2014-10-23
Today from Hiiraan Online:  _
Wararka Maanta- Axad, Mar 24, 2013
Wafdi uu Hoggaaminayo Guddoomiyaha Baarlamaanka Somalia oo Booqasho ku tagay Degmada Baydhabo ee Gobolka Bay


Axad, Maarso 24, 2013 (HOL) — Wafdi isugu jira xildhibaanno iyo wasiirro oo uu hoggaaminayo guddoomiyaha baarlamaanka Soomaaliya, Maxamed Sheekh Cismaan (Jawaari) ayaa maanta gaaray magaalada Baydhabo ee xarunta gobolka Bay.

Prof. Jawaari iyo wfdigiisa ayaa waxaa kusoo dhaweeyay garoonka diyaaradaha ee Baydhabo mas’uuliyiinta maamulka gobolka, kan degmada iyo saraakiisha ciidamada Soomaaliya iyo kuwa AMISOM, iyadoo la dajiyay hoteelka Bakiin ee duleedka Baydhabo.

Guddoomiyaha ayaa durba kulan la qaatay maamulka iyo waxgaradka ku nool degmada Baydhabo isagoo sidoo kale warbixinno ka dhageystay xildhibaannadii horay ugu sugnaa degmada Baydhabo oo gogol-xaarka u ahaa booqashadiisan.

Xildhibaan Sheekh Aadan Maxamed Nuur (Madoobe) oo kulanka ka hadlay ayaa sheegay in waxyaabo badan ay u qabsoomeen tan iyo markii ay soo gaareen Baydhabo oo ah in ka badan hal todobaad, isagoo sheegay inay la kulmeen qaybaha kala duwan ee bulshada iyo maamulka ayna warbixinno ka dhageysteen.

Safarka guddoomiyaha baarlamaanka oo qaadan doona maalmo ayaa waxaa la sheegay inuu salka ku hayo xallinta muran ka taagan maamulka gobolka Bay, sidoo kale warark ayaa waxay sheegayaan in lagu wado inuu kala hadlo saraakiisha ciidamada Itoobiya inaysan ka bixin deegaannada ay gobollada Bay iyo Bakool kaga sugan yihiin.

Balse guddoomiyaha baarlamaanka oo si kooban ula hadlay shacabka iyo mas’uuliyiinta gobolka Bay ayaa sheegay in muddada uu ku sugan yahay Baydhabo ay maqli doonaan waxyaabo badan oo horumar leh.

Arday laga soo xulay iskuullada wax laga barto ee Baydhabo, haweenka iyo dhallinyarada ayaa wafdiga guddoomiyaha ku booqday hoteelka uu ka degay magaalaa Baydhabo, kuwaasoo hambalyeeyay guddoomiyaha iyo wafdigiisa.

Waa markii ugu horreysay oo guddoomiyaha baarlamaanka Soomaaliya uu tago magaalada Baydhabo tan iyo markii xilka guddoomiyaha loo doortay bishii Ogoosto ee sannadkii hore.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-24 1:45 PM EST
Axad, Maarso 24, 2013 (HOL) — Wasiirka horumarinta iyo addeega bulshada ee xukuumadda Soomaliya, Drs. Maryan Qaasim Axmed ayaa maanta dalka dib ugu soo laabatay kaddib markii laba toddobaad socdaallo shaqo ay kusoo kala bixisay bixisay dalalka Denmark iyo Ingiriiska.

2013-03-24 12:39 PM EST
Axad, Maarso 24, 2013 (HOL) — Iyadoo ay sanad walba marka xilligan oo kale lasoo gaaro roobabka gugu ka curtaan gobollo badan oo ka tirsan dalka, ayaa waxay roobab lagu diirsaday ka da’een deegaano ka tirsan Puntland.

2013-03-24 12:35 PM EST
Axad, Maarso 24, 2013 (HOL) — Xarunta baarlamaanka Puntland ee magaalada Garoowe waxaa maanta ka furmay kulan aan caadi ahayn oo ay isugu yimaadeen xubnaha golaha wakiiladda. Kulankan oo uu si rasmi ah u furay madaxweynaha Puntland Cabdiraxmaan Faroole ayaa waxaa looga doodayaa qodobbo la xiriira doorashada goleyaasha deegaanka ee la fiyo in ay bilaha soo socda Puntland ka qabsoonto.

2013-03-24 9:44 AM EST
Axad, March 24, 2013 (HOL) - Aamina Maxamed oo haysata dhalashada dalka Kenya, asalkeeduna Soomaali yahay ayaa dawlada Kenya ay u sharraxday inay hogaamiso ururka ganacsiga aduunka ee la yiraahdo World Trade Organization (WTO)

2013-03-24 9:00 AM EST
Axad,24 Maarso, 2013(HOL):- Wafdi ka socda dowladda Federaalka Soomaaliya islamarkaasina isugu jiray Wasiirro, XIldhibaanno, iyo Saraakiil ayaa maanta kasoo dagay garoonka caalamiga ah ee magaalada Kismaayo, iyadoona ay halkaasi si diiran ugu soo dhaweeyeen masuuliyiin ka tirsan maamul KMG ee magaalada Kismaayo.

2013-03-24 8:25 AM EST
Axad, Maarso 24, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kormeer ku tagay wasaaradda gaashaandhigga iyo xerada Villa Baydhabo isagoo halkaas kula hadlay ciidammo kulanana la qaatay saraakiisha kala duwan ee ciidamada xoogga dalka.

2013-03-24 7:25 AM EST
Axad, Maarso 24, 2013 (HOL) — Dagaal u dhexeeya ciidamada dowladda oo gacan ka helaya kuwa Itoobiya iyo xooggga Al-shabaab ayaa maanta ka dhacay duleedka degmada Garbahaarey ee xarunta gobolka Gedo, kaasoo geystay khasaare aad u xooggan.

2013-03-24 4:48 AM EST
Axad, Maarso 24, 2013 (HOL) — Wasiirro iyo xildhibaanno xukuumadda ka tirsan ayaa maanta u ambabaxay magaalada Kismaayo ee xarunta gobolka Jubbada Hoose halkaasoo la filayo inuu ka furmo shirka maamul u sameynta gobollada Jubbooyinka, iyadoo la adkeeyay ammaanka guud ee Kismaayo.

2013-03-24 4:12 AM EST
Axad, Maarso 24, 2013 (HOL) — Hay’adda nabad-sugidda Qaranka ayaa soo bandhigtay magacyada laba ruux oo weeerarro ismiidaamin ah ka fuliyay toddobaadkii hore magaalada Muqdisho, kuwaasoo la sheegay inay kasoo jeedeen gobolka Galguduud.

2013-03-24 4:07 AM EST
Axad, Maarso 24, 2013 (HOL) — Qorshaha lagula wareegay degmada Xudur ee xarunta gobolka Bakool wuxuu marayaa meel gabo-gabo, sidaa ayuu ku sheegay wasiirka gaashaandhigga Soomaaliya, Cabdixakiin Maxamuud Xaaji Fiqi warsaxaafadeed uu maanta kasoo saaray xafiiskiisa Muqdisho.

2013-03-24 2:55 AM EST
Axad, Maarso 24, 2013 (HOL) — Mucaaradka dagaalka kula jira xukuumadda jamhuuriyadda Bartamaha Afrika ayaa sheegay inay gudaha u galeen qaybo ka mid ah xarunta dalkaas ee Bangui, iyagoo sheegay in go’aankoodu yahay inay ridaan xukuumadda uu hoggaaminayo madaxweyne, Francois Bozize.

2013-03-24 2:20 AM EST
Axad, Maarso 24, 2013 (HOL) — Wasiirka gudaha iyo ammaanka Qaranka dowladda Soomaaliya, C/kariin Xuseen Guuleedd ayaa sheegay inay dhiirri-gelinayaan sugidda amniga Muqdisho, kaddib kulan uu la yeeshay guddoomiyeyaasha degmooyinka gobolka Banaadir.