2014-10-21
Today from Hiiraan Online:  _
Wararka Maanta- Arbaco, Jun 5 , 2013
Maxkamadda Ciidamada Qalabka sida ee dowladda Somalia oo ka hadashay dadka Howgallada lagu soo Qab-qabto


Arbaco, Juun 05, 2013 (HOL) — Maxkamadda ciidamada qalabka sida ee dowladda Soomaaliya ayaa maanta ka hadashay dadka lagu soo qabqabto howgallada ka socda degmooyinka gobolka Banaadir iyo ciidamada hubka wata aan xiran dharka caadiga ah.

Afhayeenka maxkamadda ciidamada qalabka sida, C/llaahi Maxamed Muuse (Keyse) oo shir jaraa’id ku qabtay Muqdisho ayaa sheegay in waalidiinta iyo dadka ehelladooda lagu soo qabqabto howgallada ay maxkamadda ciidamada lasoo xiriiraan si haddii caruurtooda aysan wax dambi ah yeelan loogu sii daayo.

“Waalidiinta iyo dadka kale ee ehelladooda lagu soo qabqabto howgallada waa inay lasoo xiriiraan maxkamadda ciidamada, waxaana ballanqaadaynaa in 24-saac gudahdood aan qofna lagu hayn xabsiga, kii dambi yeeshana la horgeeyo maxkamadda kii kalena lasii daayo,” ayuu yiri Keyse.

Sidoo kale, afhayeeenku wuxuu ka hadlay ciidamada aan xirnay dharka lagu hayaan ciidamada dowladda ee hubeysan in tallaabo sharci ah laga qaadi doono maalmaha soo socda, isagoo xusay in askarigii isagoo hubeysan oo dhar caadi ah wata sharciga lala tiigsan doono.

“Ciidamada ka tirsan dowladda ee isbaarooyinka dhiganaya iyo kuwa hubka wata ee xiran macawis iyo shaati caadi ah tallaabo ayaa laga qaadi doonaa, howgalka arrintan ku saabsanna dhawaan ayaa la billaabi doonaa,” ayuu yiri afhayeenka maxkamada ciidamada qalabka sida.

Ugu dambeyn, afhayeenku wuxuu sheegay in howgallada ka socda Muqdisho ay yihiin kuwo ammaanka lagu sugayo, balse ay iyaga mas’uuliyad ka saran tahay inaan xabsiga lagu hayn qof muwaadin ah muddo ka badan 24-saac sida uu qabo sharciga dalka.

Dhawaanahan ayaa waxaa Muqdisho ka socday howgallo lagu soo qabqabtay dad u badan dhallinyaro kuwaasoo lala xiriirinayo Al-shabaab, waxaana tani ay fududeyn doontaa in dad badan oo aan dambiilayaal ahayn oo xiran laga sii-daayo xabsiyada Muqdisho.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-06-05 6:45 PM EST
Arbaco, June 6, 2013(HOL)— Ururka Somaliska Ungdomsnätverket (SUN) ee ka dhisan magaalada Eskilstuna ee dalka Sweden ayaa wuxuu ku guuleystay abaalmarin sanadle ah oo ay degmada Eskilstuna bixiso, taasi oo la siiyo ciddii loo garto in ay gacan ka geysatay dhowrista deegaanka.

2013-06-05 4:12 PM EST
Arbaco, Juun 05, 2013 (HOL) — Ugu yaraan laba askari oo ka tirsan ciidamada dowladda Soomaaliya ayaa ku dhintay tiro kalena way dhaawacyo ayaa kasoo gaaray dagaal maanta ciidammo kawada tirsan dowladda Soomaaliya ku dhexmaray gobolka Bay.

2013-06-05 4:05 PM EST
Arbaco, Juun 05, 2013 (HOL) — Prof. Axmed Ismaaciil Samatar ayaa si weyn loogu soo dhaweeyay maanta magaalada Boorame ee xarunta gobolka Awdal, isagoo sheegay inay ugu dambeysay muddo 40-sano ah balse uu aad ugu faraxsan yahay inuu dib ugu soo laabto.

2013-06-05 4:05 PM EST
Arbaco, Juun 05, 2013 (HOL) — Madaxweynaha Soomaaliya, Xasan Sheekh Maxamud iyo Madaxweynaha Kenya, Uhuru Kenyatta ayaa muddo labo cisho ah wada-hadal ku yeeshay xarunta madaxtooyada Nagana ee gobolka Nyere ee dalka Kenya.

2013-06-05 4:05 PM EST
Arbaco, Juun 05, 2013 (HOL) — Tababar muddo toddobaad ah u soconayay tababarayaal caafimaad ayaa maanta lagu soo gabgabeeyay magaalada Laascaanood ee xarunta gobolka Sool, iyadoo ka qaybgalayaashii loo soo xiray tababarka la guddoonsiiyay shahaadooyin iyo agab caafimaad iyo dawooyin.

2013-06-05 11:02 AM EST
Arbaco, Juun 05, 2013 (HOL) — Wasaaradda amniga ee Puntland ayaa shaacisay magaca nin la sheegay in uu yahay sarkaal sare oo ka tirsan ururka Al-shabaab, kaasoo shalay ay ciidamada ammaanku howlgal ay magaaalada Boosaaso ka sameeyeen kusoo qabteen.

2013-06-05 10:38 AM EST
Arbaco, Juun 05, 2013 (HOL) — Aroornimadii hore saaka aabaarihii 03:15 daqiiqo saacadda London ayaa waxaa dab la qabadsiiyay duqsi lagu barto Qur’aanka kariimka iyo daruusaha kale ee Islaamiga ah oo ku yaalla waqooyiga London.

2013-06-05 10:13 AM EST
Arbaco, Juun 05, 2013 (HOL) — Xogyaha guud ee Qaramada Midoobay ayaa sheegay in dambiyada ugu badan ee ka dhaca gudaha Soomaaliya ay 63% geysato Xarakada Al-shabaab oo dagaal kula jirta Dowladda Soomaaliya.

2013-06-05 7:24 AM EST
Arbaco, Juun 05, 2013 (HOL) — Ciidamada dowladda Soomaaliya iyo kuwa AMISOM ayaa howgallo guri-guri ah oo ay maanta ka sameeyeen degmada Shibbis ee gobolka Banaadir waxay kusoo qabqabteen boqolaal qof oo u badan dhallinyaro.

2013-06-05 7:13 AM EST
Arbaco, Juun 05, 2013 (HOL) — Maamulka goboleedka Galmudug ee dalka Soomaaliya ayaa ku wargeliyay hay’adaha samafalka ee ka holwgala deegaannada uu maamulkaas ka taliyo inay is-diiwaangeliyaan, waxaana hadalkan ku dhawaaqay madaxweynaha Galmudug, Cabdi Xasan Cawaale (Qaybdiid).

2013-06-05 7:00 AM EST
Arbaco, Juun 05, 2013 (HOL) — Madaxweynaha Soomaaliya, Xasan Sheekh Maxamuud iyo madaxweynaha Kenya Uhuru Keyatta ayaa kulan ku yeeshay shalay oo Talaado ahayd madaxtooyada Kenya, kaasoo ay labada mas’uul uga hadleen xiriirka labada dal u dhexeeya.

2013-06-05 3:09 AM EST
Arbaco, Juun 05, 2013 (HOL) — Ciidamada ammaanka ee Puntland ayaa howlgal ay shalay gelinkii danbe ka sameeyeen magaalada Boosaaso ee xarunta gobolka Bari, waxay kusoo qabteen nin la sheegay in uu ahaa sarkaal sare oo ka tirsan xarakada Al-shabaab.

2013-06-05 3:07 AM EST
Arbaco, Juun 05, 2013 (HOL) — Wafdi ka socda xafiiska cusub siyaasadda ee Qaramada Midoobey UNSOM ayaa shalay gaaray magaalada Baydhabo ee xarunta gobolka Bay, waxaana garoonka diyaaradaha kusoo dhaweeyay maamulka gobalka Baay iyo qaar ka tirsan qaybaha kala duwan ee arrimaha bulshada.