ku dhawaaqay maanta inuu xilkiisii iska casilay, isagoo sheegay inuu go’aanka is casilaaddiisa uu yahay mid uu isagu gaaray.

2013-03-25 3:01 AM EST
Isniin, Maarso 25, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa maanta oo Isniin ah ku wajahan magaalada Kismaayo ee xarunta gobolka Jubbada Hoose oo lagu wado inuu ka furmo shirka maamul u sameynta gobollada Jubbooyinka.

2013-03-25 2:53 AM EST
Isniin, Maarso 25, 2013 (HOL) — Safaaradda Soomaaliya ee dalka Koonfur Afrika ayaa casuumaad ugu sameysay gudaha dhismaha Safaaradda dublamaasiyiinta ka tirsan wasaaradda arrimaha dibadda iyo iskaashiga caalamiga ee Soomaaliya oo ku tababaranaya dugsiga sare ee akadeemiyada dublamaasiyadda ee wasaaradda xiriirka caalamiga iyo iskaashiga ee Koonfur Afrika.

2013-03-25 2:45 AM EST
Isniin, Maarso 25, 2013 (HOL) — Kooxo hubeysan ayaa xalay ku dilay xaafadda Towfiiq ee degmada Yaaqshiid gabar wariye ahayd oo lagu magacaabi jiray, Raxmo Cabdulqaadir, iyadoo aan la ogeyn kooxaha dilkeeda ka dambeeya.