2014-07-23
Today from Hiiraan Online:  _
Wararka Maanta- Sabti, Jun 8 , 2013
SEERAAR: “Dagaalladii Kismaayo ka dhacay Waxay ahaayeen Shirqoollo ay soo abaabushay Dowladda waana fashilinnay”



Sabti, Juun 08, 2013 (HOL) — Afhayeenka kooxda Raaskambooni ee uu hogaaminayo Sheekh Axmed Maxamed Islaam (Sheekh Axmed Madoobe) ayaa sheegay in dagaalladii ka dhacayay Jimichii shalay iyo Sabtidii maanta ay ahaayeen shir-qoollo ay soo abaabushay dowladda Soomaaliya ayna ku guuleysteen inay fashiliyaan.

C/naasir Seeraar Maax ayaa sheegay in la hubeeyay dad la doonayay in lagu fashiliyo maamulka Jubbaland oo ay ku jireen 140 Al-shabaab ka tirsan oo uu sheegay inay ahaayeen kuwo ay hubeysay dowladda Soomaaliya si ay ugu carqaladeyso maamulka Jubbaland iyo deggenaashaha Kismaayo.

“Dagaalladii ka dhacay Kismaayo waxay ahaayeen kuwo ay soo abaabushay dowladda Soomaaliya waana fashilinnay,” ayuu C/naasir Seeraar ku sheegay wareysi uu siiyay BBC-da isagoo sheegay inay guud ahaan magaalada iyagu gacanta ku hayaan.

Seeraar ayaa eedeyn dusha uga tuuray wasiirka gaashaandhigga Soomaaliya, Cabdixakiin Maxamuud Xaaji Fiqi oo hadda ku sugan Kismaayo, isagoo xusay inuu magaalada soo geliyay xubnaha Al-shabaab ka tirsan . Sidoo kalena wuxuu eedeeyay wasiirka arrimaha gudaha iyo amniga Qaranka, Cabdikariin Xuseen Guuleed.

“Magaalada Kismaayo waxaa gacanta ku haya maamulka Jubaland waxaana u mahadcelinayaa ciidamada Raaskambooni oo ka hortagay shirqoolka la doonayay in lagu carqaladeeyo amniga magaalada laguna dhibaateeyo shacabka ku nool,” ayuu Seeraar ku yiri wareysigiisa.

Su’aal ahayd sababta ay magaalada ugu garaaceen hoobiyeyaasha ayuu kaga jawaabay in magaalada ay ka dagaalamayeen Al-shabaab ayna qasab tahay in loo adeegso hoobiyeyaal iyo hub kale oo culus si looga saaro.

Xukuumadda Soomaaliya ayaa tan iyo shalay ku baaqaysay in la joojiyo dagaallada ka socda Kismaayo wax walbana lagu dhameeyo wadahadal iyo nabad, balse dowladdu weli wax jawaab ah kama bixin eedeeynta uu u soo jeediyay afhayeenka Raaskambooni ee ah inay hubeeyeen kooxo ay doonayeen inay kaga hortagaan maamulka Jubbaland.

Dhanka kale, mas'uulkii hoggaaminayay ciidamadii xoogagga Raaskambooni kula dagaalamay Kismaayo, Iftiin Xasan Baasto oo isaguna BBC-da la hadlayay ayaa sheegay inuu ku sugan yahay gudaha magaalada Kismaayo dagaalkuna uusan weli dhammaan.

“Qaybo ka mid ah magaalada innaga ayaa gacanta ku hayna, waxaana dagaalka sababay cadaadis ay kooxda Raaskambooni ku hayeen shacabka ku nool Kismaayo. Waayo dagaalku wuxuu ka billowday qorshe la doonayay in aniga la igu qafaasho,” ayuu yiri Baasto.

Si kastaba ha ahaatee, dagaalladii maanta ka dhacay magaalada Kismaayo oo ahaa mid culus ayaa waxaa ku dhintay inta la ogyahya 18-qof oo isugu jira shacab iyo dhinacyadii dagaalamayay, tiro intaas ka badanna way ku dhaawacmeen, iyadoo dadka qarkoodna ay billaabeen inay guryahooda ka barakacaan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-06-08 3:10 PM EST
Sabti, Juun 08, 2013 (HOL) — Afhayeenka guud ee Al-shabaab, Sheekh Cali Maxamuud Raage (Sheekh Cali Dheere) oo la hadlayay idaacado taageera Al-shabaab ayaa sheegay maanta inay gacanta ku hayaan ciidammo ka tirsan kuwa Midowga Afrika ee AMISOM.

2013-06-08 2:53 PM EST
Sabti, Juun 08, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa maanta xafiiskiisa ku qaabilay wefti ganacsato ah oo ka socda dalka Yeman.

2013-06-08 2:08 PM EST
Sabti Juun 8, 2013 (HOL) - Wariye Ibraahim Cumar Baafo ayaa wareysi la yeeshay Col. Iftiin Xasan Baasto, Madaxweynaha Jubalanda ee dhawaan lagu doortay magaalada Kismayo.

2013-06-08 10:53 AM EST
Sabti, Juun 08, 2013 (HOL) — Ugu yaraan lix qof oo ka kala tirsan AMISOM iyo Al-shabaab ayaa ku dhintay dagaal culus oo ciidamada Midowga Afrika iyo kuwa Al-shabaab maanta ku dhexmaray deegaan ku yaalla duleedka degmada Buurhakaba oo lagu magacaabo Buundo-Madow.

2013-06-08 10:36 AM EST
Sabti, Juun 08, 2013 (HOL) — Ciyaartoyga gobolka Togdheer oo maanta la ciyaari lahaa gobolka Sool, ayaa xabsiga loo taxaabay ka dib markii ay ku kaceen falal ka hor imanaya habsami u socodka tartanka kubadda cagta.

2013-06-08 10:29 AM EST
Sabti, Juun 08, 2013 (HOL) — Madaxweynaha Soomaaliya, Xasan Sheekh Maxamuud oo maanta dib ugu soo laabtay Muqdisho ayaa ugu baaqay dadka Soomaaliyeed inay la shaqeeyaan ergeyga cusub ee xoghayaha guud ee QM uu u soo magacaabay Soomaaliya iyo xafiiskiisa cusub ee UNSOM.

2013-06-08 10:05 AM EST
Sabti, June 08, 2013(HOL) :- Ciidamadii taabacsan maamulka uu hogaamiyo Sheekh Axmed Max’ed Islaam (Axmed Madoobe) ayaa maanta si buuxda ula wareegay gacan ku heynta magaalada Kismaayo kadib dagaal qaraar oo ay gudaha magaalada kula galeen ciidamo taabacsanaa Iftiin Xasan oo ka mid ah masuuliyinta sheeganeeysa madaxweeynenimada Jubbaland.

2013-06-08 8:10 AM EST
Sabti, Juun 08, 2013 (HOL) — Ciidamadda amniga Somaliland ayaa hawlgalo balaadhan oo ay dad ku soo qabqabteen ka fulinayey maalmihii ina dhaafay magaaladda Hargeysa iyo Burco, kuwaas oo baadhitaankoodu ka socdo xarumaha dambibaadhista ee magaalooyinkaasi.

2013-06-08 8:06 AM EST
Sabti, Juun 08, 2013 (HOL) — Ugu yaraan 10-qof oo dhinacyadii dagaalku u dhexeyay iyo shacab isugu jira ayaa ku dhintay dagaal saaka oo Sabti ah ka qarxay bartamaha magaalada Kismaayo, kaasoo u dhexeeya mas’uuliyiin isku haysta xilka madaxweynenimo ee maamulka Jubbaland oo bishii hore looga dhawaaqay Kismaayo.

2013-06-08 7:48 AM EST
Sabti, Juun 08, 2013 (HOL) — Qarax miino oo khasaare geystay ayaa maanta lagula eegtay degmada Dayniile ee gobolka Banaadir mas’uuliyiin ka tirsan maamulka gobolka Banaadir oo uu hoggaaminayay guddoomiye ku xigeenka maamulkaas, Cali Axmed Guure.

2013-06-08 3:15 AM EST
Sabti, Juun 08, 2013 (HOL) — Deeqdaan waxbarasho oo gaaraysa illaa labo kun oo doolarka Mareykanka ah, ayna iska soo ururiyeen dhallinyaro Soomaali ah hay’ad lagu magacaabo Shanta Foundation ayaa waxaa la guddoonsiiyey labo gabdhood oo ka mid ah arday wax ka barata mid ka mid ah iskuullada sare ee ay Soomaalidu maamusho ee ku yaala gobolka Minnesota.

2013-06-08 2:47 AM EST
Sabti, Juun 08, 2013 (HOL) — Dagaal culus oo la isku adeegsanayo hubka noocyadiisa kala duwan ayaa ka qarxay goor-dhow bartamaha magaalada Kismaayo ee xarunta gobolka Jubbada Hoose, dagaalkan oo daba socda dagaalkii shalay.