2014-09-02
Today from Hiiraan Online:  _
Wararka Maanta- Sabti, Mar 23, 2013
Madaxweynaha Somaliland Axmed Siilaanyo iyo Wefti uu Hoggaaminayo oo u Ambabaxay Imaaraadka Carabta (SAWIRRO)



Sabti, Maarso 23, 2013 (HOL) — Madaxweynaha Somaliland Axmed Maxamed Maxamuud Siillaanyo iyo wefti balaadhan oo uu hoggaaminayo ayaa maanta u ambabaxay dalka imaaraadka Carabta, kaddib markii ay mas'uuliyiinta dalka ka heleen casuumaad rasmi ah.

Madaxweynaha iyo weftigiisa oo diyaarad khaas ah loo soo diray, ayaa maanta ka dhoofeen garoonka magaaladda Berbera, waxaanu madaxweynuhu sheegay in ujeedada safarkoodu tahay sii xoojinta xidhiidhka ka dhexeeya Somaliland iyo imaaraadka Carabka, isla markaana casuumad rasmi ah ka heleen Isku tagga -Imaaraadka.

Sidoo kale, waxa madaxweynuhu sheegay in aanu ka qaybgaleen shir la sheegay in madaxda soomaalidda loogu qabanayo Imaaraadka Carabta ka hor inta aan shirka bisha May ee London lagu qabanayo aanay gaadhin.

Madaxweynaha oo la sheegay inuu dhawr maalmood joogi doono dalkaasi, ayaan la garan karin ujeedada rasmiga ah ee loogu casuumay, inkastoo warbaahinta guduhu ay maalmahan qorayeen in imaaraadka Carabka lagu kulansiinayo madaxweynaha Somaliland iyo Madaxweynaha Soomaaliya si loo sii anbo qaado wada hadalkii u socday labadda dhinac, haseyeeshee madaxweynuhu si kooban waxa uu u sheegay inuu imaaraadka u tagayo sii xoojinta xidhiidhka ka dhexeeya labadda dhinac.

Si kastaba ha ahaatee, Imaaraadka Carabta ayaa Somaliland ka fulisay mashaariic ceel biyo ah u badan, waxanay usoo dirtay Riig lagu qodo ceelel, waxaanay imika la filayaa inay mashaariic kale oo xaga horumarka ay kala soo hadli doonaan mudada ay joogaan.

Madaxweynaha waxa safarkiisa ku wehelinaya, wasiirka Arrimaha dibadda, wasiirka Madaxtooyada, wasiirka Beeraha, wasiir ku xigeenka warfaafinta, Wasiir ku xigeenka Caafimaadka, gudoomiyaha xisbiga kulmiye, gudoomiye ku xigeenka Golaha Wakiiladda, Af hayeenka madaxtooyadda iyo marwadda kowaad Aamino Weris.









Barkhad-Ladiif  M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-03-23 2:37 PM EST
Sabti, Maarso 23, 2013 (HOL) — Barakacyaashii ku noolaa Baydhabo ayaa billaabay inay dib ugu laabtaan tuulooyinkii ay markii hore ka yimaadeen kaddib markii ay waayeen cid taakuleysa ama dib u dejin u samaysa.

2013-03-23 2:12 PM EST
Sabti, Maarso 23, 2013 (HOL) — Labo arday oo dhiganayay dugsi Qur’aan ayaa ku dhintay saddex kalena way ku dhaawacmeen kaddib markii ay ku qaraxday walax ay garaaceen sida uu sheegay guddoomiyaha deegaanka Xeraale, Bashiir Daahir Yuusuf.

2013-03-23 1:22 PM EST
Sabti, Maarso 23, 2013 (HOL) — Roobab mahiigaan ah ayaa maanta ka da'ay degaanno badan oo ka tirsan gobolka Sool iyo degaanno ku dhow-dhow oo ay ka mid tahay magaalada Buuhoodle iyo kuwo kale oo hoos yimaada deegaanka Cayn oo ay dhibaato biyo iyo la'aan ahi ay ka jirtay kaddib markii laba xili roobaad ay baaqdeen.

2013-03-23 8:24 AM EST
Sabti, Maarso 23, 2013 (HOL) — Wafdigan oo ka koobanaa sagaal xubnood ayaa waxaa ku soo dhaweeyay garoonka diyaaradaha magaalada Baladweyne mas’uuliyiinta ka tirsan maamulka gobollka Hiiraan.

2013-03-23 8:23 AM EST
Sabti, 23 Maarso, 2013(HOL) - Ciidamada nabadsugidda degmada Kismaayo ayaa maanta soo bandhigay Walxaha qarxa oo ay saaka kasoo bixiyeen mid kamid ah wadooyinka waaweyn ee magaalada Kismaayo.

2013-03-23 8:18 AM EST
Sabti, Maarso 23, 2013 (HOL) — Dowladda Mareykanka ayaa ka bixitaanka ciidamada Itoobiya ee gobollada Bay iyo Bakool ku tilmaantay tallaabo aan loo baahnayn xilligan, iyagoo ku boorriyay ciidamada dowladda iyo kuwa AMISOM inay buuxiyaan goobaha ay banneeyeen ciidamada Itoobiya.

2013-03-23 7:47 AM EST
Sabti, 23 Maarso, 2013(HOL) - Wafdi uu horkacayo gudoomiyaha maamulka KMG ee degmada Kismaayo Sheekh Axmed Max’ed Islaam (Axmed Madoobe) ayaa maanta soo gaaray magaalada Kismaayo iyagoona kasoo kicitimay magaalada Nairobi ee dalka Kenya.

2013-03-23 3:26 AM EST
Sabti, Maarso 23, 2013 (HOL) — Kooxo hubeysan ayaa saakay ku toogtay xaafadda Celdheere ee degmada Dharkeynley haweeney ka mid ahayd shaqaalaha garoonka diyaaradaha Muqdisho, gaa rahaan waaxda socdaalka, iyadoo la toogtay xilli ay u socotay shaqadeeda, waxaana mana jirto sabab la ogyahay oo loo dilay iyo cidda dilkeeda ka dambeysay.

2013-03-23 3:24 AM EST
Sabti, Maarso 23, 2013 (HOL) — Wariye Maxamuud Cabdiraxmaan Beene-Beene oo ka mid ahaa wariyeyaashii ka howlgeli jiray warbaahinta dalka, balse sannadihii ugu dambeeyay ku noolaa dalka Kenya ayaa xanuun awgiis xalay ugu geeriyooday magaalada Gaarisa ee xarunta gobolka Waqooyi-bari ee dalka Kenya.

2013-03-23 3:23 AM EST
Sabti, Maarso 23, 2013 (HOL) — Xaalad cabsi leh ayaa saakay ka taagan degmada Marko ee xarunta gobolka Shabeellada Hoose, kaddib markii uu shalay halkaas ku dhexmaray dagaal khasaare geystay askar kawada tirsan ciidamada dowladda Soomaaliya; iyadoo saakay ay degmadaas aadeen saraakiil ka tirsan kuwa dowladda.