2014-07-29
Today from Hiiraan Online:  _
Wararka Maanta- Sabti, Jun 29, 2013
Xukuumadda Somalia iyo UNSOM oo dhinacyada ku dagaalamaya Kismaayo ugu baaqday inay dagaalka Joojiyaan


Sabti, Juun 29, 2013 (HOL) — Xukuumadda Soomaaliya iyo xafiiska UNSOM ee Soomaaliya ayaa ugu baaqay dhinacyada ku dagaalamaya Kismaayo inay si dhaqso ah ku joojiyaan dagaalka dhiiggu uu ku daadanayo ayna nabad iyo wadahadal ku dhameeyaan khilaafka u dhexeeya.

Afhayeenka xafiiska ra’iisul wasaaraha Soomaaliya, Ridwaan Xaaji C/weli oo maanta shir jaraa’id ku qabtay Muqdisho ayaa sheegay in xukuumadda Soomaaliya ay aad uga xun tahay dagaallada ka socda Kismaayo ayna dhinacyada uu u dhexeeyo ugu baaqayo inay dagaalka joojiyaan.

“Dowladda Soomaliya waxay aad uga xun tahay in dagaallada Kismaayo ka socda ay dad rayid ah oo aan wax galabsan waxyeello kasoo gaarto, marar badan ayayna dowladdu codsatay in dagaallada la joojiyo oo xilligan aysan ahayn xilli loo baahan yahay in dhiigga shacabka uu sii daato, 22-sano ayay dagaallo ka socdeen dalka, waxaana la gaaray xilligii wax lagu qaybsan lahaa wax aan hub ahayn,” ayuu yiri Ridwaan, oo sheegay in dowladdu ay ku baaqayso in si dhaqso ah dagaalka lagu joojiyo.

Sidoo kale, afhayeenku wuxuu sheegay inay Alle ka baryayaan inuu intii ku dhimatay dagaalkaas u naxariisto intii ku dhaawacantayna uu caafimaad deg-deg ah siiyo, isagoo sheegay in xilligan laga gudbay dagaal oo ay dalka ka jirto dowlad rasmi ah.

“Xukuumaddu waxay dhinacyada dagaalamaya ku wargelinaysaa inaan loo dulqaadan doonin in dagaalka lasii wado oo dhiigga shacabka la daa’diyo, loona baahan yahay in dagaalka la joojiyo,” ayuu hadalkiisa ku daray.

Dhanka kale, ergayga gaarka ee Qaramada Midoobay u qaabilsan arrimaha Soomaaliya iyo madaxa xafiiska UNSOM, Nicholas Kay ayaa dhinacyada ku dagaalamaya Kismaayo ugu baaqay inay dagaalka si dhaqso ah ku joojiyaan ayna wadahadal ku dhameeyaan khilaafkooda,

“Dagaalka ka dilaacay Kismaayo waa mid sii adkeynaya xaaladda Kismaayo ka jirta, maantana lama joogo xilligii awood wax lagu raadin lahaa, waxaana ku baaqaynaa in xiisadda lagu dhameeyo wadahadal iyo nabad, ayna labada dhinac ka fogaadaan wax walba oo keeni kara colaad dhibaatooyin gaarsiiya dadka shacabka ah ee magaaladaas ku nool,” ayuu yiri Kay.

Ugu dambeyn, ergaygu wuxuu sheegay in wararka ay ka helayaan Kismaayo ay sheegayaan in khasaare badan ay kasoo gaartay dagaallada socda dad shacab ah oo aan waxba galabsan, taasna aysan ahayn mid xilligan loo baahan yahay.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-06-29 2:37 PM EST
Sabti, Juun 29, 2013 (HOL) — Guddoomiyaha baarlamaanka Soomaaliya, Maxamed Sheekh Cismaan (Jawaari) ayaa maanta xafiiska ku qaabilay guddoomiyeyaasha Baarlamaannada Puntland iyo Galmudug oo shalay soo gaaray magaalada Muqdisho ee xarunta Soomaaliya.

2013-06-29 1:00 PM EST
Sabti, Juun 29, 2013 (HOL) — Waxaa magaalada Muqdisho ee caasimadda Dalka Soomaaliya gaaray Shiikh Xasan Daahir Aweys oo maalmihii aynu ka soo gudubnay ku sugnaa degmada Cadaado ee Gobolka Galgaduud. Xasan Daahir ayaa waxaa Muqdisho geystay diyaarad ka soo qaadday Cadaado.

2013-06-29 12:45 PM EST
Sabti, Juun 29, 2013 (HOL) — Afhyeenka AMISOM, Col. Cali Aadan Xumad ayaa sheegay maanta in dagaalka ka socda Kismaayo ay mas’uuliyaddiisa leedahay dowladda Soomaaliya, ciidamadooda halkaas ku suganna ay dhexdhexaad ka yihiin dagaalka.

2013-06-29 12:36 PM EST
Sabti, Juun 29, 2013 (HOL) — Dagaalladii maanta ka socday Kismaayo ayaa qaboobay maqrinimadii caawa, iyadoo ciidamadii dagaalku u dhexeeyay ay weli isku horfadhiyaan xaafado ka tirsan magaaladaas, waxaana si xowli ah uga socda barakac ay dadku sameynayaan.

2013-06-29 10:11 AM EST
Sabti, Juun 29, 2013 (HOL) — Wasiirkii hore arrimaha gudaha Maxamed Nuur Caraale (Duur), ayaa maanta xilkii ku wareejiyey wasiirkii cusbaa ee loo soo magacaabay wasaaradda Cali Maxamed Warancadde.

2013-06-29 10:05 AM EST
Sabti, Juun 29, 2013 (HOL) — Sarkaalka u qaabilsan safaarada Britain ee Soomaaliya arrimaha ciidamada ayaa maanta tagay magaalada Baladweyne isaga oo kormeeray ciidamada maamulka gobolka islamarkaana booqday xeryaha ay degan yihiin.

2013-06-29 9:24 AM EST
Sabti, Juun 29, 2013 (HOL) — Kumannaan kamid ah taageerayaasha urur-siyaasadeedka uu hoggaamiyo madaxweynaha xilligan haya talada Puntland Dr. C/raxmaan Faroole ee Horseed ayaa maanta isugu soo baxay inta badan magaalooyinka waaweyn ee Puntland.

2013-06-29 8:41 AM EST
Sabti, Juun 29, 2013 (HOL) — Mucaaradka xukuumadda xilligan ka arimisa Puntland ee uu hoggaamiyo Madaxweyne C/raxmaan Maxamed Faroole ayaa ku eedeeyey ururka HORSEED in ololihiisa doorashada uu ku maal geliyey hantida qaranka.

2013-06-29 8:30 AM EST
Sabti, Juun 29, 2013 (HOL) — Madaxweynaha Jamhuuriyadda Federaalka Soomaaliya, Xasan Sheekh Maxamud ayaa maanta mar kale ku baaqay in si deg-deg ah loo joojiyo dagaalka ka socda magaalada Kismaayo xarunta gobolka Jubbada Hoose.

2013-06-29 8:12 AM EST
Sabti, Juun 29, 2013 (HOL) — Madaxweynaha Soomaaliya, Xasan Sheekh Maxamuud ayaa qoraal uu u gudbiyay baarlamaanka Soomaaliya wuxuu kaga dalbaday xildhibaannada inay bil ka mid ah labada bilood ee fasaxa ay leeyihiin ay sii shaqeeyaan si ay u meel mariyaan hidiyaal sharciyeedyo ay u soo gudbisay xukuumadda Soomaaliya.

2013-06-29 7:43 AM EST
Madaxweyne ku xigeenka dalka Kenya William Ruto ayaa amar lagu siiyay inuu banneeyo dhul ku yaalla gobolka Rift Valley oo ah halkii ay dhaceen intoo badnayd rabshadihii uu dhiiga badani ku daatay ee dalka Kenya.

2013-06-29 7:18 AM EST
Sabti, Juun 29, 2013 (HOL) — Dagaalkii magaalada Kismaayo ayaa si xowli ah uga socda xaafadaha magaaladaaas, iyadoo khasaaraha dhimasho ee ka dhashay dagaalkaas ka badan yahay kii shalay dhacay, waxaana wararku ay sheegayaan in 18-qof ugu yaraan ay ku dhinteen.

2013-06-29 6:51 AM EST
Sabti, Juun 29, 2013 (HOL) — Ciidamada AMISOM ee Baydhabo ku sugan oo marayay suuqa afar irdoonka Baydhabo ayaa qarax miino lala beegsaday, iyadoo qaraxaas uu khasaare kasoo gaaray ciidamada Midowga Afrika iyo dad shacab ah oo ku sugnaa goobta uu qaraxu ka dhacay.

2013-06-29 6:31 AM EST
4 qof ayaa ku dhimatay 5 kalana waa ku dhaawacmeen dagaallo horleh oo ka dhacay tuulooyin ku teedsan magaalada Mandheera ee gobolka waqooyi bari ee Soomaalida Kenya.

2013-06-29 3:54 AM EST
Sabti, Juun 29, 2013 (HOL) — Hugunka madaafiicda culus ayay saakay kusoo kaceen dadka ku nool magaalada Kismaayo ee xarunta gobolka Jubbada Hoose, taasoo daba socota dagaalkii shalay gellinkii dambe ka billowday magaaladaas.

2013-06-29 3:13 AM EST
Sabti, Juun 29, 2013 (HOL) — Dowladda Soomaaliya ayaa laga yaabaa inay Sheekh Axmed Madoobe heshiis kula gasho inuu guddoomiye ka noqdao magaalada Kismaayo si xal loogu helo xiisadaha ka taagan degmadaas oo sababay gacan ka hadal.

2013-06-29 2:40 AM EST
Sabti, Juun 29, 2013 (HOL) — Sheekh Xasan Daahir Aweys ayaa la sheegay inuu ogolaaday inuu xildhibaannadii iyo waxgaradkii dhawaan gaaray degmda Cadaado uu u raaco Muqdisho, kaddib wadahadallo maalmo qaatay oo ku dhexmaray degmadaas.