2014-04-16
Today from Hiiraan Online:  _
Wararka Maanta- Sabti, Jun 29, 2013
Madaxweynaha Somalia oo Xildhibaannada Baarlamaanka Weydiistay in ay bil ka mid ah bilahooda fasaxa sii shaqeeyaan

Sabti, Juun 29, 2013 (HOL) — Madaxweynaha Soomaaliya, Xasan Sheekh Maxamuud ayaa qoraal uu u gudbiyay baarlamaanka Soomaaliya wuxuu kaga dalbaday xildhibaannada inay bil ka mid ah labada bilood ee fasaxa ay leeyihiin ay sii shaqeeyaan si ay u meel mariyaan hidiyaal sharciyeedyo ay u soo gudbisay xukuumadda Soomaaliya.

Kulankii maanta uu shir-guddoominayay guddoomiyaha baarlamaanka Prof. Maxamed Sheekh Cismaan (Jawaari) ayaa waxaa looga hadlay laba ajande oo midkood uu ahaa codsiga madaxweynaha iyo midka kale oo ahaa in la meel-mariyo hab-dhowrayaasha baarlamaanka.

Ajandihii ugu horreeyay oo ahaa in la meelmariyo hab-dhowrayaasha golaha baarlamaanka Soomaaliya ayaa waxaa soo jeediyay Prof. Jawaari iyadoo loo magacaabay xilkan saddex xildhibaan oo kala ahaa: C/llaahi Xasan Rooble oo ah guddoomiyaha habdhorayaasha baarlamaanka iyo labadiisa ku xigeen oo kala ah: Xasan Sheegoow Sagaar iyo Maxamed C/llaahi Xasan, iyadoo xildhibaannadu ay hab gacan-taag ah ku ogolaadeen habdhoraha iyo ku xigeennadiisa qaab gacan-taag ah.

Intaas kaddib guddoomiyuhu wuxuu xildhibaannada u akhriyay warqad ka timid madaxweynaha oo uu ku codsanayo in baarlamaanku hal bil ay galaan kal-fadhi aan caadi ahayn oo lagu meel-marinayo sharciga xukuumaddu ay soo gudbisay.

“Waxaan warqad ka helay madaxweynaha jamhruuriyadda Soomaaliya oo ku saabsan codsi sii shaqeynta baarlamaanka muddo hal bil oo ka mid ah kuwa ay fasaxa leeyihiin, kaddib markii uu arkay go’aankii golaha wasiirrada oo ah meel-mariyo sharciyadii ay xukuumaddu u gudbiyay baarlamaanka, si loo fududeeyo sharciyadan, wuxuu madaxweynuhu soo jeediyay in kal-fadhi aan caadi ahayn ay baarlamaanka yeeshaan,” ayuu guddoomiyuhu yiri, wuxuuna ku sheegay qoraalka in madaxweynuhu uu qodobbo dastuurka ka mid ah u cuskaday qoraalkan uu soo gudbiyay.

Xildhibaannada baarlamaanka ayaa arrintaan ka dooday, iyadoo qaarkood ay kasoo horjeesteen codsiga madaxweynaha ayna sheegeen in dastuurka dalka uu qabo in la xiro fadhiyada baarlamaanka lana raaco taas, halka kuwo kalena ay soo jeediyeen in codsiga madaxweynaha la aqbalo.

Ugu dambeyn, guddoomiyaha baarlamaanka ayaa sheegay in sida sharciga uu qabo la xirayo kalfadhiyada baarlamaanka 30-ka bisha Juun oo berry ku beegan, balse kalfadhiga aan caadiga ah la furayo 02-da bisha soo socota ee Luuliyo ama July oo ku beegan maalinta Talaadada ah ee soo socota, ayna xildhibaannadu ogolaadeen codsiga madaxweynaha.

Waa markii ugu horreysay oo madaxweynaha Soomaaliya uu codsi noocan oo kale u soo gudbiyo baarlamaanka Soomaaliya, iyadoo golaha shacabka ay horyaallaan hindise sharciyeedyo kala duwan oo ay xukuumaddu bilihii ugu dambeeyay u soo gudbinaysay.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-06-29 2:37 PM EST
Sabti, Juun 29, 2013 (HOL) — Guddoomiyaha baarlamaanka Soomaaliya, Maxamed Sheekh Cismaan (Jawaari) ayaa maanta xafiiska ku qaabilay guddoomiyeyaasha Baarlamaannada Puntland iyo Galmudug oo shalay soo gaaray magaalada Muqdisho ee xarunta Soomaaliya.

2013-06-29 1:00 PM EST
Sabti, Juun 29, 2013 (HOL) — Waxaa magaalada Muqdisho ee caasimadda Dalka Soomaaliya gaaray Shiikh Xasan Daahir Aweys oo maalmihii aynu ka soo gudubnay ku sugnaa degmada Cadaado ee Gobolka Galgaduud. Xasan Daahir ayaa waxaa Muqdisho geystay diyaarad ka soo qaadday Cadaado.

2013-06-29 12:45 PM EST
Sabti, Juun 29, 2013 (HOL) — Afhyeenka AMISOM, Col. Cali Aadan Xumad ayaa sheegay maanta in dagaalka ka socda Kismaayo ay mas’uuliyaddiisa leedahay dowladda Soomaaliya, ciidamadooda halkaas ku suganna ay dhexdhexaad ka yihiin dagaalka.

2013-06-29 12:36 PM EST
Sabti, Juun 29, 2013 (HOL) — Dagaalladii maanta ka socday Kismaayo ayaa qaboobay maqrinimadii caawa, iyadoo ciidamadii dagaalku u dhexeeyay ay weli isku horfadhiyaan xaafado ka tirsan magaaladaas, waxaana si xowli ah uga socda barakac ay dadku sameynayaan.

2013-06-29 10:11 AM EST
Sabti, Juun 29, 2013 (HOL) — Wasiirkii hore arrimaha gudaha Maxamed Nuur Caraale (Duur), ayaa maanta xilkii ku wareejiyey wasiirkii cusbaa ee loo soo magacaabay wasaaradda Cali Maxamed Warancadde.

2013-06-29 10:05 AM EST
Sabti, Juun 29, 2013 (HOL) — Sarkaalka u qaabilsan safaarada Britain ee Soomaaliya arrimaha ciidamada ayaa maanta tagay magaalada Baladweyne isaga oo kormeeray ciidamada maamulka gobolka islamarkaana booqday xeryaha ay degan yihiin.

2013-06-29 9:24 AM EST
Sabti, Juun 29, 2013 (HOL) — Kumannaan kamid ah taageerayaasha urur-siyaasadeedka uu hoggaamiyo madaxweynaha xilligan haya talada Puntland Dr. C/raxmaan Faroole ee Horseed ayaa maanta isugu soo baxay inta badan magaalooyinka waaweyn ee Puntland.

2013-06-29 8:41 AM EST
Sabti, Juun 29, 2013 (HOL) — Mucaaradka xukuumadda xilligan ka arimisa Puntland ee uu hoggaamiyo Madaxweyne C/raxmaan Maxamed Faroole ayaa ku eedeeyey ururka HORSEED in ololihiisa doorashada uu ku maal geliyey hantida qaranka.

2013-06-29 8:30 AM EST
Sabti, Juun 29, 2013 (HOL) — Madaxweynaha Jamhuuriyadda Federaalka Soomaaliya, Xasan Sheekh Maxamud ayaa maanta mar kale ku baaqay in si deg-deg ah loo joojiyo dagaalka ka socda magaalada Kismaayo xarunta gobolka Jubbada Hoose.

2013-06-29 7:43 AM EST
Madaxweyne ku xigeenka dalka Kenya William Ruto ayaa amar lagu siiyay inuu banneeyo dhul ku yaalla gobolka Rift Valley oo ah halkii ay dhaceen intoo badnayd rabshadihii uu dhiiga badani ku daatay ee dalka Kenya.

2013-06-29 7:18 AM EST
Sabti, Juun 29, 2013 (HOL) — Dagaalkii magaalada Kismaayo ayaa si xowli ah uga socda xaafadaha magaaladaaas, iyadoo khasaaraha dhimasho ee ka dhashay dagaalkaas ka badan yahay kii shalay dhacay, waxaana wararku ay sheegayaan in 18-qof ugu yaraan ay ku dhinteen.

2013-06-29 7:06 AM EST
Sabti, Juun 29, 2013 (HOL) — Xukuumadda Soomaaliya iyo xafiiska UNSOM ee Soomaaliya ayaa ugu baaqay dhinacyada ku dagaalamaya Kismaayo inay si dhaqso ah ku joojiyaan dagaalka dhiiggu uu ku daadanayo ayna nabad iyo wadahadal ku dhameeyaan khilaafka u dhexeeya.

2013-06-29 6:51 AM EST
Sabti, Juun 29, 2013 (HOL) — Ciidamada AMISOM ee Baydhabo ku sugan oo marayay suuqa afar irdoonka Baydhabo ayaa qarax miino lala beegsaday, iyadoo qaraxaas uu khasaare kasoo gaaray ciidamada Midowga Afrika iyo dad shacab ah oo ku sugnaa goobta uu qaraxu ka dhacay.

2013-06-29 6:31 AM EST
4 qof ayaa ku dhimatay 5 kalana waa ku dhaawacmeen dagaallo horleh oo ka dhacay tuulooyin ku teedsan magaalada Mandheera ee gobolka waqooyi bari ee Soomaalida Kenya.

2013-06-29 3:54 AM EST
Sabti, Juun 29, 2013 (HOL) — Hugunka madaafiicda culus ayay saakay kusoo kaceen dadka ku nool magaalada Kismaayo ee xarunta gobolka Jubbada Hoose, taasoo daba socota dagaalkii shalay gellinkii dambe ka billowday magaaladaas.

2013-06-29 3:13 AM EST
Sabti, Juun 29, 2013 (HOL) — Dowladda Soomaaliya ayaa laga yaabaa inay Sheekh Axmed Madoobe heshiis kula gasho inuu guddoomiye ka noqdao magaalada Kismaayo si xal loogu helo xiisadaha ka taagan degmadaas oo sababay gacan ka hadal.

2013-06-29 2:40 AM EST
Sabti, Juun 29, 2013 (HOL) — Sheekh Xasan Daahir Aweys ayaa la sheegay inuu ogolaaday inuu xildhibaannadii iyo waxgaradkii dhawaan gaaray degmda Cadaado uu u raaco Muqdisho, kaddib wadahadallo maalmo qaatay oo ku dhexmaray degmadaas.