2014-09-01
Today from Hiiraan Online:  _
Wararka Maanta- Talaado, July 9 , 2013
Madaxweynaha Soomaaliya oo kulan la qaatay Jaaliyadda Soomaaliyeed ee ku nool dalka Koofurta Suudaan (SAWIRRO)



Talaado, July 09, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayo ayaa xalay kulan la qaatay jaaliyadda Soomaaliyeed ee Koonfurta Suudaan, isagoo u jeediyay khudbad uu kula dar-daarmay Jaaliyadda.

Xasan Sheekh ayaa waxaa ku wehliyey kulankan safiirka Somalia ee dalka Koonfurta Suudaan, Cabdiraxmaan Nuur Maxamed (Diinaari), xildhibaanno Soomaaliyeed, la-taliyeyaal iyo mas’uuliyiin kale.

“Mar walba oo aan la kulmo madaxweynaha, Salva Kir waxuu ii sheegaa in jaaliyadda Soomaaliyeed ee deggen Koofurta Suudaan ay yihiin jaaliyad ku dayasho mudan oo ay wax weyn kusoo kordhiyeen dalka. Ammaantaas waa mid aad u soo hoyseen dhammaan shacabka Soomaaliyeed, taasna amaan ayaad ku hesheen ee dadaalkaas sii wada. Waxaan ogahay inaad dalkan aad maal-gashi xoogan ku sameyseen, waana inaad ahaataan mar walba kuwo si wadajir ah wax u qabsada,” ayuu madaxweynuhu ku yiri jaaliyaddii uu la kulmay.

Isagoo sii hadlaya ayaa yiri: “Sharafkan iyo karaamadan aad u soo hoyseen shacabka Soomaaliyeed waxaa jiri kara in kooxaha Al-Shabaab ay idin soo dhex-galaan ee fadlan yaan qabiil iyo cabsi lagu difaacin ee hala iska qabto, hana loo gudbiyo hay’adaha ammaanka Koonfurta Sudan, waayo fikirkooda waa mid lid ku ah horumarka ay shacabka Soomaaliyeed ay gaareen.”

Sidoo kale, wuxuu sheegay madaxweynuhu inuu madaxweynaha Koonfurta Suudaan, Salva Kiir uu kala hadli doonaa sidii ganacsigiinna loo xoojin lahaa iyo sidii safaaradda loo siin lahaa dhul ay xafiis ka dhigato.

Madaxweynaha Soomaaliy ayaa maanta ka qeybgeli doona munaasabad loogu dabbaal-dagyo sannadguuradii labaad ee kasoo wareegtay markii ay xorriyadeeda ka qaadatay dalka Suudaan.





Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-07-09 4:15 PM EST
Talaado, July 9, 2013—Waxaa sanadwalba lagu qabtaa magaalada Stockholm ee dalka Sweden ciyaaraha xagaaga oo ay soo qabanqaabiyo Ururka SEUKI oo ka dhisan dalka Sweden.

2013-07-09 2:23 PM EST
Talaado, July 09, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa ka qaybgalay maanta xafladda maalinta xorriyadda dalka Koofurta Suudaan oo ay u dabaaldagtay sannad-guuradii labaad ee kasoo wareegtay markii ay xorriyadooda qaateen, iyadoo ay ka qaybgaleen madax kala duwan oo Qaaradda Afrika ka socotay sida madaxweynayaasha Ugandha, Rwanda, Botswana iyo mas’uuliyiin kala oo ka socday dalalka Afrika qaarkood.

2013-07-09 11:58 AM EST
Talaado, July 09, 2013 (HOL) — Guddoomiyaha baarlamaanka Soomaaliya ahna ku simaha madaxweynaha, Prof. Maxamed Sheekh Cismaan (Jawaari) ayaa maanta kula kulmay Muqdisho wafdi ka socday Qaramada Midoobay oo uu hoggaaminaya madaxa hay’adda qoxootiga adduunka ee UNHCR, Antonio Guterres.

2013-07-09 11:54 AM EST
Talaado, July 09, 2013 (HOL) — Jaalliyadda reer Jowhar ee ku dhaqan magaalada London ee dalka Britian ayaa xaflad soo dhaweyn ah xalay ugu sameeyay magaaladaas guddoomiyaha guddiga xuquuqul aadanaha, arrimaha bani'aadannimada, haweenka iyo carruurta baarlamaanka Soomaaliya, xildhibaanad Khadiijo Maxamed Diiriye.

2013-07-09 9:00 AM EST
Talaado, July 9, 2013(HOL)-Iyadoo dunida Muslinka caam ahaan laga soo dhaweenayo bisha Barakaysan ee Ramadaan ayaa gobolka Minnesota lagu qabtay kulan Muxaadarooyin ah oo isagu jiro khayrka bishan ay xanbaarsantahay iyo danbi dhaafkeeda.

2013-07-09 8:06 AM EST
Talaado, July 09, 2013 (HOL) — Ra’iisul wasaaraha Soomaaliya wafdi uu hoggaaminayo oo maanta dib ugu soo laabtay Muqdisho kaddib safar ay ku tageen magaalada Baydhabo ee xarunta gobolka Bay ayaa ka warbixiyay safarkooda, isagoo sheegay in waxybaahihii uu kala hadlay shacabka ku nool degmadaas ay isku afgarteen.

2013-07-09 5:00 AM EST
Talaado, July 09, 2013(HOL) :- Waxaa goordhawayd suuqa Bakaaraha ee magaalada Muqdisho qarax lagula eegtay gaadiid nooca raaxada oo ay wateen askar ka tirsan ciidamada dowladda, iyadoona qaraxaasi uu sababay dhaawacyo soo gaaray laba askari.

2013-07-09 3:32 AM EST
Talaado, July 09, 2013(HOL) :- Wasiirka gaashaandhigga dowladda federaalka Soomaaliya Mudane C/xakiin Xaaji Max’uud Fiqi ayaa beeniyay in dowladda Soomaaliya ay wadahadallo kula jirto Sheekh Mukhtaar Rooboow Abuu Mansuur oo ka mid ah hogaamiyaasha sare ee Al-shabaab.