2014-04-18
Today from Hiiraan Online:  _
Wararka Maanta- Sabti, Mar 23, 2013
Wafdi uu Hoggaaminayo Shiikh Axmed Madoobe oo Maanta Gaaray Degmada Kismaayo ee Jubbada Hoose [SAWIRRO]



Sabti, 23 Maarso, 2013(HOL) - Wafdi uu horkacayo gudoomiyaha maamulka KMG ee degmada Kismaayo Sheekh Axmed Max’ed Islaam (Axmed Madoobe) ayaa maanta soo gaaray magaalada Kismaayo iyagoona kasoo kicitimay magaalada Nairobi ee dalka Kenya.

Gudoomiyaha ayaa safarkiisa waxaa ku wehlinayay afhayeenka  maamulka KMG ee Kismaayo C/naasir Seeraar taliyaha ciidamada guutada 1-aad ee gobolka Gedo Col Cabaas Ibraahim Gureey, afhayeenka ciidamada dowladda ee gobolka Gedo Col Warfaa Sheekh Aadan iyo Saraakiil kale, waxaana markii uu wafdigu soo gaaray garoonka magaalada Kismaayo si diiran usoo dhaweeyay masuuliyiin uu ka mid yahay gudoomiye ku xigeenka maamulka KMG ee Kismaayo Yaasiin Nuur Gaas (Raadeer).

Sheekh Axmed Madoobe oo warbaahinta kula hadlay garoonka ayaa sheegay in uu aad ugu faraxsanahay in maalmo kadib uu dib ugu soo laabto magaalada, isagoona sheegay in ay si guul ah ugu soo dhamaadeen howlihii ay u tageen magaalada Nairobi ee dalka Kenya.

Masuulkani ayaa sheegay in muhiimada howlaha ay u aadeen halkaasi ay ahayd arinta shirka maamul u sameynta Jubooyinka, wuxuuna xusay in arimahaasi oo dhan ay usoo dhamaadeen ayna filayaan in shirka laga guul gaaro.

Sidoo kale Afhayeenka maamulka KMG ee Kismaayo oo isna meesha ka hadlay ayaa sheegay in howlihii ay u aadeen dalka Kenya ay si weyn ugu soo dhamaadeen, wuxuuna intaa ku daray in dhawaan ay magaalada kusoo dhaweyn doonaan wafdi ka socda dowladda Soomaaliya, kaasoo uu xusay in ay rajeynayaan in ay ka qeybqaadan doonaan dadaallada ka socda magaalada Kismaayo ee la doonayo in maamul loogu dhiso gobollada Jubooyinka.

Imaatinka wafdigan ka soca dowladda Soomaaliya ayaa kusoo beegmaya xilli maalinimada Isniinta ee fooda nagu soo heyso la filayo in magaalada Kismaayo ay soo gaaraan wafdi uu hogaaminayo ra’isul wasaaraha dowladda Soomaaliya Mudane Cabdi Faarax Shirdoon (Saacid).

 



Xasan Nuur, Hiiraan Online.
hnur@hiiraan.com
Kismaayo-Soomaaliya.





Post your comments

2013-03-23 2:37 PM EST
Sabti, Maarso 23, 2013 (HOL) — Barakacyaashii ku noolaa Baydhabo ayaa billaabay inay dib ugu laabtaan tuulooyinkii ay markii hore ka yimaadeen kaddib markii ay waayeen cid taakuleysa ama dib u dejin u samaysa.

2013-03-23 2:12 PM EST
Sabti, Maarso 23, 2013 (HOL) — Labo arday oo dhiganayay dugsi Qur’aan ayaa ku dhintay saddex kalena way ku dhaawacmeen kaddib markii ay ku qaraxday walax ay garaaceen sida uu sheegay guddoomiyaha deegaanka Xeraale, Bashiir Daahir Yuusuf.

2013-03-23 1:22 PM EST
Sabti, Maarso 23, 2013 (HOL) — Roobab mahiigaan ah ayaa maanta ka da'ay degaanno badan oo ka tirsan gobolka Sool iyo degaanno ku dhow-dhow oo ay ka mid tahay magaalada Buuhoodle iyo kuwo kale oo hoos yimaada deegaanka Cayn oo ay dhibaato biyo iyo la'aan ahi ay ka jirtay kaddib markii laba xili roobaad ay baaqdeen.

2013-03-23 8:24 AM EST
Sabti, Maarso 23, 2013 (HOL) — Wafdigan oo ka koobanaa sagaal xubnood ayaa waxaa ku soo dhaweeyay garoonka diyaaradaha magaalada Baladweyne mas’uuliyiinta ka tirsan maamulka gobollka Hiiraan.

2013-03-23 8:24 AM EST
Sabti, Maarso 23, 2013 (HOL) — Madaxweynaha Somaliland Axmed Maxamed Maxamuud Siillaanyo iyo wefti balaadhan oo uu hoggaaminayo ayaa maanta u ambabaxay dalka imaaraadka Carabta, kaddib markii ay mas'uuliyiinta dalka ka heleen casuumaad rasmi ah.

2013-03-23 8:23 AM EST
Sabti, 23 Maarso, 2013(HOL) - Ciidamada nabadsugidda degmada Kismaayo ayaa maanta soo bandhigay Walxaha qarxa oo ay saaka kasoo bixiyeen mid kamid ah wadooyinka waaweyn ee magaalada Kismaayo.

2013-03-23 8:18 AM EST
Sabti, Maarso 23, 2013 (HOL) — Dowladda Mareykanka ayaa ka bixitaanka ciidamada Itoobiya ee gobollada Bay iyo Bakool ku tilmaantay tallaabo aan loo baahnayn xilligan, iyagoo ku boorriyay ciidamada dowladda iyo kuwa AMISOM inay buuxiyaan goobaha ay banneeyeen ciidamada Itoobiya.

2013-03-23 3:26 AM EST
Sabti, Maarso 23, 2013 (HOL) — Kooxo hubeysan ayaa saakay ku toogtay xaafadda Celdheere ee degmada Dharkeynley haweeney ka mid ahayd shaqaalaha garoonka diyaaradaha Muqdisho, gaa rahaan waaxda socdaalka, iyadoo la toogtay xilli ay u socotay shaqadeeda, waxaana mana jirto sabab la ogyahay oo loo dilay iyo cidda dilkeeda ka dambeysay.

2013-03-23 3:24 AM EST
Sabti, Maarso 23, 2013 (HOL) — Wariye Maxamuud Cabdiraxmaan Beene-Beene oo ka mid ahaa wariyeyaashii ka howlgeli jiray warbaahinta dalka, balse sannadihii ugu dambeeyay ku noolaa dalka Kenya ayaa xanuun awgiis xalay ugu geeriyooday magaalada Gaarisa ee xarunta gobolka Waqooyi-bari ee dalka Kenya.

2013-03-23 3:23 AM EST
Sabti, Maarso 23, 2013 (HOL) — Xaalad cabsi leh ayaa saakay ka taagan degmada Marko ee xarunta gobolka Shabeellada Hoose, kaddib markii uu shalay halkaas ku dhexmaray dagaal khasaare geystay askar kawada tirsan ciidamada dowladda Soomaaliya; iyadoo saakay ay degmadaas aadeen saraakiil ka tirsan kuwa dowladda.