2014-10-21
Today from Hiiraan Online:  _
Wararka Maanta- Axad, Jun 30, 2013
Afhayeenka Howlgallada Al-shabaab oo sheegay in Saraakiil ka Tirsanaa Al-shabaab lagu dilay Howlgal ka dhacay Baraawe



Axad, Juun 30, 2013 (HOL) — Afhayeenka howgallada Al-shabaab, Sheekh C/casiis Abuu-Muscab ayaa war uu warbaahinta siiyay ku xaqiijiyay in laba ka mid ah saraakiishii sar-sare ee Al-shabaab lagu dilay degmada Baraawe ee gobolka Shabeellada Hoose, kaddib markii ay diideen inay is-dhiibaan.

Labada ruux ee la dilay ayaa waxay kala ahaayeen Sheekh Ibraahim Xaaji Jaamac Miicaad oo loo yaqaannay Ibraahim Afghan iyo C/xamiid Xaashi Col-haye oo loo yaqaannay Macallin Burhaan oo labadaba ka mid ahaa rag ay xulufo ahaayeen Sheekh Xasan Daahir Aweys iyo Sheekh Mukhtaar Rooboow Cali oo toddobaad ka hor kula dagaalamay degmadaas xoogag ka amarqaata hoggaamiyaha Al-shabaab, Axmed Cabdi Godane.

“Mujaahidiintu waxay dileen laba walaalaha ka tirsanaa oo kasoo horjeestay  howlgal la doonayay in lagu soo qabto, waxaana halkaas ka dhacay dagaal ay ku dhinteen, waxaana geeridooda u sheegnay xaasaskoodii iyo caruurtii ay ka dhintee, Allaha u naxariisto ayaana leennahay,” ayuu Abuu-Muscab ku sheegay war uu saxaafadda siiyay.

Ibraahim Afghan ayaa wuxuu ka mid ahaa saraakiil Al-shabaab ka tirsan oo uu Mareykanku madaxooda dhintay malaayiin Doollar, waxaana isaga si gaar ah loogu ballanqaaday ciddii soo sheegta meel uu ku sugan yahay ama disha 5-milyan oo doollarka Mareykanka ah.

Afhayeenku wuxuu sheegay in raggan iyo kuwo kale oo baxsaday ay wadeen isku dayo ay ku kala qaybinayaan Xarakada Al-shabaab, taasna ay keentay in howgallo lagu soo qabqabanayo la sameeyo, isagoo xusay inay jiraan rag kale oo baxsaday oo qaarkood ay ciidammo ka daba-direen.

Haweeney ay walaalo yihiin Ibraahim Afhan ayaa sheegtay in walaalkeed iyo ninka kale ee lala dilay la qbtay, kaddibna la toogtay, balse waxaa hadalkaas gaashaanka ku dhuftay Al-shabaab oo sheegtay in labadaba ay ku dhinteen iska-horimaad dhexmaray iyaga iyo xoogag Al-shabaab ka tirsan.

“Waxba kama jiraan wararka sheegaya in labadan nin la qabtay kaddibna la toogtay, warkaas waa mid been ah oo la sameeyay, labaduna dagaal ayay ku dhinteen, xilli howlgal uu ka socday degmada Baraawe,” ayuu yiri Abuu-Muscab.

Afhayeenka Al-shabaab wuxuu sheegay in labadan ruux ay ka mid ahaayeen rag diiday amarrada hoggaanka Al-shabaab sidaasna lagu dilay, isagoo intaa ku daray in sidoo kale ay socdaan howlgallo kale oo lagu doonayo in lasoo qabto rag kale oo ay jaal ahaayeen.

Ragga kale ee lagu raad-joogo oo ay isku dhinac kasoo jeedeen labadan ruux ee la dilay ayaa waxay kala yihiin: Sheekh Xasan Daahir Aweys oo xalay soo gaaray Muqdisho iyo Sheekh Mukhtaar Roobow Cali (Abuu-Mansuur) oo la sheegay inuu ku sugan yahay deegaanno ka tirsan gobolka Bay.

Howlgalladu way soconayaa inta laga suurogelinayo in kuwa doonaya inay qaybiyaan Al-shabaab laga soo qabanayo, waxaana mid ka mid ah raggii loo diray howlgallada oo Al-shabaab ka tirsanaa lagu dilay deegaanka Raamo-caddeey ayuu Abuu-Muscab hadalkiisa kusoo gabagabeeyay.

Waa markii ugu horreysay oo Al-shabaab uu khilaaf noocan oo kale ah soo dhexgalo, waxaana la sheegay in raggan qaarkood la dilay qaarkoodna ay ka baxsadeen Baraawe ay doonayeen inay sameystaan urur ka madaxbannaan Al-shabaab.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-06-30 2:08 PM EST
Axad, Juun 30, 2013 (HOL) — Wasiir ku xigeenka wasaaradda wafaafinta xukuumadda Soomaaliya, C/shakuur Cali Mire oo maanta shir jaraa’id ku qabtay Muqdisho ayaa ciidamada Kenya ee qaybta ka ah howgalka AMISOM ku eedeeyay inay ka qaybgaleen dagaalkii Kismaayo ka dhacay.

2013-06-30 2:00 PM EST
Axad, Juun 30, 2013 (HOL) — Dowladda Somalia ayaa sheegtay in arrinta Sheekh Xasan Daahir Aweys ay u baahan tahay fursad si arritan xal looga gaaro, waxaana arrintaan sheegay afhayeenka madaxweynaha Soomaaliya, Inj. C/raxmaan Cumar Cismaan (Yariisow).

2013-06-30 1:16 PM EST
Axad, Juun 30, 2013 (HOL) — Madaxweynaha Soomaaliya, Xasan Sheekh Maxamuud ayaa maanta ka qaybgalay xirtaankii kalfadhigii labaad ee golaha baarlamaanka Soomaaaliya oo maanta lasoo xiray, waxaana sidoo kale goob-joog ka ahaa kulankaas guddoomiyeyaasha baarlamaannada Puntland iyo Galmudug.

2013-06-30 10:31 AM EST
Axad, Juun 30, 2013 (HOL) — Wasaaradda Qorsheynta Qaranka Somaliland, ayaa soo bandhigay daraasad ay afartii sannaba mar samayso oo lagu eego hab nololeedka bulshadda Somaliland sida arrimaha Hooyadda iyo dhalaanka, Caafimaadka, waxbarashadda, shaqada iyo isticmaalka biyaha nadiifadda ah.

2013-06-30 10:31 AM EST
Axad, Juun 30, 2013 (HOL) — Guddoomiyaha maamulka gobolka Hiiraan Cabdi Faarax Lanqayo oo shir jaraa'id ku qabtay maanta magaalada xafiiskiisa magaalada Baladweyne ayaa uga digay ganacsatada gobolka in ay soo galiiyaan magaalada lacago been abuur ah.

2013-06-30 10:31 AM EST
Axad, Juun 30, 2013 (HOL) — Hay’adda horumarinta haweenka Soomaaliyeed ee SWDC ayaa Muqdisho ka qaybisay deeq dhar ah oo ay soo dhiibeen jaaliyadda Soomaaliyeed ee ku nool Magaalada London ee xarunta dalka Britain , iyadoo deeqdan ay ka koobnayd dharka haweenka, raga iyo kuwa caruurta, waxaaana la socday kabo iyo bustayaal.

2013-06-30 4:32 AM EST
Axad, Juun 30, 2013 (HOL) — Ciidamada Maamulka Axmed Maxamed Islaam (Axmed Madoobe) ayaa la wareegay gacan ku haynta magaalada Kismaayo ee xarunta gobolka Jubbada Hoose, kaddib dagaallo saddexdii maalmood ee ugu dambeeyay ka socday gudaha magaaladaas.

2013-06-30 3:49 AM EST
Axad, Juun 30, 2013 (HOL) — Wafdi uu hoggaaminayo wasiirka Owqaafta, arrimaha diinta iyo dhaqanka dalka Jabuuti ayaa Muqdisho u yimid saakay ka qaybgalka munaasabadda 01-da Luuliyo oo ku beegan 53-guuradii kasoo wareegtay markii gobollada Koonfureed ka xoroobeen gurmeysigii Talyaaniga iyo is-raacii labada gobol.

2013-06-30 2:52 AM EST
Axad, Juun 30, 2013 (HOL) — Dowladda Soomaaliya ayaa xabsiga dhigtay Sheekh Xasan Daahir Aweys iyo xubno taageerayaashiisa ah oo la socday, kuwaasoo xalay fiidkii laga soo dajiyay garoonka diyaaradaha ee Muqdisho.

2013-06-30 2:01 AM EST
Axad, Juun 30, 2013 (HOL) — Dagaal culus oo galay maalintii saddexaad ayaa saakay dib uga qarxay magaalada Kismaayo ee xarunta gobolka Jubbada Hoose, dagaalkan oo daba socda dagaalladii labadii maalmood ee lasoo dhaafay ka dhacayay degmadaas.