2014-10-01
Today from Hiiraan Online:  _
Wararka Maanta- Axad, Mar 24, 2013
Wasiirka Gaashaandhigga oo sheegay in qorshaha lagula wareegayo Xudur uu Marayo meel wanaagsan oo gabo-gabo ah



Axad, Maarso 24, 2013 (HOL) — Qorshaha lagula wareegay degmada Xudur ee xarunta gobolka Bakool wuxuu marayaa meel gabo-gabo, sidaa ayuu ku sheegay wasiirka gaashaandhigga Soomaaliya, Cabdixakiin Maxamuud Xaaji Fiqi warsaxaafadeed uu maanta kasoo saaray xafiiskiisa Muqdisho.

Magaalada Xudur oo 450-km dhinaca galbeed kaga beegan xarunta Somalia ee Muqdisho ayaa waxaa Axaddii lasoo dhaafay si lama filaan ah uga baxay ciidamadii dowladda iyo kuwii gacanta siinayay ee Itoobiya, taasoo keentay inay dib ula wareegto Al-shabaab.

“Diyaar-garowga loogu jiro dib ula wareegidda degmada Xudur ee gobolka Bakool wuxuu marayaa meel wanaagsan; haddii ALLE idmo dhawaan waan lala wareegi doonnaa kooxda argigixisada,” ayuu yiri Fiqi oo intaas ku daray inay ka go’an tahay inay Al-shabaab ka saaraan dhammaan deegaannada ay dalka uga sugan yihiin.

Wasiirka gaashaandhigga ayaa wax laga xumaado ku tilmaamay dadkii ay Al-Shabaab ku dishay gudaha degmada Xudur ee gobolka Bakool; waxaana uu wasiirku tilmaamay in dadkaasi wasaaraddu ay u aar-gudi doonto.

“Maleeshiyooyinka argigixisada ah ee Al-Shabaab xilligan ma hayaan awood ay kaga hor-yimaadaan ciidammada qalabka sida ee Soomaaliya iyo kuwa midowga Afrika ee taageeraya; waxaana u bur-burin doonnaa sidii aynu ugu bur-burinnay gobollo badan oo dalka ka mid ah,” ayuu wasiirku hadalkiisa ku daray.

Wasiirka oo sii hadalaya ayaa xusay in howlgallada dalka looga saarayo Al-Shabaab aysan joogsan doonin inta guud ahaanba dalka laga sifeynayo oo maamullada gobollada dalka oo dhan ay hoos imaanayaan xukuumadda federaalka Soomaaliya.

“Shacabka Soomaaliyeed waxaan ugu bishaareynayaa in dhawaan ay arki doonaan isbedel guud, dagaalka aan kula jirno Al-shabaab waan soo gaba-gabeyn doonnaa haddii uu Alle idmo; waayo argigixisada waxaad og-tihiin inta gobol ama magaallo ee ay ku sugnaan jireen ee aynu kala wareegnay; waxaana shacabka laga doonayaa inaysan kala bakheylin ciidamada xoogga dalka taageeradooda,” ayuu wasiirka difaacu kusoo gabgabeeyay hadalkiisa.

Dowladda Soomaaliya oo gacan milateri ka hesha ciidamada Itoobiya iyo kuwa ka socda Midowga Afrika ee AMISOM ayaa waxaa dhawaan laga qaaday cunno-qabateyntii hubka ee saarnayd muddada labaatanka sano ka badan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-24 1:45 PM EST
Axad, Maarso 24, 2013 (HOL) — Wasiirka horumarinta iyo addeega bulshada ee xukuumadda Soomaliya, Drs. Maryan Qaasim Axmed ayaa maanta dalka dib ugu soo laabatay kaddib markii laba toddobaad socdaallo shaqo ay kusoo kala bixisay bixisay dalalka Denmark iyo Ingiriiska.

2013-03-24 12:39 PM EST
Axad, Maarso 24, 2013 (HOL) — Iyadoo ay sanad walba marka xilligan oo kale lasoo gaaro roobabka gugu ka curtaan gobollo badan oo ka tirsan dalka, ayaa waxay roobab lagu diirsaday ka da’een deegaano ka tirsan Puntland.

2013-03-24 12:35 PM EST
Axad, Maarso 24, 2013 (HOL) — Xarunta baarlamaanka Puntland ee magaalada Garoowe waxaa maanta ka furmay kulan aan caadi ahayn oo ay isugu yimaadeen xubnaha golaha wakiiladda. Kulankan oo uu si rasmi ah u furay madaxweynaha Puntland Cabdiraxmaan Faroole ayaa waxaa looga doodayaa qodobbo la xiriira doorashada goleyaasha deegaanka ee la fiyo in ay bilaha soo socda Puntland ka qabsoonto.

2013-03-24 9:44 AM EST
Axad, March 24, 2013 (HOL) - Aamina Maxamed oo haysata dhalashada dalka Kenya, asalkeeduna Soomaali yahay ayaa dawlada Kenya ay u sharraxday inay hogaamiso ururka ganacsiga aduunka ee la yiraahdo World Trade Organization (WTO)

2013-03-24 9:00 AM EST
Axad,24 Maarso, 2013(HOL):- Wafdi ka socda dowladda Federaalka Soomaaliya islamarkaasina isugu jiray Wasiirro, XIldhibaanno, iyo Saraakiil ayaa maanta kasoo dagay garoonka caalamiga ah ee magaalada Kismaayo, iyadoona ay halkaasi si diiran ugu soo dhaweeyeen masuuliyiin ka tirsan maamul KMG ee magaalada Kismaayo.

2013-03-24 8:25 AM EST
Axad, Maarso 24, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kormeer ku tagay wasaaradda gaashaandhigga iyo xerada Villa Baydhabo isagoo halkaas kula hadlay ciidammo kulanana la qaatay saraakiisha kala duwan ee ciidamada xoogga dalka.

2013-03-24 7:54 AM EST
Axad, Maarso 24, 2013 (HOL) — Wafdi isugu jira xildhibaanno iyo wasiirro oo uu hoggaaminayo guddoomiyaha baarlamaanka Soomaaliya, Maxamed Sheekh Cismaan (Jawaari) ayaa maanta gaaray magaalada Baydhabo ee xarunta gobolka Bay.

2013-03-24 7:25 AM EST
Axad, Maarso 24, 2013 (HOL) — Dagaal u dhexeeya ciidamada dowladda oo gacan ka helaya kuwa Itoobiya iyo xooggga Al-shabaab ayaa maanta ka dhacay duleedka degmada Garbahaarey ee xarunta gobolka Gedo, kaasoo geystay khasaare aad u xooggan.

2013-03-24 4:48 AM EST
Axad, Maarso 24, 2013 (HOL) — Wasiirro iyo xildhibaanno xukuumadda ka tirsan ayaa maanta u ambabaxay magaalada Kismaayo ee xarunta gobolka Jubbada Hoose halkaasoo la filayo inuu ka furmo shirka maamul u sameynta gobollada Jubbooyinka, iyadoo la adkeeyay ammaanka guud ee Kismaayo.

2013-03-24 4:12 AM EST
Axad, Maarso 24, 2013 (HOL) — Hay’adda nabad-sugidda Qaranka ayaa soo bandhigtay magacyada laba ruux oo weeerarro ismiidaamin ah ka fuliyay toddobaadkii hore magaalada Muqdisho, kuwaasoo la sheegay inay kasoo jeedeen gobolka Galguduud.

2013-03-24 2:55 AM EST
Axad, Maarso 24, 2013 (HOL) — Mucaaradka dagaalka kula jira xukuumadda jamhuuriyadda Bartamaha Afrika ayaa sheegay inay gudaha u galeen qaybo ka mid ah xarunta dalkaas ee Bangui, iyagoo sheegay in go’aankoodu yahay inay ridaan xukuumadda uu hoggaaminayo madaxweyne, Francois Bozize.

2013-03-24 2:20 AM EST
Axad, Maarso 24, 2013 (HOL) — Wasiirka gudaha iyo ammaanka Qaranka dowladda Soomaaliya, C/kariin Xuseen Guuleedd ayaa sheegay inay dhiirri-gelinayaan sugidda amniga Muqdisho, kaddib kulan uu la yeeshay guddoomiyeyaasha degmooyinka gobolka Banaadir.