3/28/2024
Today from Hiiraan Online:  _
Wararka Maanta- Khamiis, Jun 6 , 2013
Munaasabad lagu maamuusayay aasaaskii ciidamada xoogga dalka Jabuuti oo lagu qabtay Magaalada Baladweyne (SAWIRRO)


Khamiis, Juun 06, 2013 (HOL) — Munaasabad si qurux badan loo soo agaasimay laguna maamuusayay 36 sano guuradii ka soo wareegatay aas-aaska ciidamada xoogga dalka Jabuuti, ayaa lagu qabtay xerada Ceel-jaalle ee dulleedka magaalada Baladweyne oo saldhig u ah ciidamada Jabuuti ee howlgalka midowgga Africa AMISOM.

Munaasabada waxaa ka soo qeyb-gallay mas'uuliyiinta maamulka dowladda ee gobollka Hiiraan, saraakiisha ciidamada Itoobiya, odayaal dhaqameed, aqoonyahanno iyo dad ka kooban qeybaha bulshada oo lagu marti-qaaday munaasabada xuska aas-aaska ciidamada xoogga dalka Jabuuti.

Col. Cismaan Dubad taliyaha ciidamada Jabuuti ee  ku sugan magaalada Baladweyne ee xarunta gobolka Hiiraan ayaa ka warbixiyay waxqabadka ciidamada Jabuuti ee qeybta ka ah howlgalka midowgga Africa  oo sda uu sheegay marka laga soo tago sugida amniga iyo tababarada ay u fidiyeen ciidamada maamulka gobolka, dhinaca kale wax badan ka qabtay adeegyada bulshada iyo gacan siinta shacabka ku dhaqan magaalada Baladweyne waqtiyadii adkaa ee la soo maray sida fatahaadii wabiga shabeelle uu ka sameeyay xaafaddaha magaalada Baladweyne dabayaaqadii sanadkii aynu soo dhaafnay, iyaga oo ku guuleystay in qoysas badan ka soo saaraan xaafaddihii ay ku noolaayeen kadib markii ay biyuhu go'doomiyeen.

Sidoo kale, waxaa xusid mudan marka laga hadllayo waxqabadka ciidamada Jabuuti gargaarkii ay u fidiyeen dhawaan dadkii uu soo ritay cudurka shuban-biyoodka, iyaga oo xarumo caafimaad ka hergaliyay dulleedka magaalada Baladweyne  oo si bilaash ah ama lacag la'aan ah dadka loogu daweynayay.

''Marka laga soo tago howlgalka aynu qeybta ka nahay ee AMISOM,waxaa saaran ciidamada Jabuuti waajibaad intaa dhaafsiisan oo ah in aan shacabka walaalaha aynu nahay ee Soomaaliyeed wax kala qabano dhibaatooyinka mar walba la soo darsa, haddii ay ahaan laheyd xag caafimaad, mid bulsho iyo marka ay jiraan miisoobooyinka dabiiciga sida fatahaadaha  iyo abaaraha oo mudadii aynu halkan joognay ka sameynay hormar ballaaran oo la taaban karo,'' ayuu yiri Col. Cismaan Dubad.

Abaanduulaha guud ee ciidamada AMISOM Jen. Cismaan Subaglle oo ka hadllay munaasabada ayaa ku booriyay ciidamada Jabuuti in ay gutaan waajibaadka saaran, islamarkaana ka qeyb-qaataan xasilinta guud ahaan Soomaaliya, gaar ahaan gobollka Hiiraan oo ay ka howlgalaan ciidamada.

Guddoomiyaha maamulka gobollka Hiiraan Cabdi Faarax Laqanyo oo la soo xiriiray xafiiska Hiiraan Online ee magaalada Baladweyne  isaga oo jooga magaalada Muqdisho ayaa ugu hanbalyeeyay dowladda Jabuuti iyo guud ahaan shacabka reer Jabuuti 36 sano guuradii ka soo wareegtay aas-aaskii ciidamada xoogga dalka Jabuuti, gaar ahaan  waxaa uu hanbalyo u dirray ciidamada Jabuuti ee  ku sugan magaalada Baladweyne.

''Waxaan leeyahay hanbalyo dowladda Jabuuti iyo guud ahaan ciidamada, runtii waxaan rabaa in aan si gaar ah hanbalyo ugu dirro ciidamada Jabuuti ee ka howlgalka gobollka Hiiraan oo aan oran karo wax badan oo muuqda ayeey qabteen mudadii ay gobollka ku sugnaayeen xag amni iyo bani'aadanimo intaba, sidaa daraadeed waan u hanbalyeeynayaa,'' ayuu yiri guddoomiyaha maamulka gobollka Hiiraan.

Qeybaha bulshada ku dhaqan magaalada Baladweyne ayaa marka aad sheekeysato siweyn u soo dhaweynaya joogitaanka ciidamada Jabuuti ee gobollka Hiiraan iyaga oo si gaar ah farta ugu fiiqaya amniga oo ay wax badan ka qabteen kadib markii ay soo saareen ciidamo tababar fiican qaba wax badanna ku guuleystay in ay salka ku dhigaan nabad-galyada magaalada Baladweyne.

Intii ay munaasabadu soctay waxaa halkaa lagu soo bandhigay muuqalo ka tarjumaya wax qabadka ciidamada Jabuuti iyo guulihii ay gaareen mudadii ay ku sugnaayeen gobollka Hiiraan, sida sugida amniga, dhismaha ciidamada, xoojinta iyo tayeeynta ururada bulshada, sida dhalinyarrada, gacan siinta dadka dhibaateysan, hormarinta adeegyada bulshada gaar ahaan caafimaadka iyaga oo marar badan kaalmo kala duwan gaarsiiyay isbitaalka guud ee magaalada Baladweyne.

Ciidamada xoogga dalka Jabuuti ayaa waxaa la aas-aasay sanadkii 1977-kii oo hadda laga joogo 36 sano.




C/raxmaan Diini, Hiiraan Online
[email protected]
Baladweyne, Soomaaliya













Click here
6/6/2013 2:39 PM EST
Khamiis, Juun 06, 2013 (HOL) —Prof Axmed Ismaaciil Samatar ayaa maanta kulan la qaatay ardayda wax ka barata Jaamacadda Camuud ee magaalada Boorama. Kulanka ardeyda iyo Prof. Samatar ayaa waxaa sidoo kale kasoo qayb galay maamulka jaamacadda iyo mas’uuliyiin ka tirsan golaha wasiirrada Somaliland.

6/6/2013 2:06 PM EST
Hees: Dhibaatada Haysata Soomaalida Ku nool Koofur Afrika

6/6/2013 11:18 AM EST
Khamiis, June 06, 2013(HOL) :- Wafdi uu hogaaminayo Sheekh Axmed Max’ed Islaam (Axmed Madoobe) oo isagu dhawaan gudaha Kismaayo loogu doortay madaxweeynaha Jubbaland ayaa maanta u ambabaxay magaalada Nairobi ee dalka Kenya.

6/6/2013 9:03 AM EST
Khamiis, Juun 06, 2013 (HOL) — Afar qof ayaa ku dhimatay todoba kalena dhaawacyo kala duwan ayaa kasoo gaarey Shil-gaari oo saqdii dhexe ee xalay ka dhacay meel 180-km magaalada Boosaaso bariga kaga aadan.

6/6/2013 9:01 AM EST
Khamiis, Juun 06, 2013 (HOL) — Golaha wasiirrada Soomaaliya oo maanta kulankoodii toddobaadlaha ahaa ku yeeshay Muqdisho ayaa waxay kaga hadleen dhirirka xuduudaha badda Soomaaliya, iyagoo go’aanno arrintaas kasoo saaray go’aanno. Iyadoo warsaxaafadeed kasoo baxay kulanka lagu yiri:

6/6/2013 7:26 AM EST
Khamiis, Juun 06, 2013 (HOL) — Koox burcad-badeed Soomaali ah ayaa dooni laga leeyahay dalka Hindiya ka qabsaday gelinkii hore ee shalay meel 20 mayl u jirta dekedda magaalada Boosaaso ee xarunta gobolka Bari.

6/6/2013 7:16 AM EST
Khamiis, Juun 06, 2013 (HOL) — Hay’adda Samafalka waddaniga ah ee HARO (Humanitarian Africa Relief Organization) ayaa deeq isugu jirtay dhar, kabo iyo booroosooyin ah u qaybisay dad dan-yar ah oo ku nool degmada wadajir ee gobolka Banaadir, waxaana dad deeqdan ka faa’iideysatay ay kor u dhaafayeen illaa 1,000 qof oo isugu jiray qaybaha kala duwan ee bulshada.

6/6/2013 6:37 AM EST
Khamiis, Juun 06, 2013 (HOL) — Madaxweynaha Somaliland, Axmed Maxamed Maxamuud (Siilaanyo) oo wareysi gaar ah siiyay Tv-ga Al-Jazeera ayaa sheegay in Somaliland loo aqoonsado dal madax-bannaan aysan ahayn mid fudud, balse caalamka ay kala dhexeyso wadashaqeyn dhab ah.

6/6/2013 6:11 AM EST
Khamiis, Juun 06, 2013 (HOL) —Laba ciyaarood oo aad u adag, ayaa shalay iyo xalayba ka dhacay garoomadda ciyaaraha ee magaalada Hargeysa, waxaana iskaga hor yimid goboladda Gabiley iyo Togdheer, Awdal iyo Sool, Saaxil iyo Togdheer.

6/6/2013 6:08 AM EST
Khamiis, Juun 06, 2013 (HOL) —Qaar kamid ah xildhibaanada Soomaalida ee ku jira labada aqal ee baarlamaanka dalka Kenya, ayaa xalay magaalada Nairobi casho-sharaf ugu sameeyey madaxweynaha Puntland iyo wefdi uu horkacayo oo muddo todobaad ah socdaal shaqo ku jooga dalka Kenya.

6/6/2013 3:27 AM EST
Khamiis, June 06, 2013Shacabka ku dhaqan magaalada Kismaayo ee xarunta gobolka J/hoose ayaa cabasho ballaaran ka muujiyay kooxo hubeeysan oo xilliyada habeenkii ah dadka isbaareeysta islamarkaana ka qaata moobeelada gacanta iyo waxyaalaha ay wataan.

6/6/2013 2:52 AM EST
Khamiis, June 06, 2013(HOL) :- Ciidamada dowladda Suuriya ayaa dib u qabsaday magaalada xuduuda ku taal ee Qusayr kadib dagaallo socday isbuucyo oo ay la galeen mucaaradka dalkaasi.

6/6/2013 1:54 AM EST
Kahmiis, Juun 5, 2013 (HOL) Culumada Soomaaliyeed ee ku nool gobolka Minnesota ayaa si weyn uga hadlay dilka naxariis-darrada ee loogu geysanayo Soomaalida ku nool dalka Koofur Africa, waxayna ku baaqeen in Soomaalida meel kasta oo ay joogaan ku bannaanbaxaan.