2014-08-20
Today from Hiiraan Online:  _
Wararka Maanta- Jimco, Mar 1 , 2013
Xoogag Taabacsan Xarakada Al-shabaab oo Ganacsade caan ahaa ku toogtay Deegaanka Awdiinle ee Gobolka Bay


Jimco, Maarso 01, 2013 (HOL) — Xoogag taabacsan ururka Al-shabaab ayaa maanta ku dilay deegaanka Awdiinle ee gobolka Bay ganacsade lagu magacaabi jiray, Aadan Shariif, kaddib markii ay kala dageen gaari uu la socday.

Goobjoogayaal ayaa sheegay in kooxaha hubeysan ee Al-shabaab ka tirsan ay isla goobta ku dileen ganacsadaha, iyadoo wararku ay sheegayaan in ganacsadaha la dilay uu xilligaas hooyadiis oo xanuunsan u waday degmada Ufuroow ee gobolka Bay.

Marxuum Aadan Shariif ayaa wuxuu xilligii dowladdii C/llaahi Yuusuf uu ka mid ahaa maamulka degmada Ufurow; laakiin sannadaha dambe wuxuu ka mid ahaa ganacsatada xoolaha ee sida weyn looga yaqaan gobolka.

Deegaanka Awdiinle oo Baydhabo ka xigta Koonfur 30-km ayaa noqatay meesha ugu dilka badan toddobaadyadii lasoo dhaafay , iyadoo dhowr qof lagu dile, qaar kalena lagu gowracay, waxaana deegaankan mara waddo muhiim ah oo isku xirta degmooyinka gobolka Bay qaarkood.

Habeen hore ayaa waxaa deegaankan ka dhacay dagaal culus oo u dhexeeyay ciidamada dowladda Soomaaliya iyo xoogagga Al-shabaab kaasoo sababay dhimasho iyo dhaawac labada dhinac soo kala gaartay.

Gobolka Bay ayaa waxaa ka kala taliyay ciidamada dowladda Soomaaliya oo gacan ka helaya kuwa AMISOM iyo Itoobiya iyo Al-shabaab, iyadoo ay soo krodhayeen dagaallada labada dhinac ku dhexmaraya degmadaas.

Hiiraan Online, Baydhabo





Post your comments

2013-03-01 11:57 AM EST
Jimco, Maarso 01, 2013 (HOL) — Maxkamadda ciidammada qalabka sida ee dowladda Soomaaliya ayaa xukunno dil ah ku ridday askar ka tirsan ciidamada dowladda, kuwaasoo horay u geystay dambiyo kala duwan oo ay ku jiraan dilal.

2013-03-01 11:10 AM EST
Jimco, Maarso 01, 2013 (HOL) — Qaar ka mid ah 135-tii oday dhaqameed ee soo xulay xildhibaannada baarlamanka Soomaaliya oo maanta kulan ku yeeshay magaalada Muqdisho ayaa kulankooda kaga hadlay xaaladda uu dalku marayo, dagaalladii Jubbooyinka xildhibaanno la sheegay inay wadaan mooshin ka dhan ah xukuumadda iyo waxqabadka dowladda Soomaliya inta ay jirtay.

2013-03-01 9:45 AM EST
Jimco, Maarso 01, 2013 (HOL) — Laba qarax oo waaweyn ayaa ka dhacay maqaayad ku taal xeebta Liido oo lagu magacaabo Indian Ocean iyadoona qaraxyadaasi ay sababeen khasaarooyin isugu jira dhimasho iyo dhaawac.

2013-03-01 9:09 AM EST
Jimco, March 01, 2013(HOL) - Ra’iisul wasaare ku xigeenka ahna wasiirka arrimaha dibadda ee Soomaaliya marwo Fawziya Yuusuf Xaaji Aadan ayaa ka qaybgashay shir ay yeesheen qaar kamid ah wasiirrada arrimaha dibadda ee wadamada ku bahoobay urur goboleedka IGAD.

2013-03-01 8:58 AM EST
Jimco, Maarso 01, 2013 (HOL) — Ra’isul wasaaraha xukuumadda Federaalka Soomaaliya Cabdi Faarax Shirdoon (Saacid) ayaa markii ugu horeeysay sheegay in xukuumadiisu ay kasoo horjeedo habka uu u socdo shirka maamul u sameynta gobollada Jubooyinka ee maalinimadii shalay ka furmay magaalada Kismaayo ee xarunta gobolka J/hoose.

2013-03-01 2:50 AM EST
Jimco, Maarso 01, 2013 (HOL) — Ururka Midowga Yurub ayaa sheegay inay si dhaqso badan ugu rarayaan howsha tababaridda ciidamada Soomaaliya gudaha magalada Muqdisho ee xarunta Soomaaliya, halkaasoo lagu tababari doono ciidamada Soomaaliya.

2013-03-01 2:36 AM EST
Jimco, Maarso 01, 2013 (HOL) — Qiimaha Shiidaalka, gaar ahaan Naaftadda ayaa qiimahoodii kor u kacay Somaliland, taas oo keentay in gaadiidleydii magaaladda u kala gooshta iyo shirkadihii Laydhka ku hanjabaan inay qiimaha ay dadka ka qaadi jireen ku kordhin doonaan shacabka haddii aan wax laga qaban.

2013-03-01 2:33 AM EST
Jimco, Maarso 01, 2013 (HOL) — Bannaabax looga soo horjeedo doorashadii ka dhacday dalka Jabuuti iyo siyaasiyiinta lagu xir-xiray dalkaas ayaa lagu qabtay magaalada Ottawa. Bannaanbaxaas ayaa waxaa soo qaban-qaabiyay jaaliyadda reer Jabuuti ee ku nool magaalada Ottawa ee dalka Kanada.

2013-03-01 2:16 AM EST
Jimco, Maarso 01, 2013 (HOL) — Bandhig faneed ay ka qaybgaleen boqolaal qof oo loogu talo-galay in dhaqaalaha kasoo baxa lagu caawiyo caruurta darbiyo jiifka ah ayaa xalay lagu qabtay magaalada Muqdisho ee xarunta Soomaaliya.

2013-03-01 2:14 AM EST
Jimco, Maarso 01, 2013 (HOL) — Ciidamadda sida gaar ah u tobabaran ee loo yaqaan RRU-da oo ay wehelinayaan ciidamadda sirdoonka Somaliland, ayaa habeen hore xilli dambe baadhitaan xoogan ku sameeyey guryo shacab ah oo ku yaala degmadda 26 june ee magaaladda Hargeysa.

2013-03-01 1:57 AM EST
Jimco, Maarso 01, 2013 (HOL) — Gabdho Soomaliyeed oo wax ka barta dlaka Suudaan ayaa soo bandhigay hiddaha iyo dhaqanka Soomaalida oo ay ku jiran habka cunno-karinta, fanka iyo sidoo kale dharka ay Soomaalidu xirntaan.