2014-04-19
Today from Hiiraan Online:  _
Wararka Maanta- Axad, Jun 2 , 2013
Hay'adda S.Y.P.D oo Mashruuc lagu horumarinayo beeraleyda ka sameysay deegaanno hoostaga Baladweyne (SAWIRRO)


Axad, Juun 02, 2013 (HOL) — Tacbashada beeraha waa laf-dhabarta in badan oo ka mid ah qoysaska ku dhaqan deegaannada uu hareer maro wabiga shabeelle ee gobollka Hiiraan, laakiin haddana dhinaca kale marka aad eegto waxaa muuqaneysa in sanadihii ugu danbeeyay qoysaskaas si wanaagsan uga faa'ideysan tacabka dhulka sababo la xiriira farsamo xumo iyo dhaqaalle la'aan soo food saartay.

Hadaba hay'adda SYPD oo mashaariic kala duwan ka fulisa gobollka Hiiraan ayaa ka bilaawday deegaanno hoostaga magaalada Baladweyne mashruuc lagu hormarinayo dadka beerleyda ah gaar ahaan kuwa danyarta ah ee aan heysan dhaqaalle ku filan si uga faa'ideystaan wax soo saarka dhulka oo qaarkood sida ay sheegeen mudo dheer aan wax tacab ah gallin.

Waxaa si toos ah uga faa'ideystay mashuurcan ilaa 40 qoys oo ku dhaqan deegaannka Bacaad ee hoostaga magaalada Baladweyne oo loo aaaaaaa arkay in ay yihiin kuwo ugu sii liita marka loo eego dadka beerleyda ah ee deegaannkaas ku dhaqan.

C/nuur Ibraahim Isaaq [Farey] oo ah madaxa hay'adda SYPD oo HOL la hadllay ayaa sheegay in 40 ka qoys ee ka faa'ideystay barnaamijka hormarineed in qoyskiiba loo fallay 2.5 Hectar, iyadoo la siiyay ama loogu deeay 75 Liitar oo nafto ah, 5 liitter oo Oolyo Matoor ah, 4.5 kg Abuur isugu jira noocyada qudaarta sida Qaro, Barbarooni, Ansalaaato, Karooto, Koosto, halka dhinaca kale afartii qoysba la wadaajiyay looguna deeqay Matoor ay biyaha uga soo saartaa wabiga iyo qalabka loo isticmaalo ka hortaga cayaanka beeraha.

Marka laga soo tago kaalmada la gaarsiiyay qoysaska beeraleyda ah sidoo kale waxaa ay ka faa'ideysteen aqoon korarsi la xiriira isticmaalka agabka loogu deeqay, qaabka waxbeerista, wadaagida hantida, lahaashaha mashruuca iyo waliba ka miro dhalinta hadafka ah wax soo saarka dhulka ama beeraha oo muhiim u ah dadka dega hareeraha wabiga.

Qoysaskii ka faa'ideystay mashuurcan oo ay wadajir u fulinayeen hay'adda SYPD iyo NRC islamarkaana ay meel-galisay Common Humanitarian Fund  ( CHF) ayaa sheegay in ay siweyn u soo dhaweynayaa kalamada loogu deeqay iyo aqoon korarsiga ay ka helleen hay'addaha gargaarka gaarsiiyay, iyaga oo intaa ku darray in sanadihii ugu danbeeyay aysan hellin gargaar noocan oo kale ah.

Ma'aha markii ugu horeysay oo ay hay'adda ka fuliso gobollka Hiiraan mashaariic kuwa oo kale ah iyadoo sadaxdii sano ee la soo barnaamijiyo hormarineed oo kala duwan ka fulisay deegaanno ka tirsan gobollka.





C/raxmaan Diini, Hiiraan Online
diini@hiiraan.com
Baladweyne, Soomaaliya





Post your comments

2013-06-02 3:01 PM EST
Axad, Juun 02, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo) ayaa galabta si rasmi ah uga furay garoonka kubadda cagta ee Hargeysa Stadium ciyaarihii gobollada ee Somaliland oo ay ka qaybgalayaan 13 kooxood oo ka socda gobollada Somaliland.

2013-06-02 2:36 PM EST
Axad, Juun 02, 2013 (HOL) — Prof. Axmed Ismaaciil Samatar ayaa si weyn loogu soo dhaweeyay maanta magaalada Hargeysa ee xarunta Somaliland kaddib markii uu muddo dheer ka maqnaa, isla markaana ahaa aqoonyahan si weyn uga soo horjeeday gooni isku-taagga Somaliland.

2013-06-02 2:01 PM EST
Axad, Juun 02, 2013 (HOL) — Ciidamada AMISOM ee ku sugan Baydhabo ayaa maanta dilay saddex neef oo isugu jiray laba lo’a ah iyo dameero, kaddib markii ay xireen jidka weyn ee buundada xaafadda Isha Baydhabo.

2013-06-02 12:31 PM EST
Axad, Juun 02, 2013 (HOL) — Saraakiil ka tirsan maamulka Puntland ayaa sheegay in mid ka mid ah diyaaradaha aan duuliye lahayn ee Drones-ka loo yaqaan ay kusoo dhacday deegaan lagu magacaabo Qow oo 20-km u jira degmada Boosaaso ee xarunta gobolka Bari.

2013-06-02 12:18 PM EST
Axad, Juun 02, 2013 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi oo ku sugan Kismaayo ayaa sheegay in si wanaagsan loogu soo dhaweeyay magaalada Kismaayo ee xarunta gobolka Jubbada Hoose.

2013-06-02 12:06 PM EST
Axad, Juun 02, 2013 (HOL) — Dibadbaxayaal careysan ayaa maanta isugu soo baxay maalintii saddexaad barxadda Kizilay magaalada Ankara ee dalka Turkiga, iyadoo booliiskuna ay u adeegsadeen dibadbaxayaashaan suntan dadka ka ilmeysiisa kaddib markii ay isku dhaceen.

2013-06-02 11:21 AM EST
Axad, Juun 02, 2013 (HOL) — Madaxweynaha Puntland, C/raxmaan Sheekh Maxamed Faroole oo ku sugan magaalada Nairobi ee dalka Kenya ayaa sheegay inuu madaxweynaha Soomaaliya, Xasan Sheekh Maxamuud kala hadli doono arrimaha dastuurka iyo xal u helidda jubbooyinka.

2013-06-02 9:03 AM EST
Axad, Juun 02, 2013 (HOL) — Dowladda Kenya ayaa qorsheynaysa inay dib ugu celiso qoxootiga Soomaaliyeed ee ku jira xeryaha Dhadhaab Soomaaliya sida ay sheegtay wasiirradda arrimaha dibadda ee Kenya, Aamina Maxamed oo Nairobi kula kulantay Jicmihii shalay ra’iisul wasaare ku xigeenka ahna wasiiradda arrimaha dibadda Soomaaliya Fowziyo Yuusuf Xaaji Aadan.

2013-06-02 8:25 AM EST
Axad, Juun 02, 2013 (HOL) — Madaxweynaha Soomaaliya, Xasan Sheekh Maxamuud ayaa maanta oo Axad ah kula kulmay magaalada Yokohama ee dalka Japan guddoomiyaha hay’ada xiriirka caalamiga Japan (JICA), Akihiko TANAKA, isagoo kala hadlay go’aankii ra’iisul wasaaraha Japan, Shinzo Abe ee ahaa in Soomaaliya si toos ah kaalmada Japan loo siinayo dowladda iyo mashaariicda horumarineed ee Soomaaliya u baahan tahay.

2013-06-02 4:02 AM EST
Axad, Juun 02, 2013 (HOL) — Ciidammo madaniga oo la shaqeeya kuwa booliiska ayaa loo sameeyay xaafadaha magaalada Baydhabo, kuwaasoo la wareegay sugidda ammaanka degmada Baydhabo oo bilihii ugu dambeeyay ahayd mid kacsan.

2013-06-02 3:53 AM EST
Axad, Juun 02, 2013 (HOL) — Madaxweynaha Soomaaliya, Mudane Xasan Sheekh Maxamuud ayaa maanta kula kulmay Yokohama xoghayaha guud ee Qaramada Midoobay, Ban Ki-Moon, iyagoo kawada hadlay xafiiska cusub ee ay Qaramada ay ka furayso Muqdisho, ergayga cusub Nicholas Kay oo imaan doona Muqdisho, arrimaha ammaanka iyo sidii Qaramada Midoobay ay qayb uga qaadan lahayd dib u dhiska Soomaaliya.