2014-09-02
Today from Hiiraan Online:  _
Wararka Maanta- Talaado, July 9 , 2013
Madaxweynaha Somalia oo ka qaybgalay dabaaldagga Maalinta Xorriyadda Waddanka Koonfurta Suudaan (SAWIRRO)



Talaado, July 09, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa ka qaybgalay maanta xafladda maalinta xorriyadda dalka Koofurta Suudaan oo ay u dabaaldagtay sannad-guuradii labaad ee kasoo wareegtay markii ay xorriyadooda qaateen, iyadoo ay ka qaybgaleen madax kala duwan oo Qaaradda Afrika ka socotay sida madaxweynayaasha Ugandha, Rwanda, Botswana iyo mas’uuliyiin kala oo ka socday dalalka Afrika qaarkood.

Madaxweynaha oo ka mid ahaa madaxdii khudbadaha ka jeediyay xafladda ayaa yiri: “Aad iyo aad baan ugu faraxsanahay inaan idin kala soo qeybgalo xafladdan aad ugu dabaaldegeysaan sannad-guuradii labaad ee kasoo wareegtay markii aad xornimadiina qaadateen. Dadaalkii nabadeynta iyo heshiiyadii Suudaan iyo Koofurta Suudaan ayaa sababay in si walaaltinimo leh aad u heshaan xornimadiina.”

“Sanadka soo socda waxuu noqonayaa midkii ay Koofurta Suudaan ku gaari lahayd horumar baaxad leh ayna ka gudbi lahayd caqabadihii sannadihii hore aad si nabad ah uga soo gudubteen. Jaaliyadda Soomaaliyeed ee ku dhaqan dalkan oo aan xalay la kulmay ayaa iga codsaday in hortiinna aan uga mahad-celiyo madaxweyne Salva Kiir, dowladdiisa iyo shacabka Koonfurta Suudaan sida aad u saacideen jaaliyadda Soomaaliyeed oo iyaga diyaar u ah inay sii wadaaan doorkooda maal-gashiga dalkiinna. Soomaalidu aad bay ugu horreeyaan dhanka ganacsiga oo magaaladan Jubba iyo magaalooyin kaleba ay si qurux badan uga dhex-muuqdaan,” ayuu madaxweynuhu ku daray hadalkiisa.

Madaxweynaha Somalia ayaa ugu dambeyn kusoo gabagabeeyay hadalkiisa hambalyo uu u diray shacabka Suudaan, isagoo sheegay in madaxda Afrika ay diyaar u yihiin inay dalka Koonfurta Suuudaan kala shaqeeyaan sidii ay ku gaari lahaayeen horumar.

Intii munaasabaddu socotay waxaa is-gacan qaaday madaxweyne Xasan Sheekh iyo wasiiradda arrimaha dibadda dalka Kenya, Aamina Maxamed oo dalkeeda uga qaybgalaysay xafladda, iyagoo halkaas isku dhaafsaday hadal kooban.








Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-09 4:15 PM EST
Talaado, July 9, 2013—Waxaa sanadwalba lagu qabtaa magaalada Stockholm ee dalka Sweden ciyaaraha xagaaga oo ay soo qabanqaabiyo Ururka SEUKI oo ka dhisan dalka Sweden.

2013-07-09 11:58 AM EST
Talaado, July 09, 2013 (HOL) — Guddoomiyaha baarlamaanka Soomaaliya ahna ku simaha madaxweynaha, Prof. Maxamed Sheekh Cismaan (Jawaari) ayaa maanta kula kulmay Muqdisho wafdi ka socday Qaramada Midoobay oo uu hoggaaminaya madaxa hay’adda qoxootiga adduunka ee UNHCR, Antonio Guterres.

2013-07-09 11:54 AM EST
Talaado, July 09, 2013 (HOL) — Jaalliyadda reer Jowhar ee ku dhaqan magaalada London ee dalka Britian ayaa xaflad soo dhaweyn ah xalay ugu sameeyay magaaladaas guddoomiyaha guddiga xuquuqul aadanaha, arrimaha bani'aadannimada, haweenka iyo carruurta baarlamaanka Soomaaliya, xildhibaanad Khadiijo Maxamed Diiriye.

2013-07-09 9:00 AM EST
Talaado, July 9, 2013(HOL)-Iyadoo dunida Muslinka caam ahaan laga soo dhaweenayo bisha Barakaysan ee Ramadaan ayaa gobolka Minnesota lagu qabtay kulan Muxaadarooyin ah oo isagu jiro khayrka bishan ay xanbaarsantahay iyo danbi dhaafkeeda.

2013-07-09 8:06 AM EST
Talaado, July 09, 2013 (HOL) — Ra’iisul wasaaraha Soomaaliya wafdi uu hoggaaminayo oo maanta dib ugu soo laabtay Muqdisho kaddib safar ay ku tageen magaalada Baydhabo ee xarunta gobolka Bay ayaa ka warbixiyay safarkooda, isagoo sheegay in waxybaahihii uu kala hadlay shacabka ku nool degmadaas ay isku afgarteen.

2013-07-09 7:48 AM EST
Talaado, July 09, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayo ayaa xalay kulan la qaatay jaaliyadda Soomaaliyeed ee Koonfurta Suudaan, isagoo u jeediyay khudbad uu kula dar-daarmay Jaaliyadda.

2013-07-09 5:00 AM EST
Talaado, July 09, 2013(HOL) :- Waxaa goordhawayd suuqa Bakaaraha ee magaalada Muqdisho qarax lagula eegtay gaadiid nooca raaxada oo ay wateen askar ka tirsan ciidamada dowladda, iyadoona qaraxaasi uu sababay dhaawacyo soo gaaray laba askari.

2013-07-09 3:32 AM EST
Talaado, July 09, 2013(HOL) :- Wasiirka gaashaandhigga dowladda federaalka Soomaaliya Mudane C/xakiin Xaaji Max’uud Fiqi ayaa beeniyay in dowladda Soomaaliya ay wadahadallo kula jirto Sheekh Mukhtaar Rooboow Abuu Mansuur oo ka mid ah hogaamiyaasha sare ee Al-shabaab.