2014-10-31
Today from Hiiraan Online:  _
Wararka Maanta- Sabti, Mar 23, 2013
Walxaha Qarxa oo laga soo saaray mid ka mid ah Waddooyinka Waa-weyn ee Magaalada Kismaayo dhexmar [SAWIRRO]




Sabti, 23 Maarso, 2013(HOL) - Ciidamada nabadsugidda degmada Kismaayo ayaa maanta soo bandhigay Walxaha qarxa oo ay saaka kasoo bixiyeen mid kamid ah wadooyinka waaweyn ee magaalada Kismaayo.

Taliyaha ciidamada nabadsugidda gobollada Jubooyinka Ismaaciil Max’ed Kheyr oo warbaahinta la hadlay ayaa sheegay in waxlaha qarxa oo isugu jira Miinooyin iyo banbaanooyin ay kasoo bixiyeen mid kamid ah wadooyinka ugu mashquulka badan ee magaalada Kismaayo.

Masuulkani ayaa sheegay in qaraxa la dhigay saanqaafka mid kamid ah guryaha ku yaal isgoyska Somali Star oo ah goob aad u mashquul badan, wuxuuna xusay in howlkalkaasi ay kusoo saareen walxahaasi qarxa ay u fududeeyeen dadka shacabka ah eek u dhaqan halkaasi.

Sidoo kale waxa uu xusay in ay dabagal ku hayaan dadkii qaraxa meesha ku qariyay islamarkaasina ay hayaan raadiid ay reebeen kooxihii qaraxa meesha ku qariyay, wuxuuna intaa ku daray in uu ku rajo weynyahay in ay gacanta kusoo dhigi doonaan.

Ugu danbeyn waxa uu ugu baaqay shacabka ku dhaqan magaalada Kismaayo in ay la shaqeeyaan ciidamada maamulka islamarkaasina ay kusoo wargeliyaan wixii ay u arkaan in ay qatar ku yihiin ammaanka.

Ma ahan markii ugu horeeysay oo ciidamada nabadsugidda Jubooyinka ay gacanta ku dhigaan walxaha qarxa oo lagu qariyay mid kamid ah wadooyinka magaalada Kismaayo, haseyeeshee dhawaan ayay ahayd markii ay Miino kasoo saareen mid kamid ah wadooyinka muhiimka ah ee magaalada Kismaayo.

 

………………….
Xasan Nuur, Hiiraan Online
hnur@hiiraan.com
Kismaayo-Soomaaliya.





Post your comments

2013-03-23 2:37 PM EST
Sabti, Maarso 23, 2013 (HOL) — Barakacyaashii ku noolaa Baydhabo ayaa billaabay inay dib ugu laabtaan tuulooyinkii ay markii hore ka yimaadeen kaddib markii ay waayeen cid taakuleysa ama dib u dejin u samaysa.

2013-03-23 2:12 PM EST
Sabti, Maarso 23, 2013 (HOL) — Labo arday oo dhiganayay dugsi Qur’aan ayaa ku dhintay saddex kalena way ku dhaawacmeen kaddib markii ay ku qaraxday walax ay garaaceen sida uu sheegay guddoomiyaha deegaanka Xeraale, Bashiir Daahir Yuusuf.

2013-03-23 1:22 PM EST
Sabti, Maarso 23, 2013 (HOL) — Roobab mahiigaan ah ayaa maanta ka da'ay degaanno badan oo ka tirsan gobolka Sool iyo degaanno ku dhow-dhow oo ay ka mid tahay magaalada Buuhoodle iyo kuwo kale oo hoos yimaada deegaanka Cayn oo ay dhibaato biyo iyo la'aan ahi ay ka jirtay kaddib markii laba xili roobaad ay baaqdeen.

2013-03-23 8:24 AM EST
Sabti, Maarso 23, 2013 (HOL) — Wafdigan oo ka koobanaa sagaal xubnood ayaa waxaa ku soo dhaweeyay garoonka diyaaradaha magaalada Baladweyne mas’uuliyiinta ka tirsan maamulka gobollka Hiiraan.

2013-03-23 8:24 AM EST
Sabti, Maarso 23, 2013 (HOL) — Madaxweynaha Somaliland Axmed Maxamed Maxamuud Siillaanyo iyo wefti balaadhan oo uu hoggaaminayo ayaa maanta u ambabaxay dalka imaaraadka Carabta, kaddib markii ay mas'uuliyiinta dalka ka heleen casuumaad rasmi ah.

2013-03-23 8:18 AM EST
Sabti, Maarso 23, 2013 (HOL) — Dowladda Mareykanka ayaa ka bixitaanka ciidamada Itoobiya ee gobollada Bay iyo Bakool ku tilmaantay tallaabo aan loo baahnayn xilligan, iyagoo ku boorriyay ciidamada dowladda iyo kuwa AMISOM inay buuxiyaan goobaha ay banneeyeen ciidamada Itoobiya.

2013-03-23 7:47 AM EST
Sabti, 23 Maarso, 2013(HOL) - Wafdi uu horkacayo gudoomiyaha maamulka KMG ee degmada Kismaayo Sheekh Axmed Max’ed Islaam (Axmed Madoobe) ayaa maanta soo gaaray magaalada Kismaayo iyagoona kasoo kicitimay magaalada Nairobi ee dalka Kenya.

2013-03-23 3:26 AM EST
Sabti, Maarso 23, 2013 (HOL) — Kooxo hubeysan ayaa saakay ku toogtay xaafadda Celdheere ee degmada Dharkeynley haweeney ka mid ahayd shaqaalaha garoonka diyaaradaha Muqdisho, gaa rahaan waaxda socdaalka, iyadoo la toogtay xilli ay u socotay shaqadeeda, waxaana mana jirto sabab la ogyahay oo loo dilay iyo cidda dilkeeda ka dambeysay.

2013-03-23 3:24 AM EST
Sabti, Maarso 23, 2013 (HOL) — Wariye Maxamuud Cabdiraxmaan Beene-Beene oo ka mid ahaa wariyeyaashii ka howlgeli jiray warbaahinta dalka, balse sannadihii ugu dambeeyay ku noolaa dalka Kenya ayaa xanuun awgiis xalay ugu geeriyooday magaalada Gaarisa ee xarunta gobolka Waqooyi-bari ee dalka Kenya.

2013-03-23 3:23 AM EST
Sabti, Maarso 23, 2013 (HOL) — Xaalad cabsi leh ayaa saakay ka taagan degmada Marko ee xarunta gobolka Shabeellada Hoose, kaddib markii uu shalay halkaas ku dhexmaray dagaal khasaare geystay askar kawada tirsan ciidamada dowladda Soomaaliya; iyadoo saakay ay degmadaas aadeen saraakiil ka tirsan kuwa dowladda.