3/29/2024
Today from Hiiraan Online:  _
Wararka Maanta- Khamiis, Jun 13, 2013
Qowmiyadda Soomaali Bantu oo Shir ku Saabsan Arrimaha Jubbooyinka Ku yeeshay Magaalada St. Louis ee Gobolka Missouri


Khamiis, June 13, 2013(HOL)—Shirkaan waxaa ujeedkiisa ahaa wadatashi ay qowmiyadda ka yeelatay arrimaha Soomaaliya gaar ahaan Jubbooyinka. Shirkaan waxaa kasoo qeyb galey Odayaal, Waayo-arag, Siyaasiyin, Dhalinyaro, Haween iyo culumaa'udiin.

Shirkan oo ah mid sanadle ah ayaa waxaa soo qabanqaabisay Somali Bantu National Association Network oo uu gadoomiye ka yahay  Sheikh Abdirahman Weliyow, waxaana looga arrinsaday shirka horumarinta bulshada iyo Jaaliyadda Somali Bantu ee ku dhaqna waddanka mareykanka.

Sanadkaan waxaa ku soo kordhay shirka wadatashiga arrimaha Soomaliya gaar ahaan Jubbooyinka iyo sidii xal loogu heli lahaa arrimaha murugsan ee Soomaaliya. Dadka shirka kasoo qeybgaley waxay marka hore cambaareeyen dagaalladii  ka dhacay magaalada Kismaayo ee gobolka Jubbada Hoose, waxayna ugu baaqeen dadka  dagaallamaya in ay si degdeg ah dagaallada ujoojiyaan ee masaakiinta. Waxaa kale oo ay Dowladda federalka ugu baaqeen in ay tillaabo kasta oo macquul ah qaaddo si shacabka iyo maatada u badbaadaan.

 

Waxaa meesha ka hadley masuuliyiin ka kala socdaan hay’adaha Somali Bantu. Waxaa ka midka ah Guddoomiyaha guud ee Beesha Shambare Osman Hussien Soonjo iyo guddoomiyaha Jaaliyadda Somali Bantu ee magaalada Phoenix, Arizona Abdi Mudasir (Abdi Muda).

 


Guddoomiye Osman Soonjo  ayaa madasha ka caddeeyay  in deegannada Reer Goleedka Jubbooyinka ay  kusoo duuleen dad ka kala yimid waddamada Kenya iyo Ethiopia iyo qaar kale oo ka yimid deegaanno ka tirsan Puntland. Wuxuu ugu baaqay dadka uu sheegay in ay duullaanka kusoo qaadeen Jubbooyinka in ay arimahah Jubbooyinka faraha kala baxaan, haddii kale buu yiri ay iyagu  kag o’an tahay in ay ka difaacdan cadowga ku soo duuley deegankooda “Jubbooyinka waxaa iska leh Reer Goleed ama Beesha Shambare ee Reer Puntland haka fogaadaan faragelinta Jubbooyinka” ayuu yiri guddoomiye Mr Soonjo.

 Waxaa kale meesha ka hadley Siyaasiga Osman Hussein Arbow oo dhawaan ka yimid magaalada Muqdisho  isagoo ka warbixiyay  xaaladda dalka meesha u maraayo oo ugu baaqey dhalinyarada iyo jaaliyadda Somali Bantu in ka qeybqaatan dib udhiska iyo maalgashiga dalkooda hooyo ee Soomaaliya.













Click here
6/13/2013 10:20 AM EST
Khamiis, Juun 13, 2013 (HOL) — Bandhig farshaxameed kii ugu horreeyay noociisa ayay hay’adda CRD ka furtay maanta magaalada Muqdisho, kaasoo socon doona muddo saddex maalmood ah, waxaana xafladda furitaanka goob-joog ka ahaa dad isugu jiray Soomaali iyo ajnabi.

6/13/2013 9:16 AM EST
Khamiis, Juun 13, 2013 (HOL) — Ergayga Qaramada Midoobay ee arrimaha Soomaaliya, Nicholas Kay iyo xubno la socday ayaa maanta tagay Hargeysa si uu kulammo ula yeesho madaxda Somailland oo uu ugu horreeyo Axmed Siilaanyo oo ah madaxweynaha maamulka Somaliland.

6/13/2013 8:03 AM EST
Khamiis, Juun 13, 2013 (HOL) — Madaxweyne iyo madaxweyne ku xigeen cusub ayaa maanta loo doortay maanta maamulka Ximan iyo Xeeb oo ka tiliya deegaanno ka yaalla bartamaha Soomaaliya, waxaana xubnahan cusub ee la doortay maanta u codeeyay 23-ka xubnood ee baarlamaanka maamulkaas uu ka kooban yahay.

6/13/2013 7:38 AM EST
Khamiis, Juun 13, 2013 (HOL) — Wafdi ka socda dalalka Jabuuti iyo Shiinaha ayaa soo gaaray Muqdisho si ay u qiimeeyaan dib u dhis iyo casriyeyn lagu sameeyo dekedda weyn ee Muqdisho oo ah isha ay dowladda Soomaaliya ka hesho dhaqaalaha ugu badan ee gudaha dalka kasoo gala.

6/13/2013 7:17 AM EST
Khamiis, Juun 13, 2013 (HOL) — Hay’adda xuquuqda aadanaha ee Human Rights Watch ayaa baarlamaanka Soomaaliya ugu baaqday inuu xoojiyo sharciga qabayada ah ee ilaalinta xuquuqda aadanaha, uuna kala tashado dhameystirkiisa bulshada Soomaaliyeed.

6/13/2013 3:06 AM EST
Khamiis, Juun 13, 2013 (HOL) — Madaxweynaha maamulka Jubaland Sheekh Axmed Maxamed Islaam (Sheekh Axmed Madoobe) oo magaalada Nairobi ugu warramay wargeyska Standard ayaa sheegay in dhismaha maamulkooda uusan ahayn mid ay ka dambeyso Kenya.