2014-11-28
Today from Hiiraan Online:  _
Wararka Maanta- Talaado, July 9 , 2013
Qarax Muqdisho lagula eegtay Gaadiid ay wateen Askar katirsan ciidamada Dowladda


Talaado, July 09, 2013(HOL) :- Waxaa goordhawayd suuqa Bakaaraha ee magaalada Muqdisho qarax lagula eegtay gaadiid nooca raaxada oo ay wateen askar ka tirsan ciidamada dowladda, iyadoona qaraxaasi uu sababay dhaawacyo soo gaaray laba askari.

Goobjeegayaal ku sugan Bakaaraha ayaa HOL u sheegay in qaraxu uu ka dhacay Bakaaraha gaar ahaan agagaarka suuqa dawada, waxayna sheegeen in ruux uu bam gacmeed ku tuuray gaari ay saarnaayeen ciidamo ka tirsan kuwa dowladda.

“Qof ayaa bam gacmeed ku tuuray gaariga, qaraxuna wuu xoogana, meeshana waa lagu kala cararay,” ayuu yiri goobjooge ku sugnaa agagaarka halka uu qaraxa ka dhacay.

Gaadiidka qaraxa lala eegtay ayaa la sheegay in ay saarnaayeen afar askari oo laba kamid ah ay dhaawacyo gaareen, waxaana qaraxa kadib halkaasi gaaray ciidamo ka tirsan kuwo booliska degmada Howlwadaag, kuwaasoo goobta ka bilaabay baaritaanno la xiriira qaraxa.

Ilaa imika ma cadda cidda ka danbeeysay qaraxaasi, mana jiraan masuuliyiin ka tirsan maamulka gobolka Banaadir oo ka hadlay arintaasi.

Weerarkan ayaa  kusoo beegmaya iyadoo dowladda Soomaaliya ay shaaca ka qaaday in ay sameysay ciidamo gaar ah oo ka shaqeyn doona amniga magaalada Muqdisho ee caasimadda dalka Soomaaliya.

Xasan Nuur, Hiiraan Online
hnur@hiiraan.com
Kismaayo-Soomaaliya.





Post your comments

2013-07-09 4:15 PM EST
Talaado, July 9, 2013—Waxaa sanadwalba lagu qabtaa magaalada Stockholm ee dalka Sweden ciyaaraha xagaaga oo ay soo qabanqaabiyo Ururka SEUKI oo ka dhisan dalka Sweden.

2013-07-09 2:23 PM EST
Talaado, July 09, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa ka qaybgalay maanta xafladda maalinta xorriyadda dalka Koofurta Suudaan oo ay u dabaaldagtay sannad-guuradii labaad ee kasoo wareegtay markii ay xorriyadooda qaateen, iyadoo ay ka qaybgaleen madax kala duwan oo Qaaradda Afrika ka socotay sida madaxweynayaasha Ugandha, Rwanda, Botswana iyo mas’uuliyiin kala oo ka socday dalalka Afrika qaarkood.

2013-07-09 11:58 AM EST
Talaado, July 09, 2013 (HOL) — Guddoomiyaha baarlamaanka Soomaaliya ahna ku simaha madaxweynaha, Prof. Maxamed Sheekh Cismaan (Jawaari) ayaa maanta kula kulmay Muqdisho wafdi ka socday Qaramada Midoobay oo uu hoggaaminaya madaxa hay’adda qoxootiga adduunka ee UNHCR, Antonio Guterres.

2013-07-09 11:54 AM EST
Talaado, July 09, 2013 (HOL) — Jaalliyadda reer Jowhar ee ku dhaqan magaalada London ee dalka Britian ayaa xaflad soo dhaweyn ah xalay ugu sameeyay magaaladaas guddoomiyaha guddiga xuquuqul aadanaha, arrimaha bani'aadannimada, haweenka iyo carruurta baarlamaanka Soomaaliya, xildhibaanad Khadiijo Maxamed Diiriye.

2013-07-09 9:00 AM EST
Talaado, July 9, 2013(HOL)-Iyadoo dunida Muslinka caam ahaan laga soo dhaweenayo bisha Barakaysan ee Ramadaan ayaa gobolka Minnesota lagu qabtay kulan Muxaadarooyin ah oo isagu jiro khayrka bishan ay xanbaarsantahay iyo danbi dhaafkeeda.

2013-07-09 8:06 AM EST
Talaado, July 09, 2013 (HOL) — Ra’iisul wasaaraha Soomaaliya wafdi uu hoggaaminayo oo maanta dib ugu soo laabtay Muqdisho kaddib safar ay ku tageen magaalada Baydhabo ee xarunta gobolka Bay ayaa ka warbixiyay safarkooda, isagoo sheegay in waxybaahihii uu kala hadlay shacabka ku nool degmadaas ay isku afgarteen.

2013-07-09 7:48 AM EST
Talaado, July 09, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayo ayaa xalay kulan la qaatay jaaliyadda Soomaaliyeed ee Koonfurta Suudaan, isagoo u jeediyay khudbad uu kula dar-daarmay Jaaliyadda.

2013-07-09 3:32 AM EST
Talaado, July 09, 2013(HOL) :- Wasiirka gaashaandhigga dowladda federaalka Soomaaliya Mudane C/xakiin Xaaji Max’uud Fiqi ayaa beeniyay in dowladda Soomaaliya ay wadahadallo kula jirto Sheekh Mukhtaar Rooboow Abuu Mansuur oo ka mid ah hogaamiyaasha sare ee Al-shabaab.