2014-11-21
Today from Hiiraan Online:  _
Wararka Maanta- Isniin, Mar 25, 2013
Ra'iisul Wasaare Saacid iyo Wafdi uu Hoggaaminayo oo ku wajahan Degmada Kismaayo ee Xarunta Jubbada Hoose


Isniin, Maarso 25, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa maanta oo Isniin ah ku wajahan magaalada Kismaayo ee xarunta gobolka Jubbada Hoose oo lagu wado inuu ka furmo shirka maamul u sameynta gobollada Jubbooyinka.

Wafdiga ra'iisul wasaaraha ayaa waxaa ka mid ah wasiirka warfaafinta, isgaarsiinta iyo gaadiidka, C/llaahi Ciilmooge Xirsi iyo xubno kale oo dowladda ka tirsan, iyadoo sidoo kale laga dareemayo soo dhaweynta ra'iisul wasaaraha garoonka diyaaradaha ee Kismaayo.

Socdaalka ra'iisul wasaaraha ayaa wuxuu daba-socdaa socdaal ay ku tageen shalay degmadaas wasiirro ka tirsan xukuumadda Soomaaliya, kuwasoo u gogol-xaarayay booqashada ra'iisul wasaaruhu uu ku tagayo Kismaayo.

Wararka ayaa waxay sheegayaan in ra'iisul wasaaraha uu u socod sidii xal looga gaari lahaa khilaaf ka dhashay maamul u sameynta Jubbooyinka oo soo dhexgalay dowladda iyo ururka Raaskambooni, iyadoo lagu wado in shirka maamul u sameyntana uu ra'iisul wasaaruhu furo.

Magaalada Kismaayo ayaa waxaa ka socda diyaargarow wafdiga uu ra'iisul wasaaruhu hoggaaminayo lagu soo dhaweynayo, waxaana la dhigay waddooyinka waaweyn ee Kismaayo ciidammo fara badan oo wata gaadiidka dagaalka.

Dowladda Soomaaliya ayaa waxay muddo dadaal ugu jirtay sidii ay u qaban lahayd hoggaanka maamul u sameynta jubbooyinka oo horay uga shaqeynayeen dowladda Kenya iyo urur goboleedka IGAD.

Guddoomiyaha maamulka KMG ah ee magaalada Kismaayo, Sheekh Axmed Maxamed Islaam (Sheekh Axmed Madoobe) oo maalin ka hor kasoo laabtay dalka Kenya oo uu toddobaadyo ku maqnaa ayaa u sheegay wariyeyaasha in la dhameeyay khilaafkii jiray, uuna shirka maamul u sameynta Jubbooyinka noqon doono mid guuleysta.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-25 2:39 PM EST
Isniin, Maarso 25, 2013 (HOL) — Taliyaha ciidamada Booliska Somaliland Sareeyo guute, Cabdilaahi Fadal Iimaan, ayaa sheegay in sharciga la marinayo saddex askari oo loo qabtay dilka wiil dhalinyaro ah oo dhowaan lagu dilay magaaladda Hargeysa.

2013-03-25 1:25 PM EST
Isniin, Maarso 25, 2013 (HOL) — Arday wax ku baranaysay dugsi ood ka sameysan oo ku yaalla deegaanka Manaas ayaa la fasaxay kaddib markii roobab mahiigaan ah ay waxyeello u geysteen dugsigooda, waxana ay ka cawdeen macallimiinta gusigaas inaysan helin kaalmooyin ay dugsiga ku dhisaan.

2013-03-25 12:42 PM EST
Isniin, Maarso 25, 2013 (HOL) — Wasiirka gaashaandhigga Soomaaliya, Cabdixakiin Maxamuud Xaaji Fiqi ayaa galabta booqday xerooyin ciidan oo ku yaalla magaalada Kismaayo ee xarunta gobolka Jubbada Hoose, waxaana kormeerkiisan ku wehliyay sarkaalka ugu sareeya ciidammada Kenya ee qeybta ka ah AMISOM iyo saraakiisha ugu sarreysa ciidammada Xoogga dalka ee Kismaayo ku sugan.

2013-03-25 10:09 AM EST
Maxkamada sare ee dalka Kenya ayaa maantay ka fariisatay go'aan ka gaarista murankii ka dhashay doorashadii dalka ka dhacday 4-tii bishii March ee lasoo dhaafay.

2013-03-25 9:36 AM EST
Isniin, Maarso 25, 2013 (HOL) — Iyadoo sii kordhayaan tirada dadka uu soo ridanayo cudurka shuban biyoodka magaalada Baladweyne, ayaa haddana dhinaca kale waxaa socda gurmadka caafimaad ee loo sameynayo dadka la ildaran cudurka oo ku jira xarumo gaar ah oo laga sameeyay dulleedka magaalada Baladweyne.

2013-03-25 8:37 AM EST
Isniin, Maarso 25, 2013 (HOL) — Kaddib markii uu agaasimihii hay’adda nabadsugidda Qaranka, Axmed Macallin Fiqi uu ku dhawaaqay inuu xilkaas iska casilay maanta ayaa waxaa madaxweynuhu uu goor dhow agaasime KMG ah u magacaabay haya’adda, kaasoo magaciisa uu kusoo gaabiyay Cabdikariin.

2013-03-25 8:18 AM EST
Isniin, Maarso 25, 2013 (HOL) — Munaasabad lagu xusayay maalinta loo asteeyey la-dagaalanka cudurka Qaaxada (TB) ayaa shalay lagu qabtay isbitaalka guud magaalada Laascaanood ee gobolka Sool.

2013-03-25 8:08 AM EST
Isniin, Maarso 25, 2013 (HOL) — Guddoomiyaha baarlamaanka Soomaaliya, Prof. Maxamed Sh. Cismaan (Jawaari) ayaa maanta kula kulmay magaalada Baydhabo ee gobolka Bay saraakiisha ciidamada Itoobiya, waxgarad iyo xildhibaannadii halkaas horay ugu sugnaa.

2013-03-25 7:13 AM EST
Isniin, Maarso 25, 2013 (HOL) — Taliyihii hay’adda nabadsugidda Qaranka Soomaaliyeed, Axmed Macallin Fiqi ayaa ku dhawaaqay maanta inuu xilkiisii iska casilay, isagoo sheegay inuu go’aanka is casilaaddiisa uu yahay mid uu isagu gaaray.

2013-03-25 2:53 AM EST
Isniin, Maarso 25, 2013 (HOL) — Safaaradda Soomaaliya ee dalka Koonfur Afrika ayaa casuumaad ugu sameysay gudaha dhismaha Safaaradda dublamaasiyiinta ka tirsan wasaaradda arrimaha dibadda iyo iskaashiga caalamiga ee Soomaaliya oo ku tababaranaya dugsiga sare ee akadeemiyada dublamaasiyadda ee wasaaradda xiriirka caalamiga iyo iskaashiga ee Koonfur Afrika.

2013-03-25 2:45 AM EST
Isniin, Maarso 25, 2013 (HOL) — Kooxo hubeysan ayaa xalay ku dilay xaafadda Towfiiq ee degmada Yaaqshiid gabar wariye ahayd oo lagu magacaabi jiray, Raxmo Cabdulqaadir, iyadoo aan la ogeyn kooxaha dilkeeda ka dambeeya.