2014-07-30
Today from Hiiraan Online:  _
Wararka Maanta- Isniin, Jun 3 , 2013
Ciidamada Dowladda Soomaaliya iyo kuwa AMISOM oo Howl-gallo ka wada Degmada Xamar-jajab ee Gobolka Banaadir


Isniin, Juun 03, 2013 (HOL) — Ciidamada dowladda Soomaaliya iyo kuwa AMISOM ayaa saakay howlgallo  xooggan kawada degmada Xamar-jajab ee gobolka Banaadir, iyagoo xayiran dhammaan waddooyinka gala degmadaas.

Goobjoogayaal ku sugan degmada ayaa sheegay in ciidamadan ay guryaha mid-mid u galayaan ayna kala soo baxayaan dhallinyarada, iyadoo gudaha degmadaas lagu arkayo barxado waaweyn oo dhallinyarada la isugu geeyay.

“Aroortii hore ee saakay ayaan kusoo toosnay ciidammo fara badan oo isugu jira kuwa dowladda iyo AMISOM oo gudaha xaafadaha degmada ku sugan, way diideen in dibadda aan uga baxno guryaheenna,” ayuu yiri Cumar Nuur oo ka mid ah dadka deegaanka.

Sidoo kale, Cumar Nuur wuxuu sheegay inaysan jirin cid shaqo aadday iyo goob shaqo oo furan, sidoo kalena ay ardaydu ku xayiran yihiin guryahooda qaar ka mid ahna ay ciidamadu guryahooda kala baxeen.

Howlgalkan ayaa wuxuu qayb ka yahay howlgallo ay dhawaanahan Muqdisho ka wadeen ciidamada dowladda Soomaaliya iyo kuwa AMISOM, kuwaasoo ay saraakiisha AMISOM sheegeen inay yihiin kuwo lagu baadi-goobayo kooxo ka tirsan Al-shabaab oo magaalada ku dhuumanaya.

Saraakiisha dowladda Soomaaliya ayaa ka gaabsaday inay ka hadlaan howl-galka ay saakay ka wadaan degmada Xamar-jajab, balse waxay sheegeen in ay qabqabateen dhallinyaro badan oo looga shakisan yahay inay Al-shabaab ka tirsan yihiin.

Magaalada Muqdisho ayaa waxaa dhawaanahan ka socday howgallo xooggan oo lagu baarayo degmooyinka gobolka, kuwaasoo lagu soo qabqabtay tiro dhallinyaro ah oo qaarkood weli ay ku jiraan xabsiyada Muqdisho.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-06-03 12:56 PM EST
Melbourne, June 3 (HOL) - shalayto oo taariikhdu ahayd 2nd June 2013, ayaa waxaa magaalada Melbourne ee dalka Australia kulan ku dhex-maray R/Wasaaraha Australia Julia Gillard iyo R/Wasaarihii hore ee Somalia mudane Prof C/Weli Maxamed Cali Gaas.

2013-06-03 12:46 PM EST
Isniin, Juun 03, 2013 (HOL) — Dad tiradoodu ahayd 10,000 ayaa dibadbaxyo ay ku dalbanayaan in maxaabiista ku jira xabsiyada Itoobiya lasii daayo ka dhigay magaalada Addis Ababa ee xarunta dalka Itoobiya, iyadoo dadkaas ay cambaareyn u jeediyeen xisbiga talada dalkaas haya ee EPRDF.

2013-06-03 11:37 AM EST
Isniin, Juun 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) isla markaana ah sii hayaha xilka madaxweynimo ee Soomaaliya ayaa maanta kula kulmay Muqdisho ergayga cusub ee Qaramada Midoobay ay u soo magacowday Soomaaliya, Nicholas Key.

2013-06-03 11:26 AM EST
Isniin, Juun 03, 2013 (HOL) — Gaadiid sida in ka badan 150 tan oo raashin ah qaybna ka gargaar dowladda Turkigu ugu deeqday dadka Soomaaliyeed ayaa gaaray magaalada Widhwidh oo 100-km dhinaca galbeed kaga beegan magaalada Laascaanood ee xarunta gobolka Sool.

2013-06-03 10:56 AM EST
Isniin, Juun 03, 2013 (HOL) — Shir jaraa’id oo uu Muqdisho ku qabtay ku-simaha xoghayaha joogtada ah ee wasaaradda arrimaha dibadda iyo iskaashiga caalamiga ah ee Soomaaliya, danjire Cabdisalaam Xaaji Axmed Liibaan ayaa wuxuu ugu baaqay dowladda Koonfur Afrika inay ka shaqeyso badbaadinta nafta iyo hantida dadka Soomaaliyeed ee dalkeeda ku nool.

2013-06-03 9:15 AM EST
Isniin, Juun 03, 2013 (HOL) — Xarakada Al-shabaab ayaa degmada Jilib ee gobolka Jubbada dhexe laba qof oo Kenyan ah, kuwaasoo ay bishii hore ka soo qafaasheen gudaha dalka Kenya, kaddib markii ay weerar lama filaan ah ku qaadeen xilli habeen ah.

2013-06-03 8:43 AM EST
Isniin, Juun 03, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in xukuumaddiisu aysan kula dagaalsanay Kenyan xal u helidda ammaanka iyo dib u soo celinta nabadda Soomaaliya 20-sano oo colaado ah kaddib.

2013-06-03 8:01 AM EST
Isniin, Juun 03, 2013 (HOL) — Ergayga cusub ee Qaramadda Midoobay u soo magacowday Soomaaliya, Nicholas Kay ayaa maanta yimid Muqdisho si uu ula wareego xilkiisa ergaygii hore ee Qaramada Midoobay u qaabilsanaa arrimaha Soomaaliya, Augustine Mahiga.

2013-06-03 2:20 AM EST
Waxaa sannad waliba dhammaadka bisha May ku kulma magaalada Ashland ee Gobolka Oregon (USA) cayaartooydii hore ee Kubadda Kulayga uuna marti-galiyo Cabdi Xalwo.