2014-11-27
Today from Hiiraan Online:  _
Wararka Maanta- Sabti, Mar 2 , 2013
Macallin Maxamed Dida oo soo Booqday xafiiska Hiiraan Online ee Magaalada Nairobi ee Xarunta Dalka Keny


DIDA3.jpg

Sabti, March 02, 2013 (HOL) - Iyadoo maalinta isniinta ah ay dadka waddanka Kenya u dareerayaan goobaha codbixinta ayaa Mid kamid ah 8-da musharrax ee u taagan doorashada madaxtinnimida ee dalka Kenya uu soo booqday xafiiska Hiiraan Online ay ku leedahay magaalada Nairobi.

Macallim Maxamed Dida oo ah musharrixii ugu horreeyay ee kasoo jeeda gobolka waqooyi bari ee Soomaalida oo isu soo taaga xilka madaxtinnimada Kenya oo waraysi dheer siiyay Hiiraan Online ayaa rajo ka muujiyay inuu ku guulaysan doono doorashada dhici doonta maalinta isniinta ah.

"Waxaan hubaa inaan ku guulaysan doono wareega koowaad, doorashada dhacaysa maalinta isniinta ah" ayuu yiri Dida.

"Waxaa i taageersan oo aan qalbigooda taabtay dhalinyarada iyo dadka danyarta ah, iyagaana ugu badan kuwa codaynaya" ayuu ku jawaabay mar aan waydiinay sababta ku kulliftay inuu fisho guul lama filaan ah maadaama ay Soomaalidu yihiin dad laga tirabadanyahay,inta doorashada isu diwaangalisayna ay tahay 300.000 oo kaliya, halka dadka guud ee codaynaya ay yihiin 14 milyan.

Maxamed Dida oo horay u ahaan jiray macallin iskuul ayaa ka yaabiyay dadka Kenyaanka ah markii uu doorashada isu soo taagay, isagoo si kululna u weeraray siyaasiyiinta dalka markii uu ka qaybgalayay doodo dhex maray musharrixiinta oo si toos ah loogala socday telefishinnada iyo idaacadaha.

Waxaase uu sheegay inuu taageero siyaasadeed iyo mid dhaqaalaba ka helay Soomaalida waddanka Kenya, isagoo sheegay in ay taageeradaasi ahayd mid ka imaanaysay oo kaliya dadka shacabka ah iyo qaar kamid ah ganacsatada, balse ay siyaasiyiinta Soomaalida Kenya u arkayeen inuu yahay nin khatar ku ah iyaga.

"Siyaasiyiintu ima soo dhawayn, waxayna u arkeen inaan codka la qaybsanayo xisbiyada ay ku jiraan, balse anigu waxaan sameeyay xisbiga la yiraahdo Alliance for real change oo aan doonayo inaan Soomaalida iyo Kenyaanka kaleba xaqooda ugu soo dhiciyo" ayuu yiri.

Qaar kamid culumada muslimiinta dalka Kenya ayaa ku baaqay inay waajib diini ah tahay in la taageero musharraxan maadaama uu yahay musharrixii ugu horreeyay ee muslim ah oo u soo istaaga xilkan

"Waa waajib diini ah in loo codeeyo ninkan, waayo wuxuu soo celinayaa xaqa dadka muslimiinta ah ee Kenya oo aan waligood madaxweyne ka noqon dalkan" ayuu yiri Sheekh Jacfar Xaaji Cali oo kamid culimada dalka Kenya.

Inkastoo uu Dida aaminsanyahay inuu ku guulaysan doono doorashada ayaa haddana rayi uruurinta la sameeyay ay muujinaysaa inay ugu cadcadyihiin, Ra'iisul wasaaraha haatan talada haya Ra'ila Odinga iyo ku xigeenkiisa Uhuru Kenyatta oo uu dhalay madaxweynihii ugu horreeyay ee dalka Kenya.

DIDA2.jpg

Axmed C/samad, Hiiraan Online
asamad@hiiraan.com
Nairobi , Kenya




Post your comments

2013-03-02 1:37 PM EST
Sabti, Maarso 02, 2013 (HOL) — Guddoomiye ku xigeenka maamulka KMG ah ee Kismaayo, Yaasiin Nuur Gaas ayaa sheegay in maamul u sameynta gobollada Jubbooyinka iyo Gedo uu si wanaagsan u socdo, isagoo sheegay in ergooyinka qaarkood ay weli kusoo wajahan yihiin Kismaayo.

2013-03-02 1:04 PM EST
Sabti, Maarso 02, 2013 (HOL) — Ururka Ahlusunna Waljamaaca ayaa ku doortay maanta degmada Guriceel ee gobolka Mudug guddoomiyaha cusub ee golaha talada, kaasoo loo doortay Cabdi Cali Fiidow kaddib shir dhow casho soo socday.

2013-03-02 12:45 PM EST
Sabti, Maarso 02, 2013 (HOL) — Wafdi ka socday Midowga Yurub oo uu hoggaaminayay ku xigeenka xoghayaha guud ee Midowga u qaabilsan howlaha dibadda, Maciej Popowski ayaa maanta soo gaaray Muqdisho, kuwaasoo kulammo la yeeshay wasiirro ka tirsan dowladda Soomaaliya.

2013-03-02 12:13 PM EST
Sabti, Maarso 02, 2013 (HOL) — Qoysas barakacayaal ah oo tiradoodu tahay 450 qoys oo ku nool degmada Laascaanood, Xuddun iyo Taleex kuwaasoo ka wada-tirsan gobolka Sool ayaa loo qaybiyay lacago ay ku deeqeen hay’adaha USAID iyo CARE International, taasoo soo martay hay’adda waddaniga ah ee SVO.

2013-03-02 11:12 AM EST
Sabti, Maarso 02, 2013 (HOL) — Maxkamadda ciidamada Puntland -laanteeda gobolka Nugaal - ayaa maanta xukuntay 2 nin oo ku eedeysnaa in ay ka tirsan yihiin xarakada Al-shabaab. Nimankan oo lagu kala magacaabo Cabdirisaaq Xasan Tahliil iyo Maxamuud Nuux Adam ayaa lagu ridey xukun dil ah.

2013-03-02 7:33 AM EST
Sabti, Maarso 02, 2013 (HOL) — Kooxo aan la aqoonsan ayaa bam-gacmeed ku weeraray duhurnimadii maanta xarunta Radio Baydhabo oo ku yaalla xaafadda Cadaadda ee magaalada Baydhabo, iyadoo qaraxaas uusan geysan wax khasaare ah.

2013-03-02 7:27 AM EST
Sabti, Maarso 02, 2013 (HOL) — Xildhibaanad Faadumo Jaamac Ileeya oo ka mid ah golaha Guurtidda Somaliland, ayaa maanta laga aqbalay iscasilaad ay golaha u soo gudbisay ka dib markii afar sanadood ay kali ku ahayd golaha Guurtidda.

2013-03-02 7:09 AM EST
Sabti, Maarso 02, 2013 (HOL) — Madaxweynaha Soomaaliya, Xasan Sheekh Maxamuud ayaa maanta furay kal-fadhigii labaad ee baarlamaanka Somalia isagoo khudbad dhinacyo badan taabanaysay ka jeediyay munaasabad loogu talo-galay in lagu furo kalfadhigan.

2013-03-02 6:47 AM EST
Sabti, Maarso 02, 2013 (HOL) — Duqa magaalada Baladweyne, Maxamed Xassan Nuur oo sadaxdii cisho ee lasoo dhaafayba ku xirnaa saldhiga magaalada Baladweyne ayaa markii ugu horeysay waxaa xarigiisa ka hadllay saraakiisha maamulka gobolka.

2013-03-02 6:39 AM EST
Sabti, Maarso 02, 2013 (HOL) — Qaar ka mid ah gaadiidleyda Basaska loo yaqaan ayaa kordhiyey qiimaha gaadiidkoodda lagu raaco, kuwaas oo ka dhigay laba kun oo shilin Somaliland ah, halka uu markii hore ka ahaa kun iyo shan boqol SHSL (1500).

2013-03-02 2:09 AM EST
Sabti, Maarso 02, 2013 (HOL) — Saraakiisha ciidamada Midowga Afrika ee AMISOM ayaa cambaareeyay weerarradii ismiidaaminta ahaa ee shalay ka maqaayad ku taalla xeebta Liido ee magaalada Muqdisho, kaasoo dilay laba qof oo uu ku jiro qofkii weerarka fuliyay, dhaawacayna toddoba qof oo kale.

2013-03-02 1:16 AM EST
Sabti, Maarso 02, 2013 (HOL) — Madaxweynaha dalka Jabuuti, Ismaaciil Cumar Geelle ayaa ka hadlay markii ugu horreysay rabshado ka dhashay doorashooyinkii baarlamaaniga ahaa ee ka dhacay dalkaas, isagoo xusay in dowladdu aysan ogolaan doonin in dhibaatooyin laga buuro magaalada.