2014-08-01
Today from Hiiraan Online:  _
Wararka Maanta- Arbaco, Jun 5 , 2013
Maamulka GALMUDUG oo hay’adaha samafalka ee ka Howlgala Deegaanada uu ka taliyo ku amray inay is-diiwaan-geliyaan


Arbaco, Juun 05, 2013 (HOL) — Maamulka goboleedka Galmudug ee dalka Soomaaliya ayaa ku wargeliyay hay’adaha samafalka ee ka holwgala deegaannada uu maamulkaas ka taliyo inay is-diiwaangeliyaan, waxaana hadalkan ku dhawaaqay madaxweynaha Galmudug, Cabdi Xasan Cawaale (Qaybdiid).

Jen. Qaybdiid oo ka hadlayay munaasabad ka dhacday degmada Gaalkacyo ayaa sheegay in hay’adaha samafalka ay is-diiwaan-geliyaan si loola socdo tiradooda iyo howlaha ay deegaannadaas kawadaan.

“Hay’adaha safamalka ee ka howgala Galmudug waa inay is-diiwaan-geliyaan si howlaha ay qabanayaan loo ogaado, hay’addii aan amarkaan fulinna tallaabo ayaa laga qaadi doonaa,” ayuu yiri Jen. Qaybdiid.

Ma sheegin tallaabada hay’adaha laga qaadayo, waxaana deegaannada ay ka taliso Galmudug ka howlgala hay’ado fara badan oo kuwa samafalka ah, kuwaasoo isugu jira kuwo dowli ah iyo kuwo aan dowli ahayn oo madax-bannaan.

Tallaabadan ayaa noqonaysa tii ugu horreysay oo maamulkaas uu u jeediyo hay’adaha samafalka ee ka howlgala deegaannadooda, iyadoo aysan jirin wax war ah oo arrintan ku saabsan oo kasoo baxay hay’adaha samafalka.

Arrintan ayaa waxay kusoo beegmaysaa iyadoo dowladda Soomaaliya ay dhowr toddobaad ka hor ku dhawaaqday in ajaanibta ku sugan dalka oo ay ka mid yihiin kuwa u shaqeeya hay’adaha samafalka iyo shirkadaha kale ee dalka ku sugan ay is-diiwaangeliyaan.

Madaxa waaxda socdaalka iyo jinsiyadaha dowladda Soomaaliya, Jen. C/llaahi Gaafoow Maxamuud ayaa dhawaan sheegay in la diiwaangeliyay kumannaan ruux oo ajnabi ah oo ka howgala gudaha dalka, kuwaasoo aan intooda badan ruqsado ka haysan dowladda Soomaaliya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-06-05 6:45 PM EST
Arbaco, June 6, 2013(HOL)— Ururka Somaliska Ungdomsnätverket (SUN) ee ka dhisan magaalada Eskilstuna ee dalka Sweden ayaa wuxuu ku guuleystay abaalmarin sanadle ah oo ay degmada Eskilstuna bixiso, taasi oo la siiyo ciddii loo garto in ay gacan ka geysatay dhowrista deegaanka.

2013-06-05 4:12 PM EST
Arbaco, Juun 05, 2013 (HOL) — Ugu yaraan laba askari oo ka tirsan ciidamada dowladda Soomaaliya ayaa ku dhintay tiro kalena way dhaawacyo ayaa kasoo gaaray dagaal maanta ciidammo kawada tirsan dowladda Soomaaliya ku dhexmaray gobolka Bay.

2013-06-05 4:05 PM EST
Arbaco, Juun 05, 2013 (HOL) — Prof. Axmed Ismaaciil Samatar ayaa si weyn loogu soo dhaweeyay maanta magaalada Boorame ee xarunta gobolka Awdal, isagoo sheegay inay ugu dambeysay muddo 40-sano ah balse uu aad ugu faraxsan yahay inuu dib ugu soo laabto.

2013-06-05 4:05 PM EST
Arbaco, Juun 05, 2013 (HOL) — Madaxweynaha Soomaaliya, Xasan Sheekh Maxamud iyo Madaxweynaha Kenya, Uhuru Kenyatta ayaa muddo labo cisho ah wada-hadal ku yeeshay xarunta madaxtooyada Nagana ee gobolka Nyere ee dalka Kenya.

2013-06-05 4:05 PM EST
Arbaco, Juun 05, 2013 (HOL) — Tababar muddo toddobaad ah u soconayay tababarayaal caafimaad ayaa maanta lagu soo gabgabeeyay magaalada Laascaanood ee xarunta gobolka Sool, iyadoo ka qaybgalayaashii loo soo xiray tababarka la guddoonsiiyay shahaadooyin iyo agab caafimaad iyo dawooyin.

2013-06-05 11:02 AM EST
Arbaco, Juun 05, 2013 (HOL) — Wasaaradda amniga ee Puntland ayaa shaacisay magaca nin la sheegay in uu yahay sarkaal sare oo ka tirsan ururka Al-shabaab, kaasoo shalay ay ciidamada ammaanku howlgal ay magaaalada Boosaaso ka sameeyeen kusoo qabteen.

2013-06-05 10:38 AM EST
Arbaco, Juun 05, 2013 (HOL) — Aroornimadii hore saaka aabaarihii 03:15 daqiiqo saacadda London ayaa waxaa dab la qabadsiiyay duqsi lagu barto Qur’aanka kariimka iyo daruusaha kale ee Islaamiga ah oo ku yaalla waqooyiga London.

2013-06-05 10:13 AM EST
Arbaco, Juun 05, 2013 (HOL) — Xogyaha guud ee Qaramada Midoobay ayaa sheegay in dambiyada ugu badan ee ka dhaca gudaha Soomaaliya ay 63% geysato Xarakada Al-shabaab oo dagaal kula jirta Dowladda Soomaaliya.

2013-06-05 7:36 AM EST
Arbaco, Juun 05, 2013 (HOL) — Maxkamadda ciidamada qalabka sida ee dowladda Soomaaliya ayaa maanta ka hadashay dadka lagu soo qabqabto howgallada ka socda degmooyinka gobolka Banaadir iyo ciidamada hubka wata aan xiran dharka caadiga ah.

2013-06-05 7:24 AM EST
Arbaco, Juun 05, 2013 (HOL) — Ciidamada dowladda Soomaaliya iyo kuwa AMISOM ayaa howgallo guri-guri ah oo ay maanta ka sameeyeen degmada Shibbis ee gobolka Banaadir waxay kusoo qabqabteen boqolaal qof oo u badan dhallinyaro.

2013-06-05 7:00 AM EST
Arbaco, Juun 05, 2013 (HOL) — Madaxweynaha Soomaaliya, Xasan Sheekh Maxamuud iyo madaxweynaha Kenya Uhuru Keyatta ayaa kulan ku yeeshay shalay oo Talaado ahayd madaxtooyada Kenya, kaasoo ay labada mas’uul uga hadleen xiriirka labada dal u dhexeeya.

2013-06-05 3:09 AM EST
Arbaco, Juun 05, 2013 (HOL) — Ciidamada ammaanka ee Puntland ayaa howlgal ay shalay gelinkii danbe ka sameeyeen magaalada Boosaaso ee xarunta gobolka Bari, waxay kusoo qabteen nin la sheegay in uu ahaa sarkaal sare oo ka tirsan xarakada Al-shabaab.

2013-06-05 3:07 AM EST
Arbaco, Juun 05, 2013 (HOL) — Wafdi ka socda xafiiska cusub siyaasadda ee Qaramada Midoobey UNSOM ayaa shalay gaaray magaalada Baydhabo ee xarunta gobolka Bay, waxaana garoonka diyaaradaha kusoo dhaweeyay maamulka gobalka Baay iyo qaar ka tirsan qaybaha kala duwan ee arrimaha bulshada.