12/18/2014
Today from Hiiraan Online:  _
Wararka Maanta- Sabti, Jun 29, 2013
AFHAYEENKA AMISOM: “Dagaalka Kismaayo waxaa Mas’uuliyadiisa iska leh dowaldda, innagu dhexdhexaad ayaan ka nahay”



Sabti, Juun 29, 2013 (HOL) — Afhyeenka AMISOM, Col. Cali Aadan Xumad ayaa sheegay maanta in dagaalka ka socda Kismaayo ay mas’uuliyaddiisa leedahay dowladda Soomaaliya, ciidamadooda halkaas ku suganna ay dhexdhexaad ka yihiin dagaalka.

Col. Xumad oo u warramayay VOA-da ayaa sheegay in ciidamadooda aysan wax lug ah ku lahayn dagaalka socda, cid gaar ah oo ay la jiraanna aysan jirin, ayna si isku mid ahna loogu daweynayo isbitaallada AMISOM ay halkaa ku leedahay dhaawacyadii soo kala gaaray dhinacyada dagaallamaya.

“AMISOM waxay ka xun tahay dagaallada ka dhacay Kismaayo ee walaalaha Soomaalida dhexmaraya, ciidamadeennuna waxay leeyihiin mas’uulyiad ay ku shaqeeyaan oo ay u soo tababarteen, mas’uuliyaddooduna waa ay kaga shaqeeyaan dalka, howshooduna waa inay nabadda Soomaaliyeed xaqiiyaan, waxaana mas’uuliyadda ciidamada ciidamada halkaas jooga ay saran tahay ciidamada Kenya,” ayuu afhayeenka AMISOM ku yiri wareysiga.

Sidoo kale, afhayeenku wuxuu sheegay in wadahadallo looga dooday xiisada ka taagan Kismaayo ay ka socota Addis Ababa, kaasoo ay leeyihiin AMISOM, IGAD, dowaldda Soomaaliya iyo Sheekh Axmed Madoobe, go’aannada kasoo baxana waan sugaynaa.

“Sida madaxweynaha Soomaaliya uu sheegay mas’uuliyaddeenna waa inaan ilaalinno shacabka halkaas ku sugan iyo hantidooda, innaguna labada dhinac dhexdhexaad ayaan ka nahay, mana jirto cid aan qori u qaadannay,” ayuu Col. Xumad hadalkiisa ku daray.

Mar la weydiiyay eedeyn ay u soo jeediyeen AMSIOM dhinacyada taageera Col. Barre Hiiraale iyo raga la socda oo ah inay ciidamada Kenya qayb ka yihiin dagaalka oo ay madaafiic magaalada ku garaaceen, ayuu sheegay inay yihiin kuwo aanay waxba ka jirin.

“Innagu waxaan dagaalkaas ka nahay dhexdhexaad mana jirto cid aan qori u qaadannay, balse mas’uuliyadda dagaalka Kismaayo waa mid ay leedahay dowladda Soomaaliya, howsheenana waa inaan ku soconno hadafka iyo sida ay doonayso dowladda Soomaaliya, dhaqkhtaradeennana waxaa xilligan lagu daweynayaa 10 ka mid ah dhinacyadii dagaalamay,” ayuu afhayeenku ku daray hadalkiisa.

Dhanka kale, Col. Xumad wuxuu sheegay in xilligan ay xabbadu joogsatay oo xaalku deggen yahay, howsheenuna waa inaan joojinno haddii uu dagaal meel ka dhaco, taasna waan ku soconaynaa maadaama ay mas’uuliyaddeenu tahay.

Ugu dambeyn, afhayeenku wuxuu ka hadlay xariga ay ciidamada AMISOM u geysteen abaanduulihii ciidamada xoogga dalka ee gobollada Jubbooyinka Col. Cabbaas, isagoo sheegay in lagu hayo deegaanka Dhoobley, wixii soo gaaraya ay mas’uul ka yihiin ciidamada halkaas ku sugan.

Waa markii ugu horreysay oo AMISOM ay si toos ah ugu eedeyso dowladda Soomaaliya dagaallada Kismaayo ka socda, iyadoo madxda dowladdu ay ku cel-celinayeen labadii maalmood ee lasoo dhaafay in dagaalka Kismaayo si dhaqso ah lagu joojiyo, ciidamada Midowga Afrikana ay dhexdhexaad ka noqdaan dagaalka.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

6/29/2013 2:37 PM EST
Sabti, Juun 29, 2013 (HOL) — Guddoomiyaha baarlamaanka Soomaaliya, Maxamed Sheekh Cismaan (Jawaari) ayaa maanta xafiiska ku qaabilay guddoomiyeyaasha Baarlamaannada Puntland iyo Galmudug oo shalay soo gaaray magaalada Muqdisho ee xarunta Soomaaliya.

6/29/2013 1:00 PM EST
Sabti, Juun 29, 2013 (HOL) — Waxaa magaalada Muqdisho ee caasimadda Dalka Soomaaliya gaaray Shiikh Xasan Daahir Aweys oo maalmihii aynu ka soo gudubnay ku sugnaa degmada Cadaado ee Gobolka Galgaduud. Xasan Daahir ayaa waxaa Muqdisho geystay diyaarad ka soo qaadday Cadaado.

6/29/2013 12:36 PM EST
Sabti, Juun 29, 2013 (HOL) — Dagaalladii maanta ka socday Kismaayo ayaa qaboobay maqrinimadii caawa, iyadoo ciidamadii dagaalku u dhexeeyay ay weli isku horfadhiyaan xaafado ka tirsan magaaladaas, waxaana si xowli ah uga socda barakac ay dadku sameynayaan.

6/29/2013 10:11 AM EST
Sabti, Juun 29, 2013 (HOL) — Wasiirkii hore arrimaha gudaha Maxamed Nuur Caraale (Duur), ayaa maanta xilkii ku wareejiyey wasiirkii cusbaa ee loo soo magacaabay wasaaradda Cali Maxamed Warancadde.

6/29/2013 10:05 AM EST
Sabti, Juun 29, 2013 (HOL) — Sarkaalka u qaabilsan safaarada Britain ee Soomaaliya arrimaha ciidamada ayaa maanta tagay magaalada Baladweyne isaga oo kormeeray ciidamada maamulka gobolka islamarkaana booqday xeryaha ay degan yihiin.

6/29/2013 9:24 AM EST
Sabti, Juun 29, 2013 (HOL) — Kumannaan kamid ah taageerayaasha urur-siyaasadeedka uu hoggaamiyo madaxweynaha xilligan haya talada Puntland Dr. C/raxmaan Faroole ee Horseed ayaa maanta isugu soo baxay inta badan magaalooyinka waaweyn ee Puntland.

6/29/2013 8:41 AM EST
Sabti, Juun 29, 2013 (HOL) — Mucaaradka xukuumadda xilligan ka arimisa Puntland ee uu hoggaamiyo Madaxweyne C/raxmaan Maxamed Faroole ayaa ku eedeeyey ururka HORSEED in ololihiisa doorashada uu ku maal geliyey hantida qaranka.

6/29/2013 8:30 AM EST
Sabti, Juun 29, 2013 (HOL) — Madaxweynaha Jamhuuriyadda Federaalka Soomaaliya, Xasan Sheekh Maxamud ayaa maanta mar kale ku baaqay in si deg-deg ah loo joojiyo dagaalka ka socda magaalada Kismaayo xarunta gobolka Jubbada Hoose.

6/29/2013 8:12 AM EST
Sabti, Juun 29, 2013 (HOL) — Madaxweynaha Soomaaliya, Xasan Sheekh Maxamuud ayaa qoraal uu u gudbiyay baarlamaanka Soomaaliya wuxuu kaga dalbaday xildhibaannada inay bil ka mid ah labada bilood ee fasaxa ay leeyihiin ay sii shaqeeyaan si ay u meel mariyaan hidiyaal sharciyeedyo ay u soo gudbisay xukuumadda Soomaaliya.

6/29/2013 7:43 AM EST
Madaxweyne ku xigeenka dalka Kenya William Ruto ayaa amar lagu siiyay inuu banneeyo dhul ku yaalla gobolka Rift Valley oo ah halkii ay dhaceen intoo badnayd rabshadihii uu dhiiga badani ku daatay ee dalka Kenya.

6/29/2013 7:18 AM EST
Sabti, Juun 29, 2013 (HOL) — Dagaalkii magaalada Kismaayo ayaa si xowli ah uga socda xaafadaha magaaladaaas, iyadoo khasaaraha dhimasho ee ka dhashay dagaalkaas ka badan yahay kii shalay dhacay, waxaana wararku ay sheegayaan in 18-qof ugu yaraan ay ku dhinteen.

6/29/2013 7:06 AM EST
Sabti, Juun 29, 2013 (HOL) — Xukuumadda Soomaaliya iyo xafiiska UNSOM ee Soomaaliya ayaa ugu baaqay dhinacyada ku dagaalamaya Kismaayo inay si dhaqso ah ku joojiyaan dagaalka dhiiggu uu ku daadanayo ayna nabad iyo wadahadal ku dhameeyaan khilaafka u dhexeeya.

6/29/2013 6:51 AM EST
Sabti, Juun 29, 2013 (HOL) — Ciidamada AMISOM ee Baydhabo ku sugan oo marayay suuqa afar irdoonka Baydhabo ayaa qarax miino lala beegsaday, iyadoo qaraxaas uu khasaare kasoo gaaray ciidamada Midowga Afrika iyo dad shacab ah oo ku sugnaa goobta uu qaraxu ka dhacay.

6/29/2013 6:31 AM EST
4 qof ayaa ku dhimatay 5 kalana waa ku dhaawacmeen dagaallo horleh oo ka dhacay tuulooyin ku teedsan magaalada Mandheera ee gobolka waqooyi bari ee Soomaalida Kenya.

6/29/2013 3:54 AM EST
Sabti, Juun 29, 2013 (HOL) — Hugunka madaafiicda culus ayay saakay kusoo kaceen dadka ku nool magaalada Kismaayo ee xarunta gobolka Jubbada Hoose, taasoo daba socota dagaalkii shalay gellinkii dambe ka billowday magaaladaas.

6/29/2013 3:13 AM EST
Sabti, Juun 29, 2013 (HOL) — Dowladda Soomaaliya ayaa laga yaabaa inay Sheekh Axmed Madoobe heshiis kula gasho inuu guddoomiye ka noqdao magaalada Kismaayo si xal loogu helo xiisadaha ka taagan degmadaas oo sababay gacan ka hadal.

6/29/2013 2:40 AM EST
Sabti, Juun 29, 2013 (HOL) — Sheekh Xasan Daahir Aweys ayaa la sheegay inuu ogolaaday inuu xildhibaannadii iyo waxgaradkii dhawaan gaaray degmda Cadaado uu u raaco Muqdisho, kaddib wadahadallo maalmo qaatay oo ku dhexmaray degmadaas.